మిమ్మల్ని అందంగా మార్చే డిఫరెంట్ టమోటో ఫేస్ మాస్క్ చిట్కాలు

టమోటో మరియు తేనెతో ఫేస్ మాస్క్

టమోటో ను మెత్తగా గుజ్జులా చేసి, అందులో ఒక టీస్పూన్ తేనె మిక్స్ చేయాలి. అలాగే నిమ్మరం కూడా మిక్స్ చేసి, ముఖానికి ప్యాక్ లా వేసుకోవాలి. 10 నిముషాల తర్వాత చల్లటి వాటర్ తో ముఖం శుభ్రం చేసుకోవాలి. టమోటో, హనీ ఫేస్ ప్యాక్ వేసుకోవడం వల్ల డ్రై స్కిన్ నివారించబడుతుంది. స్కిన్ మాయిశ్చరైజ్ చేస్తుంది.

టమోటో -అవొకాడో ఫేస్ మాస్క్ :

డ్రై స్కిన్ నివారించడంలో టమోటో మరియు అవొకాడో బెస్ట్ కాంబినేషన్. టమోటోను మెత్తగా గుజ్జులా చేసి, అందులో అవొకాడో పేస్ట్ మిక్స్ చేసి, ముఖానికి ప్యాక్ వేసుకోవాలి. ఇలా చేయడం వల్ల స్కిన్ తేమగ, మాయిశ్చరైజ్డ్ గా మారుతుంది.

టమోటో ఆలివ్ ఫేస్ ప్యాక్ :

టమోటో, ఆలివ్ ఫేస్ మాస్క్ యాక్నే, స్కిన్ ప్రోన్ వంటి సమస్యలను నివారిస్తుంది. ఒక టమోటో తీసుకుని, పేస్ట్ చేసి, అందులో ఒక స్పూన్ ఆలివ్ ఆయిల్ మిక్స్ చేయాలి. అలాగే కొద్దిగా కొబ్బరి నూనె కూడా మిక్స్ చేసి సాప్ట్ పేస్ట్ గా తయారుచేసుకోవాలి. ఈ ప్యాక్ ను ముఖం, మెడకు అప్లై చేయాలి. 10 నిముషాల తర్వాత ముఖం శుభ్రం చేసుకోవాలి. ఇందులో ఉండే యాంటీ బ్యాక్టీరియల్, యాంటీ ఇన్ఫ్లమేటరీ లక్షణాలు యాక్నే సమస్యను నివారిస్తుంది.

టమోటో ఓట్స్ ఫేస్ మాస్క్ :

టమోటో మరియు ఓట్స్ ఫేస్ మాస్క్ యాక్నే మరియు స్కిన్ బ్రేక్ అవుట్స్ ను నివారిస్తుంది. అంతే కాదు బ్లాక్ అండ్ వైట్ హెడ్స్ నివారించడంలో కూడా ఇది గ్రేట్ రెమెడీ. ఒక టమోటో తీసుకుని మెత్తగా పేస్ట్ చేసి అందులో ఓట్స్ పౌడర్, తేనె,నిమ్మరసం మిక్స్ చేసి, ముఖానికి ప్యాక్ వేసుకుని, అరగంట తర్వాత ముఖం శుభ్రం చేసుకోవాలి.

టమోటో -పెరుగు ఫేస్ మాస్క్ :

టమోటోలో పెరుగు ఫేస్ మాస్క్ స్కిన్ టోన్ మెరుగుపరుస్తుంది. ఒక టమోటో తీసుకుని, అందులో పెరుగు, తేనె మరియు కొద్దిగా పసుపు చేర్చి, పేస్ట్ లా చేసి ముఖానికి ప్యాక్ వేసుకోవాలి. ఈ ఫేస్ ప్యాక్ ను రెగ్యులర్ గా వేసుకుంటుంటే నేచురల్ స్కిన్ టోన్ పొందుతారు.

టమోటో -కివి ఫేస్ మాస్క్ :

టమోటో, కివి ఫేస్ మాస్క్ డ్రై అండ్ డల్ స్కిన్ నివారిస్తుంది. ఒక టమోటో తీసుకుని, మెత్తగా పేస్ట్ చేసి, అందులో కివి ఫ్రూట్ పేస్ట్ వేసి బాగా మిక్స్ చేయాలి. ఈ మిశ్రమాన్ని ముఖానికి ప్యాక్ లా వేసుకుని, చల్లటి నీటితో శుభ్రం చేసుకోవాలి.

టమోటో మరియు అలోవెర ఫేస్ మాస్క్ :

టమోటో మరియు అలోవెర ఫేస్ మాస్క్ డార్క్ సర్కిల్స్ ను , డార్క్ స్పాట్స్ ను నివారిస్తుంది. టమోటో పేస్ట్ తీసుకుని,అందులో కొద్దిగా అలోవెర జెల్ మిక్స్ చేసి ముఖానికి ప్యాక్ లా వేసుకోవాలి. అరగంట తర్వాత చల్లటి నీటితో ముఖం శుభ్రం చేసుకోవాలి. ఈ ఫేస్ మాస్క్ వల్ల చర్మంలో చీకాకు, మంటను, దురదను తొలగిస్తుంది.