అరటితొక్కలను వాడి మెరిసే తెల్లని పళ్లను పొందటం ఎలా

పళ్లను తెల్లబర్చటానికి అరటితొక్క ఎలా తెలివైన ఇంకా సులభమైన చిట్కాగా మారింది?

అరటిపండులాగానే, అరటితొక్కలో కూడా పొటాషియం, మెగ్నీషియం, విటమిన్ బి6,విటమిన్ బి12 వంటి పోషకాలుంటాయి.మనం తొక్క పడేయటానికి కొంచెం కూడా ఆలోచించము. కానీ మన పళ్ళకి, చర్మానికి, ఆమాటకొస్తే లెదర్ కి, వెండి వస్తువులకి కూడా తొక్క ఎన్నిరకాలుగా ఉపయోగపడుతుందో తెలుసా?

పళ్ళు తెల్లబడటానికి, అరటితొక్క సహజమైన, చవకైన చిట్కా. ఇది వివిధ సహజ లేదా కాస్మెటిక్ వైట్నర్ల కన్నా సురక్షితమైన విధానం. ఎందుకంటే ఇది పళ్లను పాడుచేయదు. ఇది మెల్లగా పళ్లపై ఎక్స్ ఫోలియేట్ చేసి మచ్చలను తొలగించి వారం లేదా రెండు వారాల్లో పళ్ళను తెల్లబరుస్తుంది.

పళ్ళపై అరటితొక్కలను ఎలా వాడతారు?

ఇది సింపుల్ యే! తొక్క లోపలిభాగాన్ని మీ పళ్లపై రెండు నిమిషాలపాటు రుద్దండి. అరటి గుజ్జు మీ పళ్ళపై పొరలా అతుక్కునే వరకూ ఉండి,తర్వాత కూడా ఆ పొరను 5-10నిమిషాలు పళ్ళపై అలానే ఉంచండి. నోరును తెరిచే ఉంచితే అరటి పేస్టు పెదవులకి అతుక్కోకుండా ఉంటుంది.

తర్వాత స్టెప్, పళ్ళను ఉత్త బ్రష్ తో పొడిగా తోమండి,1-2 నిమిషాల పాటు గుండ్రంగా తిప్పుతూ తోమండి. తర్వాత మీరు వాడే పేస్టుతో తోమి పళ్ళపై అరటి పొరను కడిగేయండి.

ఈ మొత్తం చిట్కాను పళ్ళను కడుక్కునే ముందు లేదా తర్వాత చేయండి. ఇలా రెండువారాలపాటు ప్రతిరోజూ చేస్తే ఫలితాలు కన్పిస్తాయి. ఇది నిజంగా మీ పళ్ళను తెల్లబర్చి, నవ్వును అందంగా మార్చటానికి ఒక సురక్షితమైన, ప్రభావవంతమైన చిట్కా!

అరటితొక్కల ఇతర లాభాలు

పళ్ల రంగును మెరుగుపర్చుకోటానికే కాక, అరటితొక్కలను వివిధ విషయాలకి వాడవచ్చు. అందులో కొన్ని కింద ఇవ్వబడ్డాయి.

-చర్మాన్ని కాంతివంతంగా మారుస్తుంది ; అరటితొక్కల్లో ఉండే పోషకాలు, యాంటీఆక్సిడెంట్ల వలన మొటిమలు పోతాయి, ముడతలు తగ్గుతాయి, చర్మానికి తేమ అందుతుంది. తొక్క లోపలిభాగాన్ని సింపుల్ చర్మంపై రుద్దితే కాంతివంతంగా మారటంలో సాయపడుతుంది.

-తినటానికి మంచిది ;

అరటితొక్కలని ప్రపంచంలో చాలామంది తింటారు, వారికి అందులో ఉండే మెగ్నీషియం, పొటాషియం, విటమిన్ బి6 మరియు బి12 వంటి పోషకాల లాభాలు అందుతున్నాయి.

-పురుగులు కుట్టినచోట ;

పురుగులు కుట్టిన చోట దద్దుర్లకి తొక్కతో మసాజ్ చేస్తే, వెంటనే దురద తగ్గిపోతుంది.

-వస్తువుల పాలిష్ ;

మీ షూలు, లెదర్ లేదా వెండి వస్తువులను అరటితొక్కతో రుద్ది మెరిసేలా చేసుకోవచ్చు.

-సోరియాసిస్ నయం చేస్తుంది ;అరటితొక్కను రుద్దటం వలన చర్మంపై వచ్చే ఎర్రని, పొరల్లా ఊడిపోయే, దురదల ప్యాచ్, సోరియాసిస్ నయమవుతుంది.