Hair tips: నెయ్యితో ఇలా చేస్తే జుట్టు నల్లబడుతుంది.. మీరూ ట్రై చేయండి

వైట్, గ్రే హెయిర్ ఎందుకు వస్తుంది?

తెల్లని, బూడిద రంగులో జుట్టు వల్ల ఎలాంటి ఆరోగ్య సమస్యలు రావు. కానీ చూసేందుకు బాగుండదని చాలా మంది ఫీలైపోతూ ఉంటారు. సరైన జీవన విధానం, హార్మోన్ అసమతుల్యత వల్ల జుట్టు తెల్లగా మారుతుంది.

తెల్లని జుట్టుకు పరిష్కారం లేదా..?

తెల్లని జుట్టు వస్తే ఇక అది ఎప్పటికీ ఉండిపోతుందని.. కలర్స్ వేసుకుని మేనేజ్ చేయాల్సిందేనని చాలా మంది అనుకుంటారు. కానీ కొన్ని జాగ్రత్తలు పాటించడం సహా సరైన డైట్ పాటిస్తే వైట్ హెయిర్ ఆగిపోతుంది. కొన్ని సైడ్ ఎఫెక్ట్స్ లేని చిట్కాలు పాటించడం వల్ల వైట్ హెయిర్ సమస్యకు పరిష్కారం లభిస్తుంది.

ఉసిరి(Amla):

ఆయుర్వేద వైద్యంలో ఉసిరిది ప్రముఖ స్థానం. ఎందుకంటే ఉసిరిని చాలా ఔషధాల తయారీలో వాడుతుంటారు. దీనిలో ఉన్న పోషకాలు, విటమిన్ల వల్లే దీనికి అంతటి ప్రాధాన్యత. ఉసిరి ఆరోగ్యానికి చేసే మేలు అంతా ఇంతా కాదు. ఉసిరి తీసుకోవడం వల్ల చర్మం సౌందర్యం కూడా పెరుగుతుంది. ఉసిరిలో ఉంటే పోషకాలు రోజూ తీసుకుంటే.. జుట్టు రంగు మారకుండా ఉంటుంది. మెటబాలిజంని సక్రమంగా ఉంచేందుకు ఆమ్లా చక్కగా పని చేస్తుంది. ఉసిరి తీసుకోవడం వల్ల శరీరంలో పేరుకుపోయిన చెడు పదార్థాలు తొలగిపోతాయి. ఉసిరి కాయల నుండి జ్యూస్ తయారు చేయాలి. అంతకుముందు తలకు కొబ్బరి నూనెతో మసాజ్ చేయాలి. తర్వాత ఉసిరి జ్యూస్ ను తలకు పట్టించాలి. ఇలా తరచూ చేస్తే మంచి ప్రయోజనం ఉంటుంది. జ్యూస్ కాకుండే ఉసిరి పొడి కూడా తలకు పట్టించవచ్చు. ఉసిరి జ్యూస్ ను తాగడం వల్ల కూడా లాభం ఉంటుందని ఆయుర్వేద వైద్యులు చెబుతున్నారు. ఆయుర్వేత మెడికల్ షాపుల్లో ఉసిరి పొడి అని అడిగితే ఇస్తారు.

కరివేపాకు(Curry leaves):

కరివేపాకును కూరల్లో వేస్తుంటారు. దీని వల్ల మంచి రుచితో పాటు పోషకాలు అందుతాయని వంటకాల్లో వాడుతుంటారు. కరివేపాకు ఆరోగ్యానికి ఎంతో మేలు చేస్తుంది. కరివేపాకు వల్ల జుట్టు ఆరోగ్యాన్ని పెంపొందించుకోవచ్చు. కరివేపాకును పేస్ట్ లా చేసుకుని జుట్టుకు అప్లై చేసుకోవాలి. తలపై పెట్టుకున్న మిశ్రమం నుండి తేమ పోయే వరకు వేచి ఉండాలి. తర్వాత తక్కువ గాఢత ఉన్న షాంపుతో కడిగేయాలి. అలాగే కరివేపాకు రెమ్మలను తీసుకుని కొబ్బరి నూనెలో వేసి మరిగించాలి. నూనె బాగా మరిగి నల్లగా అయ్యేంత వరకు ఉంచాలి. తర్వాత ఆ నూనెను చల్లార్చి తలకు మసాజ్ చేసుకోవాలి. రాత్రంతా అలా వదిలేసి ఉదయాన్నే తక్కువ గాఢత ఉన్న షాంపు పెట్టుకుని తల స్నానం చేయాలి. ఇలా తరచూ చేయడం వల్ల మంచి ప్రయోజనం ఉంటుంది.

బృంగరాజ్(Bhringraj):

బృంగరాజ్ ను జుట్టుకి రాజు అంటారు. ఈ నూనె వల్ల చాలా ఉపయోగాలు ఉంటాయి. ఆయుర్వేద వైద్యంలోనూ బృంగరాజ్ ను ఎక్కువగా ఉపయోగిస్తుంటారు. బృంగరాజ్ తో చేసే నూనె వాడటం వల్ల జుట్టు తెల్లబడకుండా ఉంటుంది. ఈ నూనెతో మంచిగా మసాజ్ చేస్తే రక్తప్రసరణ పెరిగి జుట్టు రాలదు. తలకు మంచిగా పట్టించి ఓ గంట సేపు వదిలేయాలి. తర్వాత తక్కువ గాఢత ఉన్న షాంపూతో కడిగేయాలి. ఇలా వారానికి రెండుసార్లు చేస్తే చక్కటి, నల్లని జుట్టు సొంతం అవుతుంది.

అలాగే ఈ జాగ్రత్తలు కూడా పాటిస్తే ఆరోగ్యకరమైన జుట్టు మీ సొంతం చేసుకోవచ్చు.

* ఆయిల్ తరచూ తలకు పెట్టుకోవాలి. వారానికి కనీసం రెండు సార్లు ఏదో ఒక నూనె పెట్టి చక్కగా మసాజ్ చేయాలి.

* రోజూ నిద్రపోయే ముందు ఆవు నెయ్యి 2 చుక్కలో ముక్కులో వేసుకోవాలి.

* వీలైనప్పుడు ఉసిరి జ్యూస్ ను తలకు పట్టించాలి.

* సరిపోయేంతగా నిద్ర పోవాలి.

* ఒత్తిడిని దూరం చేసుకోవాలి. ఒత్తిడి వల్ల జుట్టు రాలుతుంది.

* కొబ్బరి నూనె తలను చల్లబరుస్తుంది. కాబట్టి కొబ్బరి నూనె అప్పుడప్పుడు పట్టించాలి.

నూనెతో పాటు వీటిని తలకు పట్టిస్తూఉండాలి

అలోవెరా జెల్:

కలబంద గుజ్జు జుట్టుకు ఎంతో మేలు చేస్తుంది. కొబ్బరి నూనెలో కొద్దిగా కలబంద గుజ్జు వేసి బాగా కలపాలి. తర్వాత ఆ మిశ్రమాన్ని తలకు అప్లై చేసుకోవాలి. దీని వల్ల కొబ్బరి నూనె చల్లదనంతో పాటు కలబందలోని పోషకాలు జుట్టుకు లభిస్తాయి.

ఉసిరి పొడి:

రెండు టీ స్పూన్ల ఉసిరి పొడిని 3 స్పూన్ల కొబ్బరి నూనెలో కలిపి తలకు పట్టించాలి. ఇలా చేస్తే మంచి ప్రయోజనం ఉంటుంది.