జుట్టు స్ట్రాంగ్ గా..ఒత్తుగా పెరగడానికి ఇంటి చిట్కాలు

1. ఆలివ్ ఆయిల్:

ఆలివ్ ఆయిల్ లో విటమిన్ ఈ సమృద్ధిగా లభిస్తుంది. అందువలన మీ శిరోజాలకు తగిన పోషణ లభిస్తుంది. మీ శిరోజాలు వేగంగా, ఆరోగ్యవంతంగా పెరిగేందుకు ఈ విటమిన్ తోడ్పడుతుంది. కాస్తంత వేడి చేసిన ఆలివ్ ఆయిల్ తో మీ స్కాల్ప్ పై మసాజ్ చేసుకోండి. మరుసటి ఉదయాన్నే మీ శిరోజాలను వాష్ చేసుకోండి.

2. గుడ్లు:

గుడ్లనుంచి శిరోజాలకు అవసరమైన ప్రోటీన్లు లభిస్తాయి. గుడ్లను ఆహారంలో తీసుకోవడం ద్వారానే కాకుండా శిరోజాల సంరక్షణకు హెయిర్ ప్యాక్ గా కూడా వాడి తగిన ప్రయోజనాలు పొందవచ్చు. గుడ్లలోని తెల్లని సొనను ఒక పాత్రలోకి తీసుకుని అందులో కాస్తంత తేనెని కలపండి. ఈ మిశ్రమాన్ని మీ స్కాల్ప్ పై అప్లై చేసి ఒక గంట తరువాత శిరోజాలను నీటితో శుభ్రపరుచుకోండి. ఈ చిట్కాని పాటిస్తే మీ శిరోజాలు దృఢంగా, కోమలంగా మారతాయి.

3. ఉసిరి:

స్కాల్ప్ ని ఎక్స్ఫోలియెట్ చేయడానికి ఉసిరి ఎంతగానో ఉపయోగపడుతుంది. కొన్ని ఎండు ఉసిరికాయలని కొబ్బరి నూనెలో మరిగించి, వడగట్టండి. ఇప్పుడు, వడగట్టిన ఈ నూనెతో మీ స్కాల్ప్ పై మృదువుగా మసాజ్ చేయండి. ఒక గంట తరువాత మీ శిరోజాలను నీటితో శుభ్రపరుచుకోండి. ఈ పద్దతిలో వారానికి ఒకసారి మీ శిరోజాలను సంరక్షిస్తే దృఢమైన శిరోజాలు మీ సొంతమవుతాయి.

4. అలో వెరా:

అలో వెరాలో స్కాల్ప్ యొక్క pH స్థాయిలను బాలన్స్ చేసే సామర్థ్యం కలదు. కొంత అలో వెరా జెల్ ను కాస్త కొబ్బరి పాలతో కలిపి ఈ మిశ్రమాన్ని హెయిర్ ప్యాక్ లా అప్లై చేయండి. ఈ చిట్కాను పాటిస్తూ ఉంటే, కాలక్రమేణా, మీ శిరోజాలు మృదువుగా, కోమలంగా తయారవుతాయి.

5. క్యాస్టర్ ఆయిల్:

క్యాస్టర్ ఆయిల్ లో శిరోజాలను దృఢపరిచే ఒమేగా ఫ్యాటీ యాసిడ్స్ సమృద్ధిగా కలవు. వారానికి ఒకసారి ఈ ఆయిల్ తో స్కాల్ప్ పై మసాజ్ చేయాలి. ఈ పద్దతి ద్వారా మీ శిరోజాలు దృఢంగా తయారవడమే కాకుండా వేగంగా కూడా పెరుగుతాయి.

6. హెన్నా:

సహజసిద్ధమైన హెన్నాని వాడడం ద్వారా మీ శిరోజాలకు డీప్ హెయిర్ కండిషనింగ్ ట్రీట్మెంట్ ను అందివ్వవచ్చు. నెలకొకసారి హెన్నా ట్రీట్మెంట్ ను మీ శిరోజాలకు అందివ్వండి. ఈ విధంగా క్రమంతప్పకుండా పాటిస్తే మీ శిరోజాలు దృఢంగా, కోమలంగా తయారవుతాయి.