కష్టాలు తీరాలన్నా, విదేశాలకు వెళ్లాలనుకున్నా అక్కడ విమానం బొమ్మ సమర్పిస్తే చాలు

జనాల గుండెల్లో స్థానం

నిహాల్‌ సింగ్‌ బతికి ఉన్న రోజుల్లోనే జనాల గుండెల్లో స్థానం సంపాదించుకున్నాడు. ఈయన బావిలకు సంబంధించిన గిలకలు చేస్తూ జీవనం సాగించేవాడు. వాటిని బావులకి అమర్చేవాడు. ఆయన చేసిన గిలకలు ఇప్పటికీ బావులకు ఉన్నాయి.

ఏ బావికి గిలక అమర్చినా

ఆయన అందులో మంచి నేర్పరి. అలాగే నిహాల్ పై మరో నమ్మకం కూడా జనాలకు ఏర్పడింది. ఆయన ఏ బావికి గిలక అమర్చినా అది ఎప్పటికీ ఎండిపోదు అని జనాలు నమ్మేవారు. అందుకే ప్రతి బావికి తన చేతితోనే గిలకను కట్టించేవారు. ఆయన గిలక అమర్చితే ఆ బావిలో నీరు కూడా తియ్యగా మారుతుందిన జనాల నమ్మకం.

బావికి గిలక అమర్చడానికి వెళ్లి

అయితే ఒకసారి నిహాల్‌ సింగ్ ఒక బావికి గిలక అమర్చడానికి బయల్దేరాడు. దాన్ని అమర్చుతుండగా ప్రమాదవశాత్తూ బావిలో పడి మరణించాడు. ఇక స్థానికులంతా కన్నీరుమున్నీరయ్యారు. తల్హాన్‌ గ్రామంలో గురుద్వారాలో ఆయన్ని సమాధి చేశారు.

విమానం బొమ్మను సమర్పిస్తే

ప్రతి సంవత్సరం నిహాల్ సింగ్‌ వర్ధంతిని పురస్కరించుకుని గ్రామంలో పెద్ద జాతర జరుగుతుంది. జాతర సందర్భంగా గ్రామంలో వివిధ పోటీలు నిర్వహిస్తారు. చాలా ప్రాంతాల నుంచి జనాలు కూడా వస్తారు. అయితే నిహాల్ సింగ్ కొలువైన గురుద్వారాలో విమానం బొమ్మను సమర్పిస్తే తాము కోరుకున్న కోరికలు నెరవేరుతాయని భక్తుల నమ్మకం.

వీసా వచ్చేసి

విదేశాలకు వెళ్లాలనుకునేవారు ఎక్కువగా ఇక్కడ విమానం బొమ్మల్ని ముడుపుగా సమర్పిస్తుంటారు. అలా చేసిన వెంటనే వీసా వచ్చేసి విదేశాలకు వెళ్లిపోయిన వారు చాలా మందే ఉన్నారట. విదేశ ప్రయాణాలకు ఉన్న అడ్డంకులన్నీ ఈజీగా తొలిగిపోతాయంట. దీంతో గురుద్వారాకు రోజూ వేలాది మంది వెళ్లి మొక్కులు తీర్చుకుంటూ ఉన్నారు.