మీ పాదాలపై ఆనెకాయలను తగ్గించే అద్భుతమైన ఇంటి చిట్కాలు

1.విటమిన్ ఇ నూనె

విటమిన్ ఇ నూనె సహజంగా తేమనిచ్చే పదార్థం, ఇది పేరుకుపోయిన మృతచర్మ కణాలను తొలగించి ఆనెకాయలను తగ్గిస్తుంది.

ఎలా వాడాలి

- విటమిన్ ఇ నూనెను సమస్య ఉన్నచోటంతా రాయండి.

-మీ పాదాలను సాక్స్ తో కవర్ చేసి రాత్రంతా ఆ నూనెను అలానే ఉండనివ్వండి.

-వారానికి 4-5 సార్లు ఈ చిట్కాను పాటించి వేగవంతమైన ఫలితాలు పొందండి.

2.ఓట్ మీల్

ఓట్ మీల్ మృతకణాలను, ఆనెకాయలను చక్కగా తొలగించటంలో సాయపడే సహజ పదార్థం.

ఎలా వాడాలి

- మీ పాదాలను గోరువెచ్చని నీరున్న టబ్ లో నానబెట్టండి.

-4-5 నిమిషాల తర్వాత కొంచెం ఉడకబెట్టిన ఓట్ మీల్ ను సమస్య ఉన్నచోట రాయండి.

-ఒక 10 నిమిషాల పాటు రుద్దండి, తర్వాత గోరువెచ్చని నీటితో కడిగేయండి.

3.బాదం నూనె

మంచిశక్తి ఉన్న బాదం నూనె చర్మం పొరల్లోకి ఇంకి పేరుకున్న మృతకణాలు, కలుషితాలను తొలగిస్తుంది. ఇలా ఆనెకాయలు తొలగిపోతాయి.

ఎలా వాడాలి

-బాదం నూనెను సమస్య ఉన్నచోటంతా రాయండి.

-మీ పాదాలను కవర్ చేసి రాత్రంతా అలా వదిలేయండి.

-ఈ చిట్కాను ప్రతిరోజూ పాటించి చిరాగ్గా ఉండే ఆనెకాయలను తగ్గించుకోండి.

4.ఆలోవెరా జెల్

ఈ వైద్యలక్షణాలున్న జెల్ లో యాంటీఆక్సిడెంట్లు నిండుగా ఉండి, పాదాలపై వచ్చే ఆనెకాయలను తొలగించి చర్మాన్ని మెత్తగా మారుస్తుంది.

ఎలా వాడాలి

-తాజా ఆలోవెరా జెల్ ను సమస్య ఉన్నచోటంతా రాయండి.

- ఒక గంట పాటు అలానే ఉంచేసి గోరువెచ్చని నీటితో కడిగేయండి.

- ఈ జెల్ ను రోజుకి 2-3సార్లు వాడి ఆనెకాయలకు మంచి ఫలితాలను పొందండి.

5.ఉల్లిపాయ

ఉల్లిపాయలో ఉండే ఎక్స్ ఫోలియేటింగ్ ఏజెంట్లు చర్మంపై మురికిని తొలగించి, మీ పాదాలపై గట్టి, కఠినమైన చర్మాన్ని మెత్తగా మార్చి ఆనెకాయలను తగ్గిస్తుంది.

ఎలా వాడాలి

-గోరువెచ్చని నీటితో చిన్న టబ్ ను నింపి 4-5 చెంచాల ఉల్లిరసాన్ని వేయండి.

- మీ పాదాలను ఆ టబ్ లో 15-20 నిమిషాల పాటు నానబెట్టండి.

-అయ్యాక, పాదాల క్రీమ్ ను రాసి మంచి ఫలితాలను పొందండి.

-ఈ చిట్కాను వారంలో 2-3సార్లు పాటించండి.

6.ఆముదపు నూనె

గట్టిపడిన చర్మాన్ని మెత్తగా మార్చే మరో అద్భుతమైన పదార్థం ఆముదపు నూనె. ఇది చూడటానికి బాగోని ఆనెకాయలను తొలగించటంలో సాయపడుతుంది.

ఎలా వాడాలి

-ఆముదపు నూనెను సమస్య ఉన్న ప్రదేశంలో నెమ్మదిగా రాసి రాత్రంతా అలా వదిలేయండి.

-మరునాడు పొద్దున గోరువెచ్చని నీటితో కడిగేయండి.

-ఈ పద్ధతిని వారంలో 4-5 సార్లు ప్రయత్నించి వేగవంతమైన ఫలితాలను చూడండి.

7.వంట సోడా

మృతచర్మకణాలను, చర్మంపై కలుషితాలను తొలగించటానికి చాలామందికి ఇష్టమైనది వంటసోడా. వంటసోడా మీ పాదాలపై మొండిగా ఉండే ఆనెకాయలకి గుడ్ బై చెప్పటానికి మంచి ఇంటి చిట్కా.

ఎలా వాడాలి

-1 చెంచా వంటసోడాను 1 చెంచా నీటితో కలిపి మెత్తని పేస్టును తయారుచేయండి.

-ఈ పేస్టును సమస్య ఉన్నచోటంతా పూసి, 10-15 నిమిషాలు అలా వదిలేసి తర్వాత గోరువెచ్చని నీటితో కడిగేయండి.

-మంచి ఫలితాల కోసం ఈ చిట్కాను వారంలో 2-3సార్లు వాడండి.