తలస్నానం చేసిన తర్వాత ఖచ్చితంగా చేయదగిన మరియు చేయకూడని అంశాల గురించిన వివరాలు మీకోసం.

చేయదగినవి:

1. టీ-షర్టు ఉపయోగించి మీ తడిజుట్టును పొడిగా చేయండి :

నిజం, మీరు ఆశ్చర్యానికి లోనవ్వొచ్చు కూడా. ఒక సాధారణ టవల్(తువాలు) కన్నా, టీ-షర్ట్ తడిజుట్టును పొడిగా చేయడంలో చక్కగా పనిచేస్తుంది. టవల్ మీ జుట్టు షాఫ్ట్ను కఠినతరంగా చేస్తుంది మరియు మీ కుదుళ్ళకు గణనీయమైన నష్టాన్ని కలిగిస్తుంది. క్రమంగా మీ జుట్టు బలహీనంగా మారడం, మరియు విరిగిపోయేలా తయారవుతుంది. తద్వారా జుట్టునష్టం సమస్యలను ఎదుర్కోవలసి ఉంటుంది. కానీ టీ-షర్టును ఉపయోగించడం మూలంగా ఈ సమస్యలు కలుగకుండా జాగ్రత్తలు తీసుకోవచ్చు.

చేయదగినవి:

2. హెయిర్-సీరం (కండిషనర్) ఉపయోగించండి :

మీ జుట్టు రకం ఆధారితంగా కండిషనర్ను ఎన్నుకోండి. ముందుగా మీరు కండిషనర్ గురించిన అవగాహన కలిగిఉండాలి. ఈ కండిషనర్ జుట్టును పొడిబారకుండా చేసి, మీ జుట్టును నునుపుగా మృదువుగా చేయడంలో, మరియు మెరిసేలా ఉంచడంలో సహాయం చేస్తుంది. తలస్నానం తరువాత తడి జుట్టు మీద కండిషనర్ ఉపయోగించడం మంచిది.

చేయదగినవి:

3. మీ వేళ్లను ఉపయోగించి జుట్టు చిక్కును తీయండి :

అనేకమంది సాధారణంగా చేసే తప్పులలో ఇది కూడా ఒకటి. ప్రజలు తరచుగా చిక్కుబడ్డ జుట్టును తొలగించడానికి దువ్వెన లేదా బ్రష్ను ఉపయోగిస్తారు. మీరు వారిలో ఒకరిగా ఉన్నట్లయితే, వెంటనే ఈ అలవాటును ఆపండి. మీ జుట్టు తడి- పొడి సంబంధం లేకుండా, ఎల్లప్పుడూ మీ వేళ్ళను శాంతముగా చిక్కును తొలగించడానికి వినియోగించండి. క్రమంగా జుట్టు విచ్చిన్నం కాకుండా జాగ్రత్తపడవచ్చు.

ఇవి చేయకండి :

1. తడి జుట్టు మీద వెంటనే బ్లో-డ్రైయర్ ఉపయోగించకండి :

అనేకమంది, తడి జుట్టును పొడి చేసే క్రమంలో బ్లో- డ్రైయర్ వినియోగించడం చూస్తూనే ఉంటాం. సత్వరంగా జుట్టును పొడిగా చేయడానికి ఉత్తమంగా పని చేస్తుందని భావిస్తుంటారు. కానీ ఇలా చేయడం ఎంతవరకు సబబు? తరచుగా బ్లో-డ్రైయర్ను వినియోగించడం మూలంగా జుట్టు అనారోగ్యానికి గురవడం, జుట్టు రాలడం, జుట్టు నష్టం మొదలైన అనేక సమస్యలు తలెత్తుతాయని వైద్యులు ధృవీకరిస్తున్నారు. బ్లో డ్రైయర్ నుండి ఉత్పన్నమయ్యే వేడి మీ జుట్టును తేమ నుండి దూరం చేసి, పొడిగా చేస్తుంది. కానీ తరచుగా వినియోగించడం మూలంగా, జుట్టు పెళుసుగా మారుతుంది. క్రమంగా అనేక సమస్యలు ఉత్పన్నమవుతాయి. బదులుగా పైన చెప్పినట్లు టీ షర్ట్ వాడకం మంచిది అని సూచించబడుతుంది.

ఇవి చేయకండి :

2. తడి జుట్టును కలిపి కట్టడం చేస్తున్నారా ? వెంటనే ఆపండి :

తడి జుట్టును కలిపి కట్టడం చేస్తున్నారా? ఇది ఖచ్చితంగా ఆపవలసిన చర్య. జుట్టు మీద ఏ ఇతర ఉపకరణాలను వినియోగించడమైనా కొన్ని ప్రతికూల ఫలితాలను ఇస్తుంది అనడంలో ఎటువంటి ఆశ్చర్యమూ లేదు. ఎందుకంటే, ఉదాహరణకు దువ్వెన, జుట్టు బ్యాండ్లు, సాగే బ్యాండ్లు, U పిన్స్ మొదలైన ఉపకరణాల వాడకం జుట్టు విచ్ఛిన్నానికి దారితీస్తుంది. కావున తడి జుట్టును చిక్కుతీసే క్రమంలో భాగంగా, ఎటువంటి ఉపకరణాల జోలికి వెళ్ళకుండా చేతి వెళ్ళనే ఉపయోగించవలసినదిగా సూచించడమైనది. దువ్వెనలు, బ్రష్షులు కేవలం జుట్టు పొడిగా మారిన తర్వాతనే, అవసరం ఆధారితంగా వినియోగించండి.

ఇవి చేయకండి :

3. తడిజుట్టుకు హెయిర్ బ్యాండ్స్ & క్లిప్స్ వంటి వాడకం సరికాదు

మీతల్లి, లేదా పెద్దవారు అనేకమార్లు ఈవిషయాన్ని మీకు చెప్పే ఉంటారు. తలస్నానం తర్వాత మీ జుట్టును వెంటనే ముడికట్టకూడదు అని. వారు చెప్పినట్లు మీరు వింటున్నారా? వినని పక్షంలో అదొక సీరియస్ అంశమని నిర్ధారించుకోండి. తడిజుట్టును ముడి వేయడం వలన జుట్టు విచ్ఛిన్నం జరుగుతుంది. మరియు అధికంగా సాగే గుణాలు కలిగిన బ్యాండ్ల వాడకం జుట్టును పెళుసుగా చేయడమే కాకుండా, కుదుళ్ళ మీద కూడా ప్రభావాలను కలిగి ఉంటుంది. క్రమంగా చుండ్రు వంటి పరిస్థితులతో పాటు, జుట్టునష్టం సమస్యలను కూడా ఎదుర్కొనవలసి ఉంటుంది.

కావున, ఎల్లప్పుడూ తడిగా ఉన్నా , పొడిగా ఉన్నా మీ జుట్టు చిక్కును తీసే క్రమంలో చేతి వేళ్ళను మాత్రమే వినియోగించండి. అత్యవసర పరిస్థితుల్లో మాత్రమే ఇతర ఉపకరణాలను వినియోగిస్తున్నారని నిర్ధారించుకోండి. తలస్నానం చేశాక జుట్టుకు తగిన కండిషనర్ల వాడకం, ఆహారప్రణాళికలలో, జీవనశైలిలో ఆరోగ్యకర మార్పులు, ఆరోగ్యకర కందెనల వాడకం మొదలైనవి మీ జుట్టు ఆరోగ్యానికి ఎంతగానో దోహదం చేస్తాయి.