శని జయంతి రోజు చేయాల్సిన పనులు ?!

నూనె ఇవ్వడం

హనుమంతుడు శనిదేవుడి లోని అహంకారాన్ని నాశనం చేసినపుడు, అతని శరీరంపై మచ్చలు, గాయాలు అయ్యాయి. ఆ దెబ్బల నొప్పి పోయి సున్నితంగా తయారవడానికి హనుమంతుడు ఇచ్చిన నూనె సహాయపడింది. శనిదశ దుష్ప్రభావాలతో బాధపడేవారు ఎంతో భక్తితో శనిదేవునికి నూనె సమర్పిస్తే చెడు ఫలితాలు పోతాయని హామీ ఇచ్చాడు. కాబట్టి, శనిజయంతి రోజు శనికి చమురును అందించడాన్ని పవిత్రమైనదిగా భావిస్తారు. ఆవనూనెను శనికి సమర్పించడం ఉత్తమంగా భావిస్తారు.

నల్ల వస్తువులు దానం చేయడం

శనిదేవతను ప్రతిబింబించే నల్ల వస్తువులను శనిజయంతి రోజు దానమివ్వాలి. నల్ల ధాన్యాలు, నల్ల మినప్పప్పు, నల్ల నూనెలు, నల్ల ఆవులు, నల్ల బట్టలు మొదలైనవాటిని శనిజయంతి రోజు దానమివ్వదగ్గ వస్తువులలో కొన్ని మంచి ఉదాహరణలు. ఈ వస్తువులను దానం ఇస్తే శనిదశ లోని చెడు ప్రభావాలు తొలగిపోవడానికి సహాయపడుతాయి. మీ కష్టానికి బహుమతులు, గుర్తింపు పొందడం జరుగుతుంది. ఆర్ధికపరమైన మెరుగుదలను కూడా మీరు చూస్తారు.

నల్ల కుక్కను పోషించడం

నలుపు రంగు, కుక్క రెండూ శనిగ్రహానికి చెందుతాయి. నల్లకుక్కను పోషిస్తే శనిదేవుడు శాంతిస్తాడు. ఆవనూనేతో వేయించిన గోధుమపిండి రొట్టెలు తయారుచేయండి. ఈ రొట్టెలను నల్ల కుక్కకు తినిపించండి, ఇలా చేస్తే మంచి ఫలితాలను త్వరగా పొందుతారు.

నవగ్రహ ఆలయాన్ని దర్శించండి

నవగ్రహ ఆలయం లేదా శనిదేవుని ఆలయాన్ని దర్శించండి. పంచామృతాలు, నూనె, గంగాజలం, నీటితో శనికి అభిషేకం చేయండి. ఇలా చేస్తే శని సంతోషించి, తన బారి నుండి మిమ్మల్ని విడుదల చేస్తాడు.

నవరత్న హారం

శనిగ్రహ దుష్ప్రభావాలతో మీరు ఎక్కువ బాధపడుతుంటే, శనికి తొమ్మిది రత్నాలతో కూడిన హారాన్ని ఇవ్వండి. నవరత్న హారం లేదా తొమ్మిది రత్నాలతో తయారుచేసిన హారాన్ని పూజా సమయంలో శనికి సమర్పించాలి.

హనుమంతుడిని ప్రార్ధించండి

హనుమంతుని ఆలయాన్ని దర్శించి, ఆరోజు పూజలు నిర్వహించండి. హనుమంతుని భక్తులు ఎప్పటికీ శనిదేవుని వల్ల బాధపడరు, కష్టపడరు.