Shani Amavasya 2022 :శని దోష నివారణకు ఈ పరిహారాలు పాటించండి...

శని దోష నివారణకు ఈ పరిహారాలు పాటించండి...

ఈ ఏడాది వైశాఖ అమావాస్య శనివారం రోజున వచ్చింది. దీన్నే శని అమావాస్య అని కూడా అంటారు. ఇదే రోజున సూర్య గ్రహణం కూడా ఏర్పడుతుంది. అయితే ఈ సమయంలోనే శని దోష నివారణకు అనుకూలంగా ఉంటుంది. ఎవరి జాతకంలో అయినా శని దోషం ఉంటే దాన్ని నివారించేందుకు ఈరోజు తప్పకుండా ప్రయత్నించాలి. లేదంటే ఇబ్బందులు మరింతగా పెరుగుతాయి.

దానం చేయాలి..

శని దోషం ఉన్నవారు శని అమావాస్య రోజున కచ్చితంగా స్నానం చేయాలి. అలాగే అవసరం ఉన్న వారికి లేదా పేదలకు దానం చేయాలి. ఇలా చేయడం వల్ల మీరు శని దోషం నుండి కొంత ఉపశమన పొందుతారని పండితులు చెబుతున్నారు. అలాగే మీరు చేపట్టిన పనుల్లో విజయం సాధించొచ్చు.

ఉపవాసం ఉండాలి..

శని అమావాస్య రోజున కచ్చితంగా ఉపవాసం ఉండాలి. ఈ పవిత్రమైన రోజున శనిదేవుడిని శాస్త్రోక్తంగా పూజించాలి. శని దేవుని ఆలయానికి వెళ్లి శనైశ్వర అభిషేకం నువ్వుల నూనె, నల్ల నవ్వులను సమర్పిస్తే, శని దేవుని అనుగ్రహం పొందొచ్చు. అలాగే శని దోషం నుండి ముక్తిని కూడా పొందొచ్చు.

నీటితో అభిషేకం..

శని అమావాస్య రోజున శని దేవాలయంలో నీటితో అభిషేకం చేయాలి. పురాణాల ప్రకారం, శని దేవుడు హనుమంతుని భక్తులకు ఎప్పటికీ ఇబ్బందులు కలగజేయడు. కాబట్టి అమావాస్య రోజున మల్లెపువ్వులు, దీపదానం చేయాలి. ఈరోజు హనుమాన్ చాలీసా, సుందర కాండ పఠించడం వల్ల శనిదోషం నుండి ఉపశమనం పొందొచ్చు.

ఇవి చేయకూడదు..

శని అమావాస్య రోజున ఆలస్యంగా నిద్ర లేవకూడదు. అంటే సూర్యోదయం తర్వాత నిద్ర లేవకూడదు. అలా చేయడం వల్ల మీ ఇబ్బందులు పెరుగుతాయి. ఈరోజున ఎవరిపైనా కోపం వ్యక్తం చేయకూడదు. ప్రశాంతంగా ఉండాలి. ఎవరితోనూ గొడవలు పెట్టుకోవద్దు. మాంసం తినడం, మద్యం తాగడం వంటివి చేయరాదు.

శని దేవుని అనుగ్రహం కోసం..

శని అమావాస్య రోజున శని మంత్రాన్ని 5, 7, 11 లేదా 21 సార్లు జపించండి మరియు శని చాలీసాను కచ్చితంగా పఠించాలి. చివరగా శని దేవునికి హారతి ఇవ్వడం మరచిపోవద్దు. ఈ పవిత్రమైన రోజున ఆవనూనెతో చేసిన స్వీట్లను నైవేద్యంగా సమర్పించాలి. శని అమావాస్య రోజున నల్ల నువ్వులు, నల్ల ఉసిరి, నల్లని గుడ్డలు, ఏదైనా ఇనుము వస్తువులు మరియు ఆవనూనె మొదలైన వాటిని అవసరాన్ని బట్టి లేదా పేదవారికి దానం చేయాలి. అనంతరం శని స్తోత్రాన్ని మూడుసార్లు పఠించండి. ఇలా చేయడం వల్ల మీకు శని మహాదశ బాధలు తగ్గడంతో పాటు శని దేవుని అనుగ్రహం లభిస్తుందని పండితులు చెబుతారు.