మోచేతులు నలుపు తగ్గించి కాంతివంతగా మార్చే 9 హోం రెమెడీస్

పుదీనా:

ప్రతి రోజూ మనం తయారుచేసుకొనే వంటల్లో పుదీనా తప్పనిసరిగా వాడుతుంటారు. ఇది వంటలకు మంచి రుచి, ఫ్లేవర్ ను మాత్రమే అందివ్వడం కాదు, సౌందర్యానికి కూడా అద్భుతంగా సమాయపడుతుంది. మోచేతుల వద్ద నలుపును నివారించడానికి ఒక కప్పు నీళ్ళు పోసి అందులో పుదీనా వేసి మరిగించి నిమ్మరసం పిండి, ఈ మిశ్రామన్ని కాటన్ తో మీ మోచేతులకు పట్టించి తర్వాత గోరువెచ్చని నీటితో వాష్ చేయాలి.

షుగర్ మరియు ఆలివ్ ఆయిల్:

ఆలివ్ ఆయిల్ మరియు పంచదార మిశ్రమం చాలా ఎఫెక్టివ్ గా పనిచేస్తుంది. చర్మానికి తగినంత తేమను అందించి తెల్లగా మార్చుతుంది . అందుకు ఆలివ్ ఆయిల్ మరియు పందార సమంగా తీసుకొని పేస్ట్ చేసి, ఈ మిశ్రమాన్ని మోచేతులకు పట్టించి 10 నిముషాల తర్వాత కడిగేసుకోవాలి.

బేకింగ్ సోడ మరియు పాలు:

బేకింగ్ సోడా మరియు పాలు రెండింటిని చిక్కటి పేస్ట్ గా చేసి ఈ మిశ్రమాన్ని మోచేతులకు పట్టించి 10 నిముషాల తర్వాత సర్కులర్ మోషన్ లో బాగా రుద్ది తర్వాత చల్లటి నీటితో శుభ్రం చేసుకోవాలి. పాలలోని ల్యాక్టిక్ యాసిడ్ మోచేతులు నలుపును తగ్గించడంలో గ్రేట్ గా సహాయపడుతుంది. బేకింగ్ సోడా డెడ్ స్కిన్ సెల్స్ ను తొలగిస్తుంది.

కొబ్బరి నూనె మరియు నిమ్మరసం :

ఒక చెంచా కొబ్బరి నూనె మరియు అర చెంచా నిమ్మరసం మిక్స్ చేసి ఈ మిశ్రమాన్ని మోచేతులకు పట్టించి 20నిముషాల తర్వాత టిష్యు పేపర్ తో తుడిచేయాలి. ఇలా చేయడం వల్ల కొబ్బరి నూనె చర్మానికి తగినంత తేమను అందించి, నేచురల్ బ్లీచర్ గా పనిచేస్తుంది.

పెరుగు మరియు వెనిగర్ మిశ్రమం:

రెండు చెంచాలా పెరుగు మరియు రెండు చెంచాల వెనిగర్ ను మిక్స్ చేసి మోచేతులకు అప్లై చేసి అరగంట పాటు అలాగే వదిలేయాలి. తర్వాత గోరువెచ్చని నీటితో శుభ్రం చేసుకోవాలి.

శెనగపిండి ప్యాక్:

మనం సాధారణంగా మన ముఖానికి శెనగపిండితో ఫేస్ ప్యాక్ చేసుకుంటుంటాము . ఫేస్ కు మాత్రమే కాదు, నల్లగా మారిన మోచేతులకు కూడా వేసుకోవడం వల్ల మంచి ఫలితం ఉంటుంది. ఒక సారి అప్లై చేసిన తర్వాత బాగా మర్దన చేసి చల్లటి నీటితో శుభ్రం చేసుకోవాలి.

కలబంద మరియు తేనె:

మన ఇంటి ఆవరణలో లేద పెరట్లో ఉండే కలబంద వల్ల బోలెడు ప్రయోజనాలున్నాయి. అలొవెరా జెల్ ను అప్లై చేయడం ద్వారా స్కిన్ పిగ్న్మెంటేషన్ ను తొలగిస్తుంది. అలోవెరా జెల్ మరియు తేనె మిశ్రమాన్ని అప్లై చేసి అరగంట తర్వాత వాష్ చేస్తే, చర్మం కాంతివంతంగా మారుతుంది.

తేనె మరియు పసుపు ప్యాక్:

పసుపులో యాంటీసెస్టిక్ గుణాలు మెండుగా ఉన్నాయి. కాబట్టి, పసుపులో కొద్దిగా తేనె మిక్స్ చేసి మెత్తగా పేస్ట్ లా చేసి మోచేతులకు అప్లై చేసి 20 నిముషాల తర్వాత, బాగా రుద్ది, తర్వాత నీళ్ళు పోసి శుభ్రం చేసుకోవాలి.

ప్రో టిప్:

మీది డ్రై స్కిన్ అయితే మీ చర్మాన్ని మరంత పొడిగా మార్చుతుంది కాబట్టి, నిమ్మరసం వాడిన తర్వత చేతులకు మాయిశ్చరైజర్ లేదా పెట్రోలియం జెల్లీని ఉపయోగించాలి.