Holi 2022:హోలీ కలర్స్ నుండి మీ స్కిన్ ను కాపాడుకోవాలంటే.. ఈ చిట్కాలు ఫాలో అవ్వండి...

మాయిశ్చరైజర్..

హోలీ రంగుల వేడుకల్లో పాల్గొనే ముందు అమ్మాయిల మాదిరిగానే అబ్బాయిలు కూడా వారి చర్మ సంరక్షణ కోసం కొన్ని బ్యూటీ టిప్స్ పాటించాలి. కెమికల్స్ తో ఉన్న కలర్స్ మీ స్కిన్ ను పొడిగా మార్చే అవకాశం ఉంటుంది. కాబట్టి మీరు హోలీకి ముందు మీ ఫేసుపై మాయిశ్చరైజర్ చేసుకోవాలి. దీని వల్ల మీ ముఖంపై తేమ ఉంటుంది. మీ స్కిన్ లోపలికి రంగులు కూడా వెళ్లవు.

సన్ స్క్రీన్ వాడండి..

హోలీ సమయంలో మీ చర్మానికి తగిలే సూర్యుని కిరణాల చాలా హాని కలుగుతుంది. దీనంతటికి కారణం కెమికల్స్ కలిసిన రంగులే. కాబట్టి ఇలాంటి నష్టం జరగకుండా మీ చర్మ సంరక్షణ కోసం సన్ స్క్రీన్ వాడాలి. దీన్ని రాసుకోవడం వల్ల మీ చర్మంపై ఎలాంటి మంట అనేది అనిపించదు.

కొబ్బరినూనె..

కెమిక్సల్ కలిసిన రంగుల వల్ల మీ చర్మంతో పాటు మీ జుట్టుకు కూడా చాలా నష్టం జరిగే అవకాశం ఎక్కువగా ఉంటుంది. కాబట్టి హోలీ వేడుకల్లో పాల్గొనే ముందు కొబ్బరినూనెతో మీ జుట్టుపై బాగా మసాజ్ చేయండి. ఇది జుట్టు మీద పడే రంగు ప్రభావితం కాకుండా చూస్తుంది. హోలీ ఆడిన తర్వాత షాంపూ వంటివి వాడటం వల్ల రంగులన్నీ తొలగిపోతాయి. మీ హెయిర్ కు ఎలాంటి నష్టం ఉండదు.

సబ్బును వాడొద్దు..

హోలీ ఆడిన తర్వాత రంగులను తొలగించుకోవడానికి మీరు సబ్బును వాడకండి. ఒకవేళ మీరు సబ్బును ఉపయోగిస్తే.. మీ చర్మం పొడిగా మారుతుంది. అయితే మీరు మీ చర్మంపై రంగులను తొలగించడానికి, మీ శనగపిండి లేదా ఫేస్ ప్యాక్ పిండిని ఉపయోగించి మీ ముఖంపై ఉన్న రంగులను తొలగించుకోవచ్చు. అలాగే స్నానం చేసేటప్పుడు తేలికపాటి సబ్బులను వాడండి. దీని వల్ల మీ స్కిన్ కు ఎలాంటి హాని కలగదు.

వేడి నీళ్లు వాడొద్దు..

మీరు హోలీ ఆడిన తర్వాత నీటిని ఎక్కువగా వేడి చేసి స్నానం చేయకండి. ఇలా చేయడం వల్ల మీ జుట్టు మరింత పొడిబారుతుంది. సాధ్యమైనంత వరకు మీరు చల్లని నీటితో స్నానం చేయండి. తలస్నానం చేసే సమయంలో ఆ రంగులు పోయేంత వరకు వారంలో ఒకసారైనా కలబంద గుజ్జు, పెరుగు లేదా గుడ్డుతో, ఆలివ్ నూనె వంటి సహజ మాస్క్ లను వాడండి.

సన్ గ్లాసెస్..

మీరు హోలీ రంగుల వేడుకల్లో పాల్గొనే సమయంలో మీ కళ్లలోక రంగులు పడకుండా కచ్చితంగా సన్ గ్లాసెస్ పెట్టుకోండి. పొడి రంగులు ముక్కులోకి వెళ్లకుండా మాస్క్ తప్పనిసరిగా పంచుకోండి. హోలీ వేడుకల్లో పాల్గొన్న తర్వాత ఎక్కువసేపు ఎండలో ఉండకండి. రంగుల నుండి మీ చర్మాన్ని రక్షించుకునేందుకు మీ బాడీని కప్పి ఉంచే దుస్తులనే ధరించండి.