మొటిమల నివారణకు నిమ్మరసం ఉపయోగించే పద్దతులు!

మొటిమల మీద నిమ్మరసాన్ని రాయాలి

ఒక నిమ్మకాయ నుంచి రసాన్ని పిండి, దూదితో పింపుల్స్‌ మచ్చలపై రాస్తే క్రమేణా మాయమవుతాయి. ప్రతిరోజూ ఐదు నిమిషాల పాటు నిమ్మరసాన్ని శరీరానికి రాసి, ఆపై స్నానం చేస్తే మంచి ఫలితం ఉంటుంది.

చర్మంపై ఏర్పడే చికెన్‌ ఫాక్స్‌ మచ్చలు పోవాలంటే

చర్మంపై ఏర్పడే చికెన్‌ ఫాక్స్‌ మచ్చలు పోవాలంటే నిమ్మరసంతో ముఖానికి ప్యాక్‌లా వేసుకుంటే మంచిదని వైద్యులంటున్నారు. చికెన్‌ ఫాక్స్‌ మచ్చలు పోవాలంటే పసుపు, కరివేపాకును మెత్తగా రుబ్బుకోవాలి. ఈ మిశ్రమానికి నిమ్మరసం కలిపి శరీరంలోని చికెన్‌ ఫాక్స్‌ మచ్చలపై రాసి, పావుగంట తర్వాత కడిగిస్తే మంచి ఫలితం ఉంటుంది.

చర్మం నిగారింపుకు నిమ్మరసం

ఇక పింపుల్స్‌ పూర్తిగా తొలగిపోవాలంటే నిమ్మరసాన్ని దూదితో అప్లై చేసి, అరగంట తర్వాత కడిగేయండి. ఇలా కొన్ని రోజులు చేస్తే పింపుల్స్‌ పూర్తిగా పోతాయని ఆయుర్వేద నిపుణులు చెప్తున్నారు. అంతేకాదు చర్మం నిగారింపు మెరుగుపడుతుంది.

పెరుగులో కొన్ని చుక్కల నిమ్మరసం కలిపి

కొంచెం పెరుగులో కొన్ని చుక్కల నిమ్మరసం కలిపి ముఖానికి రాసి ఆరిన తర్వాత శుభ్రం చేసుకోవాలి. ఈ విధంగా క్రమం తప్పకుండా చేస్తూ ఉంటే మొటిమలు, మచ్చలు తగ్గుతాయి.

శెనగపిండిలో నిమ్మరసం

ఒక స్పూన్ పచ్చి శనగల పొడిలో నిమ్మరసం కలిపి పేస్ట్ గా తయారుచేయాలి. ఈ పేస్ట్ ని మొటిమల ప్రభావిత ప్రాంతంలో రాసి ఆరిన తర్వాత కడగాలి. చర్మం పొడిగా అన్పిస్తే మాయిశ్చరైజర్ రాయాలి. ప్రతి రోజు ఈ ప్యాక్ ముఖానికి వేస్తే మంచి పలితం కనపడుతుంది.

రెండు స్పూన్ల నిమ్మరసం, ఒక గుడ్డు తెల్లసొన

ఒక బౌల్ లో రెండు స్పూన్ల నిమ్మరసం, ఒక గుడ్డు తెల్లసొన వేసి బాగా కలిపి మూడు బాగాలుగా చేయాలి. ఈ మిశ్రమంలో ఒక బాగాన్ని ముఖానికి రాసి ఐదు నిముషాలు అయ్యాక రెండో బాగాన్ని రాసి మరో ఐదు నిముషాలు అయ్యాక మూడో బాగాన్ని రాయాలి. మూడో పొర ఆరిపోయాక గోరువెచ్చని నీటితో శుభ్రం చేయాలి.

ఒక స్పూన్ తేనెలో కొన్ని చుక్కల నిమ్మరసం కలిపి

ఒక స్పూన్ తేనెలో కొన్ని చుక్కల నిమ్మరసం కలిపి మొటిమల ప్రభావిత ప్రాంతంలో రాసి ఐదు నిమిషాల తర్వాత సాదారణ నీటితో శుభ్రం చేయాలి. ఈ విధంగా ప్రతి రోజు చేస్తూ ఉంటే మంచి పలితం కనపడుతుంది.