థైరాయిడ్ పేషంట్స్ లో హెయిర్ ఫాల్ తగ్గించే హోం మేడ్ హెయిర్ మాస్క్ లు

1. విటమిన్ సి మాస్క్:

మిక్సీ జార్లో ఒక ఆరెంజ్, ఒక మోసంబి, ఒక స్ట్రాబెర్రీని వేసి, ఈ మూడింటిం కాంబినేషన్ ను జ్యూస్ చేయాలి . ఈ రసాన్ని మూడు చెంచాల పెరుగు మిక్స్ చేసి, ఈ విటమిన్ సి హెయిర్ మాస్క్ ను జుట్టు మొదళ్ల నుండి పట్టించాలి. ఇలా రెగ్యులర్ గా చేస్తుంటే హెయిర్ ఫాల్ తగ్గుతుంది. 20 నిముషాల తర్వాత గోరువెచ్చని నీటితో తలస్నానం చేసుకోవాలి.

2. ఆయిల్ మాస్క్:

రెగ్యులర్ గా తలకు అప్లై చేసే హెయిర్ ఆియల్ ను గోరువెచ్చగా చేసి తలకు పట్టించి సున్నితంగా మసాజ్ చేయడం వల్ల థైరాయిడ్ పేషంట్స్ హెయిర్ ఫాల్ తగ్గించుకోవచ్చు . తలస్నానానికి 1 గంట ముందు తలకు హాట్ ఆయిల్ మసాజ్ వల్ల అనేక ప్రయోజనాలున్నాయి.

3. ఫైబర్ మాస్క్:

ఫైబర్ రిచ్ ఫుడ్స్ ను హెయిర్ మాస్క్ గా అప్లై చేయాలి . ఫైబర్ మాస్క్ వల్ల హెయిర్ ఫాల్ సమస్యలు కొన్ని వారాల్లో తగ్గిపోతాయి. చిక్కటి పాలలో మూడు చెంచాల ఓట్స్ పౌడర్ మిక్స్ చేసి పేస్ట్ లా చేసి తలకు అప్లై చేసి డ్రై అయిన తర్వాత తలస్నానం చేయాలి. ఇలా రెగ్యులర్ గా చేస్తుంటే మంచి ఫలితం ఉంటుంది.

4. టీతో స్నానం:

గ్రీన్ టీ జుట్టును మరియు హెయిర్ స్కాల్ప్ కు గ్రేట్ గా సహాయపడుతుంది. కొన్ని వారాల పాటు క్రమం తప్పకుండా వారంలో రెండుమూడు సార్లు గోరువెచ్చని గ్రీన్ టీతో తలస్నానం చేయడం వల్ల మంచి ప్రయోజనాలను పొందవచ్చు . దాంతో థైరాయిడ్ పేషంట్స్ జుట్టు రాలడం తగ్గించుకోవచ్చు.

5. ఎగ్ మాస్క్:

గుడ్డు ప్రోటీన్ రిచి పదార్థం . ఎలాంటి హెయిర్ సమస్యలైనా నివారించే పోషక గుణాలు ఎగ్ లో అధికంగా ఉన్నాయి . ఎగ్ హెయిర్ మాస్ ను ఉపయోగించి హెయిర్ ఫాల్ ను తగ్గించుకోవచ్చు. థైరాయిడ్ పేషంట్ వారంలో రెండు సార్లు ఎగ్ హెయిర్ మాస్క్ వేసుకోవడం వల్ల జుట్టుకు మంచి షైనింగ్ అందివ్వడంతో పాటు హెయిర్ ఫాల్ అరికడుతుంది.

6. బెర్రీ మాస్క్:

గుప్పెడు స్ట్రాబెర్రీలను తీసుకొని మెత్తగా పేస్ట్ చేసి అందులో మూడు చెంచాల పాలు మిక్స్ చేసి తలకు, కేశాల పొడవునా అప్లై చేసి డ్రై అయిన తర్వాత తలస్నానం చేసుకోవాలి. ఇలా రెగ్యులర్ గా చేస్తుంటే హెయిర్ ఫాల్ తగ్గుతుంది.

7. యోగ్రట్ మాస్క్:

థైరాయిడ్ పేషంట్స్ కోసం ది బెస్ట్ హెయిర్ ట్రీట్మెంట్ చల్లగా ఉండే పెరుగును కేశాలకు అప్లై చేయడం మంచిది . పెరుగులో క్యాల్షియం, ప్రోటీన్ మరియు న్యూట్రీషియన్స్ ను కేశాలకు అదిస్తుంది . హెయిర్ రూట్స్ బలపడటంతో పాటు హెయిర్ ఫాల్ ను అరికడుతుంది.

8. విటమిన్ ఇ :

బాదం నూనెలో ఉండే విటమిన్ ఇ కేశాలకు గ్రేట్ గా ఉపయోగపడుతుంది . రెండు చెంచాల బాదం నూనెను ఒక చెంచా కొబ్బరి నూనె మిక్స్ చేసి గోరువెచ్చగా చేసి, విటమిన్ ఇ క్యాప్యూల్ ను పొడిచేసి నూనెలో మిక్స్ చేసి, ఈ మిశ్రమాన్ని కేశాలకు అప్లై చేయాలి. హెయిర్ మాస్క్ లా వేసుకోవడం వల్ల జుట్టు రాలడం తగ్గుతుంది. వారంలో మూడు సార్లు ఈ హెయిర్ మాస్క్ వేసుకోవడం వల్ల జట్టురాలడం త్వరగా తగ్గుతుంది.