హిందుమతంలో పవిత్రమైన నంది గురించి ప్రత్యేక కథనం

శివుడి ఆశీర్వాదం కారణంగానే నంది జన్మించింది :

వాయుపురాణంలో చెప్పిన కథ ఆధారితంగా, రిషి కశ్యపునికి పిల్లలు లేరు. క్రమంగా అతను, అతని భార్య సురభి మిక్కిలి కుమిలిపోయేవారు. ఎలాగైనా వంశాన్ని నిలబెట్టాలన్న ఆకాంక్ష వీరిలో బలంగా ఉండేది. నిరంతరం శివుని ఆరాధిస్తున్న కారణంగా, కొద్ది కాలానికి రిషి కశ్యపుడు, సురభి జంట ఒక మగ బిడ్డ చేత ఆశీర్వదించబడ్డారు. పుట్టింది మగపిల్లవాడు కావడంతో ఆ ఇంట్లో సుఖసంతోషాలు నెలకొన్నాయి. క్రమంగా ఆ బాలునికి నంది అని పేరు పెట్టారు. అనగా ఆనందంగా, సంతోషంగా ఉండునట్లు అర్ధం. .

వరుణ దేవుడు, నంది మరియు శిలాద ముని కథనం :

అయితే, కొన్ని ఇతర గ్రంథాల ప్రకారం, శిలాద ముని మరణంలేని పుత్రుడు కావాలని ఇంద్రుని కోరుకోవడం జరిగింది. క్రమంగా ఇంద్రుడు, దీనికి శివుని ఆశీస్సులు అవసరమని సూచించాడు. ఇంద్రుని సూచనల మేరకు శివారాధన ఆచరించిన ఫలితంగా, శిలాద ముని ఒక మైదానంలో ఒక శిశువును కనుగొని, అతనిని దత్తత తీసుకున్నాడు.

కొన్ని సంవత్సరాల తరువాత, వరుణ దేవుడు మరియు మిత్ర దేవుడు శిలాద ముని ఆరాధనకు మెచ్చి, అతనికి దీర్ఘకాల జీవితాన్ని అనుగ్రహించారు. కానీ తన కుమారుడు నంది మాత్రం 8 సంవత్సరాల వయస్సులో మరణిస్తాడని చెప్పారు. అప్పుడు నంది వయస్సు 7 సంవత్సరాలు.

నంది పరమేశ్వరుని ఆరాధించేవాడు :

నంది ఈ విషయం తెలుసుకొని, తన తండ్రిని దుఃఖంలో చూడలేక, శివుని శాంతపరచే క్రమంలో భాగంగా తపస్సు ప్రారంభించాడు. క్రమంగా పరమేశ్వరుడు తన ప్రార్థనలను ఆలకించి, ప్రత్యక్షమయి, మెడలో కట్టుకునేందుకు వీలుగా, గంటలతో కూడిన బహుమతిని ఇచ్చాడు. అంతేకాకుండా, ముందస్తు మరణం శాపాన్ని తొలగించాడు. మరియు శివుడు ఇక నుండి నీవు సగం మనిషి, సగం ఎద్దు వలె ఉంటావని చెప్పాడు. ఆ వరం కారణంగా నంది తల ఎద్దురూపంతోనూ, మొండెం మనిషి రూపంలోనూ ఉంటుందని చెప్పబడుతుంది. క్రమంగా నంది మరియు శిలాదుడు శివుని నివాసానికి చేరుకొని ప్రార్ధించగా, నందిని తన వాహనంగా మరియు తన గణాలకు అధిపతిగా నియమించాడు పరమ శివుడు. మరియు స్నేహితునిగా ఆశీర్వదించాడు.

నంది పరమేశ్వరుని ప్రధాన భక్తులలో ఒకరిగా …

క్రమంగా ఈ రోజు శివుని దేవాలయాలలో, నందిని కూడా ఒక దైవంగా భావించి పూజలను అందివ్వడం జరుగుతుంది. కర్నూలు వద్ద ఉన్న మహానందీశ్వర ఆలయం కేవలం నంది దేవునికి అంకితం చేసిన ఆలయాలలో ప్రధానాలయంగా ఉంది. ఇక్కడ అతి పెద్ద నంది విగ్రహం ఉంది.

అంతేకాకుండా యాగంటిలో ఉండే నంది విగ్రహం తరచుగా పెరుగుతుంటుందని ఒక నమ్మకం కూడా ఉంది. పోతులూరి వీర బ్రహ్మేంద్ర స్వామి వారు రచించిన కాలజ్ఞానంలో, యాగంటి బసవన్న (నంది) రంకె వేసినప్పుడు, లోకం అంతరిస్తుందని ఉన్నట్లుగా చెప్పబడుతుంది.

నంది యొక్క శక్తులు మరియు లక్షణాలు :

నంది న్యాయం, విశ్వాసం, గౌరవం, వివేకం మరియు ధైర్యానికి మారుపేరుగా ఉంటుంది. మరియు ఈ లక్షణాలతో ఉన్న ఎవరైనా శివునికి ప్రియమైన వారుగా ఉంటారని చెప్పబడింది. శివుడు తన్మయత్వములో ఉన్నప్పుడు నంది సంగీతాన్ని ఆలపిస్తాడని చెప్పబడింది. శివుని సైన్యానికి అధిపతిగా ఉంటూ, రాక్షస ఏనుగు అయిన ఐరావతాన్ని సైతం సహరించాడని చెప్పబడింది. నంది ధర్మానికి న్యాయానికి రక్షగా ఉంటాడని చెప్పబడింది.

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర ఆద్యాత్మిక, జ్యోతిష్య, సౌందర్య, ఆరోగ్య, జీవనశైలి, ఆహార, లైంగిక, వ్యాయామ, మాతృత్వ, శిశు సంబంధ, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ వ్యాసంపై మీ అభిప్రాయాలను, వ్యాఖ్యలను క్రింద వ్యాఖ్యల విభాగంలో తెలియజేయండి.