Magh Mauni Amavasya 2021:మౌని అమావాస్య ఎప్పుడు? ఈ అమావాస్య ప్రత్యేకతలేంటో తెలుసా...

మౌని అమావాస్య ఎప్పుడు?

ఉత్తర భారత క్యాలెండర్ ప్రకారం, మౌని అమావాస్య మాఘ మాసం మధ్యలో వస్తుంది. దీనినే మాఘ అమావాస్య అని కూడా పిలుస్తారు. ఈరోజున రిషి జన్మించాడని చాలా మంది నమ్ముతారు. అందుకే ఈరోజు మౌని అమావాస్యగా జరుపుకుంటారు.

మౌని అమావాస్య తేదీ..

హిందూ మతంలో ద్వాపర యుగం ప్రారంభమైన రోజును మాఘ మాసంగా.. ఈరోజు శుభప్రదమైన రోజుగా భావిస్తారు. ఈ సంవత్సరం మౌని అమావాస్య 2021 ఫిబ్రవరి 11వ తేదీన అంటే గురువారం నాడు వస్తోంది.

మౌని అమావాస్య ప్రాముఖ్యత..

హిందూ క్యాలెండర్లోని మొత్తం సంవత్సరంలో మహా శివరాత్రికి ముందు వచ్చే చివరి అమావాస్యను మౌని అమావాస్య అంటారు. ఈరోజున చాలా మంది హిందువులు వేకువజామునే నిద్ర లేచి, గంగా నదిలో లేదా ప్రవహించే నీటిలో స్నానాలు చేస్తారు. ఇలా పవిత్రమైన స్నానాల సమయంలో నీరు తేనేగా మారుతుందని చాలా మంది నమ్మకం. అనంతరం దేవాలయాలను సందర్శించి ప్రత్యేక పూజలు చేస్తారు.

ఇవి చేయాలి..

మౌని అమావాస్య సందర్భంగా భక్తులందరూ వారి వారి సామర్థ్యం మేరకు పేదలకు దానం చేయాలి. ముఖ్యంగా నువ్వులను, నల్లబట్టలు, దుప్పట్లు, నూనె, వెచ్చని బట్టలతో పాటు మిగిలిన వస్తువులను కూడా దానం చేయొచ్చు. అనంతరం విష్ణువుకు నువ్వులు, దీపాలు అర్పించడం చాలా పవిత్రమైనదని పండితులు చెబుతారు. మౌని అమావాస్య రోజున కలియుగంలో మౌనం ఉండటం వల్ల సత్యయుగంలో వేలాది సంవత్సరాలు కాఠిన్యం చేసే ధర్మం లభిస్తుందని పురాణాలలో చెప్పబడింది.

ఇవి చేయకూడదు..

మౌని అమావాస్య రోజున సూర్యోదయం తర్వాత నిద్ర లేవకూడదు.

ఈ పవిత్రమైన రోజున మాంసాహారం అస్సలు తీసుకోకూడదు.

పొగతాగడం, ఆల్కహాల్ వంటివి కూడా సేవించరాదు.

ఈరోజు ఎవ్వరినీ నిందించకూడదు. చాలా ప్రశాంతంగా ఉండాలి.