Navratri 2020 : దుర్గా దేవి ఆయుధాలలో ఒక్కో దానికి ఒక్కో ప్రత్యేకత... అవేంటో తెలుసా...

శంఖం..

పురాణాల ప్రకారం దుర్గా దేవికి శంఖన్నా వరుణుడు బహుమతిగా ఇచ్చాడు. ఇది మొత్తం స్రుష్టి నుండి ఉద్భవించింది. ఇది ప్రణవం లేదా ఓంకారానికి ప్రతీక. ఈ శబ్ద రూపంలో అమ్మవారు కొలువై ఉన్నారని అర్థం.

కమలం..

ఇది ఒకరి ఆత్మలో ఆధ్యాత్మిక చైతన్యాన్ని మేల్కొలిపేందుకు సహాయపడుతుంది. దీనిని బ్రహ్మదేవుడు దుర్గాదేవికి బహుమతిగా ఇచ్చారు. దుర్గా చేతిలో సగం వికసించిన కమలం వినయాన్ని సూచిస్తుంది. ప్రాపంచిక ఆనందాలకు లొంగకుండా మన ఆధ్యాత్మిక తపనతో నిజాయితీగా ఉండటాన్ని ఇది నేర్పుతుంది.

ఖడ్గం..

మన శత్రువులను నాశనం చేసే సమయంలో.. మన ఫోకస్ అంతా అక్కడే పెట్టాలని ఇది నేర్పుతుంది. మనం ఏ విషయంలోనూ విశ్వాసం కోల్పోకుండా ఏ సవాలునైనా ధైర్యంగా ఎదుర్కోవాలని చెబుతుంది. దుర్గాదేవికి దీనిని ఇంద్రుడు బహుమతిగా ఇచ్చాడు.

విల్లు మరియు బాణం..

విల్లు మరియు బాణం రెండు రకాల శక్తులను సూచిస్తుంది. దుర్గాదేవి ఓ చేతిలో విల్లును.. మరో చేతిలో బాణం పట్టుకున్నప్పుడు.. ఆమె ప్రపంచంలోని అన్ని శక్తులను నియంత్రిస్తుందని అర్థం. దుర్గాదేవికి దీనిని వాయు మరియు సూర్య దేవుడు బహుమతిగా ఇచ్చారు.

సుదర్శన చక్రం..

దుర్గా దేవి యొక్క చూపుడు వేలు చుట్టూ తిరిగే అందమైన సుదర్శన చక్రం వల్ల ప్రపంచం మొత్తం ఆమె ఆదేశానుసారం నడుచుకుంటున్నట్లు సూచిస్తుంది. ఇది సమయాన్ని సూచిస్తుంది. చెడును నాశనం చేయడానికి ఆమె కనికరం లేకుండా ఈ సుదర్శన చక్రాన్ని వాడుతుంది. దీనిని శ్రీమహావిష్ణువు దుర్గాదేవికి బహుమతిగా ఇచ్చారు.

త్రిశూలం..

హిందూ మతంలో త్రిశూలానికి చాలా ప్రాముఖ్యత ఉంది. దీనిని ఆ పరమేశ్వరుడు దుర్గా దేవికి బహుమతిగా ఇచ్చాడు. ఇది సత్యం, ధర్మం, న్యాయం అనే మూడు లక్షణాలను సూచిస్తుంది. భక్తులలో మూడు లక్షణాలను నియంత్రించే శక్తి దుర్గాదేవికి ఉంది. ఆమె రాక్షసులను సంహరించేందుకు ఈ త్రిశూలాన్ని ఉపయోగించింది.

ఒకే గొడ్డలి..

దుర్గా దేవి ఈ ఆయుధాన్ని విశ్వకర్మ నుండి అందుకున్నాడు. ఇది చెడుతో పోరాడుతున్నప్పుడు, ఎలాంటి పరిణామాలకు భయపడాల్సిన అవసరం లేదని సూచిస్తుంది.

గద..

దుర్గా దేవి చేతిలో ఉండే గద సంకల్పానికి ప్రతీక. భక్తులు కూడా తమ నమ్మకాల పట్ల అంతే సంకల్పంతో వ్యవహరించాలని.. ఎలాంటి ఆపద వచ్చినా పట్టుదలతో.. ధైర్యంతో ఎదుర్కోవాలని సూచిస్తుంది.

ఈటె..

ఈ ఆయుధాన్ని అగ్ని దేవుడు దుర్గాదేవికి ఇచ్చాడు. దీన్ని మహిషాసురుడిని అంతమొందించడానికి ఉపయోగించింది. ఈ ఆయుధం జీవితంలో వచ్చిన అడ్డంకులన్నింటినీ అధిగమించడానికి మానవులు దాచిన శక్తిని సూచిస్తుంది.

అభయముద్ర..

దుర్గా దేవి సింహాన్ని వాహనంగా చేసుకుని రాక్షస సంహారానికి బయలుదేరుతుంది. ఈ సమయంలో ఆమె సింహంపై కూర్చుని ఉంటుంది. అప్పుడు అభయముద్రను సూచిస్తుంది. ఇది భయం నుండి విమోచనాన్ని సూచిస్తుంది. ఈ ముద్రలో అమ్మవారు భక్తులను ఉద్దేశించి ‘మీ కార్యాలు, మీ భారాలు నా మీ వెయ్యండి.. మిమ్మల్ని అన్ని భయాల నుండి విముక్తి చేస్తాను' అన్నట్టుగా ఉంటుంది.