నొప్పి లేకుండా.. బ్లాక్ హెడ్స్ తొలగించే సింపుల్ హోం రెమిడీస్

టొమాటో జ్యూస్

బ్లాక్ హెడ్స్ నివారించడానికి టొమాటో జ్యూస్ చక్కటి పరిష్కారం. ఇందులో యాంటీ సెప్టిక్ గుణాలు ఉంటాయి. కాబట్టి దీన్ని బ్లాక్ హెడ్స్ ఉన్న ప్రాంతంలో అప్లై చేసి.. చూపుడు వేలుతో.. కాస్త నొక్కడం వల్ల ఈజీగా తొలగిపోతాయి. ఈ సింపుల్ ట్రీట్మెంట్ రోజూ పడుకునే ముందు ఫాలో అవడం వల్ల న్యాచురల్ గా బ్లాక్ హెడ్స్ తొలగించుకోవచ్చు.

బంగాళదుంప రసం

బంగాళదుంప రసంలో న్యాచురల్ బ్లీచింగ్, క్లెసింగ్ ప్రాపర్టీస్ ఉంటాయి. ఒక బంగాళదుంప తీసుకుని సగానికి కట్ చేసి.. బ్లాక్ హెడ్స్ ఉన్న ప్రాంతంలో కింద నుంచి పైకి రుద్దుతూ ఉండాలి. ఇలా 10 నిమిషాల పాటు చేయడం వల్ల మంచి ఫలితం పొందవచ్చు.

పంచదారతో స్ర్కబ్

ఒక బౌల్ తీసుకుని 3 టేబుల్ స్పూన్ల చక్కెర వేయాలి.. అందులో రెండు చుక్కల రోజ్ వాటర్ కలిపి బాగా మిక్స్ చేయాలి. ఈ స్ర్కబ్ ని బ్లాక్ హెడ్స్ ఉన్న ప్రాంతంలో మసాజ్ చేయాలి. వారానికి రెండు సార్లు ఈ పద్ధతి ఫాలో అవడం వల్ల బ్లాక్ హెడ్స్ కి గుడ్ బై చెప్పవచ్చు.

బేకింగ్ సోడా

ఒక టేబుల్ స్పూన్ బేకింగ్ సోడా, ఒక టేబుల్ స్పూన్ నీళ్లు కలిపి బాగా కలపాలి. ఈ మిశ్రమాన్ని డైరెక్ట్ గా చర్మంపై రాసుకోవాలి. ఆరిన తర్వాత స్కిన్ పై నుంచి మెల్లగా లేయర్ లా తొలగించాలి. ఇలా రెగ్యులర్ గా చేయడం వల్ల బ్లాక్ హెడ్స్ తొలగించుకోవచ్చు.

నిమ్మరసం

నిమ్మరసం ఉపయోగించడం వల్ల చర్మంపై ఉండే బ్లాక్ హెడ్స్ తొలగిపోవడమే కాదు.. స్కిన్ కొత్త నిగారింపు సంతరించుకుంటుంది. నిమ్మరసంతో ముఖాన్ని మసాజ్ చేయాలి. తర్వాత 15 నిమిషాల తర్వాత శుభ్రం చేసుకోవాలి. ఇందులో ఉండే యాసిడ్ బ్లాక్ హెడ్స్ ఈజీగా తొలగిస్తుంది.

తేనె

చర్మాన్ని స్మూత్ గా మార్చడానికి తేనె బాగా ఉపయోగపడుతుంది. ఒక టేబుల్ స్పూన్ నిమ్మరసానికి కొంచెం తేనె కలిపి బ్లాక్ హెడ్స్ పై రాసుకోవాలి. తర్వాత కాసేపు మసాజ్ చేస్తే మంచి ఫలితం ఉంటుంది.

అలోవెరా

ఎలాంటి చర్మ సమస్యకైనా అలోవెరా చక్కటి పరిష్కారం. అలోవెరా జెల్ ని బ్లాక్ హెడ్స్ ఉన్న ప్రాంతంలో అప్లై చేసి.. కొద్దిగా ఆరిన తర్వాత కింది నుంచి పైకి తొలగించాలి. రోజుకి రెండుసార్లు ఇలా చేయడం వల్ల బ్లాక్ హెడ్స్ తొలగిపోతాయి.