కీళ్ల నొప్పులు నివారించే 8 నేచురల్ రెమెడీస్

ఆరోగ్యకర బరువు:

అధికబరువు లేదా ఊబకాయంతో ఉన్నవారిలో ఆర్థరైటిస్ పెయిన్ మరింత తీవ్రంగా ఉంటుంది. మీ శరీర బరువు కీళ్ల మీద తీవ్ర ప్రభావాన్ని చూపుతుంది. ముఖ్యంగా మోకాలు, హిప్స్, పాదాల మీద ఎక్కువ ప్రభావం చూపుతుంది. కాబట్టి బరువు తగ్గించుకోవడం లేదా హెల్తీ బిఎంఐ మెయింటైన్ చేయడం వల్ల మీ ఆర్థరైటిస్ నొప్పిని తగ్గించుకోవచ్చు.

హాట్ బాత్:

ఆర్థరైటిస్ తో బాధపడే వారికి థెరఫిస్ట్ లు ప్రతి రోజూ ఉదయం హాట్ బాత్ లేదా వార్మ్ బాత్ చేసుకోమని సూచిస్తుంటారు. ముఖ్యంగా హాట్ బాత్, వార్మ్ బాత్ చేసేటప్పుడు నొప్పులన్న భాగాలను ఎక్కువ సేపు వేడినీటిలో డిప్ చేయడం వల్ల కొంత వరకు ఉపశమనం కలుగుతుంది. నొప్పి తగ్గతుంది. జాయింట్ స్టిఫ్ నెస్ నుంచి కొద్దిగా ఉపశమనం కలిగుతుంది. అలాగే ఎలక్ట్రిక్ హీటెడ్ పాడ్స్ కూడా నొప్పిని తగ్గించడంలో సహాయపడుతాయి.

ఐస్ ప్యాక్స్:

కీళ్ల నొప్పులతో బాధపడే వారు ఐస్ ప్యాక్ వల్ల త్వరగా ఉపశమనం కలుగుతుంది. ఐస్ ప్యాక్ ఫ్రోజోన్ వెజిటేబుల్ బ్యాగ్స్ లో వేసి మసాజ్ చేసుకోవాలి. ఈ కోల్డ్ ప్యాక్ ఇన్ఫ్లమేషన్ తగ్గిస్తుంది. నొప్పి తగ్గుతుంది.

ఆక్యుపంక్చర్:

ఇది చాలా పురాతన పద్ధతి. చైనీస్ థెరఫీ సూదులను ఉపయోగిస్తారు. ఇలా ఆర్థరైటిస్ తో బాధపడే వారికి నొప్పి తగ్గించడం కోసం నొప్పి ఉన్న ప్రదేశంలో సూదలతో గుచ్చుతారు. అయితే ఆరోగ్య నిపుణుల ప్రకారం ఈ థెరఫీని కేవలం అనుభవజ్ఝుల వద్ద మాత్రమే చేయించుకోవడం వల్ల ఆర్థరైటిస్ నొప్పి నుంచి ఉపశమనం కలుగుతుంది.

శారీరక శ్రమ:

ఆర్థరైటిస్ తో బాధపడే వారికి, సూచించే సలహా ప్రతి రోజూ రెగ్యులర్ గా వ్యాయామం చేయాలి . ప్రతి రోజూ కనీసం 30నిముషాల వ్యాయాం చేయడం వల్ల జాయింట్స్ మరింత ఫ్లెక్సిబుల్ గా మారుతాయి .దాంతో కండరాల పట్టివేత నుండి ఉపశమనం కలుగుతుంది. అంతే కాదు వ్యాయామం వల్ల ఆరోగ్యం బాగుంటుంది మరియు శరీరం ఫిట్ గా ఉంటుంది.

ఓమేగా 3 ఫ్యాటీ యాసిడ్స్:

ఓమేగా 3 ఫ్యాటీ యాసిడ్స్ అధికంగా ఉండే ఆహారాలను తీసుకోవడం వల్ల జాయింట్ పెయిన్స్ నుండి ఉపశమనం పొందవచ్చు . ఈ ఫ్యాటీ యాసిడ్స్ బోన్స్ కు పోషణ అందిస్తుంది మరియు జాయింట్స్ పెయిన్స్ తగ్గుతాయి . ఫిష్ ఆయిల్ సప్లిమెంట్ ను డాక్టర్ సలహా మేరకు తీసుకోవాల్సి వుంటుంది.

పసుపుతో తయారుచేసిన వంటలు:

రెగ్యులర్ వంటల్లో తప్పనిసరిగా పసుపును చేర్చాలి. ఆర్థరైటిస్ లక్షణాలు కనిపించిన వెంటనే పసుపును మరింత ఎక్కువగా ఉపయోగించడం మంచిది . పసుపులో యాంటీ ఇన్ఫ్లమేటరీ లక్షణాలు పుష్కలంగా ఉండటం వల్ల ఇది జాయింట్ పెయిన్ మరియు స్టిఫ్ నెస్ ను ఎఫెక్టివ్ గా నివారిస్తుంది.

మసాజ్ మరియు మెడిటేషన్:

రీసెర్చ్ ప్రకారం, ప్రొఫషినల్స్ చేత మసాజ్ చేయించుకోవడం , రెగ్యులర్ గా యోగా చేయడం వల్ల బ్లడ్ సర్క్యులేషన్ మెరుగుపడుతుంది . దాంతో ఆర్థరైటిస్ పెయిన్ స్టిఫ్ నెస్ నుండి ఉపశమనం కలుగుతుంది.