నో డైట్, నో ఎక్సర్ సైజ్ ! స్లిమ్ అండ్ ట్రిమ్ గా మార్చే సింపుల్ ట్రిక్స్.. !

రెండు గంటలకు ఒకసారి

తీసుకునే ఆహారం విషయంలో జాగ్రత్త తీసుకుంటే సరిపోదు. పరిమాణం విషయంలో మరింత కేర్ ఫుల్ గా ఉండాలి. ప్రతి రెండు గంటలకు ఒకసారి తినాలి. ముఖ్యంగా బరువు తగ్గాలి అనుకునేవాళ్లు ఈ సింపుల్ టిప్ ఫాలో అవ్వాలి.

పరిమాణం తగ్గించడం

అయితే శరీరానికి మించి తినకూడదు. నెమ్మదిగా ప్రతిసారీ తీసుకునే పరిమాణం తగ్గిస్తూ పోవాలి. శరీరానికి కావాల్సిన పోషకాలు అందినప్పుడు మీకు ఆహారం తృప్తినిస్తుంది. అప్పుడు మీరు క్యాలరీలు తీసుకోవడాన్ని తగ్గించగలుగుతారు.

టీవీ చూడకుండా

ఆహారం తినేటప్పుడు కేవలం ఫుడ్ పైనే ధ్యాస పెట్టాలి. తినేటప్పుడు టీవీ చూడటం, ఫోన్ చూడటం వల్ల మీరు భోజనం చేయడానికి ఎక్కువ సమయం తీసుకుంటారు. దీనివల్ల మీ శరీరానికి కావాల్సిన దానికంటే ఎక్కువ తినేస్తారు.

మెదడుకి సంకేతాలు

అంతేకాదు తినేటప్పుడు టీవీ చూడటం వల్ల.. పొట్ట డిస్ట్రబ్ అయి.. మెదడుకి సంకేతాలు పంపించదు. దీనివల్ల మీరు ఎంత తింటున్నారనేది గ్రహించడం కష్టంగా మారుతుంది.

సరిగ్గా నమలడం

చాలామంది ఆహారాన్ని గాబరాగా తినేస్తూ... సరిగా నమలకుండా ఉంటారు. దీనివల్ల ఆహారం జీర్ణమవడం కష్టంగా మారుతుంది. అంతేకాదు.. మెదడుకి సిగ్నల్స్ కూడా సరిగా అందక.. ఎక్కువ పరిమాణం తినడానికి ఆస్కారం ఉంటుంది. నమలకపోవడం వల్ల.. ఎయిర్ లోపలికి పీల్చుకుని, బ్లోటింగ్ కి కారణమవుతుంది.

తినాలనిపించినది తినడం

మీరు ప్రతిసారీ మీకు ఇష్టమైన ఆహారాన్ని తినకుండా మానేయాల్సిన అవసరం లేదు. మీకు ఏది తినాలనిపిస్తే అది తినండి. కానీ.. మోతాదుకి మించి తినకూడదు. మళ్లీ ఆకలి అనిపించకుండా తినాలి.

ఫ్యామిలీ, ఫ్రెండ్స్ తో కలిసి తినడం

ఇండియన్స్ కి ఫ్యామిలీతో కలిసి తినడం అలవాటుగా ఉంటుంది. ఒంటరిగా, ఒత్తిడికి లోనై తినడం వల్ల ఆహారం ఎక్కువ పరిమాణం తీసుకునే అవకాశం ఉంటుంది. కాబట్టి కుటుంబ సభ్యులు లేదా ఫ్రెండ్స్ తో కలిసి తింటే.. తక్కువ ఆహారం తీసుకునే అవకాశం ఉంటుంది.

చిన్న ప్లేట్స్ లో తినడం

చిన్న ప్లేట్స్ లో నిండుగా పెట్టుకుని తినడం వల్ల.. మీరు తక్కువ తిన్నా చాలా ఎక్కువ తిన్నామన్న ఫీలింగ్ కలుగుతుంది. దీనివల్ల తక్కువ క్యాలరీలు తీసుకుంటారు. స్లిమ్ గా మారడానికి ఛాన్స్ దొరుకుతుంది.

పొడవాటి గ్లాసులు

చిన్న ప్లేట్ తిన్నట్టుగానే, పొడవుగా, వెడల్పు తక్కువగా ఉండే గ్లాసులను జ్యూస్ లు తీసుకోవడానికి ఎంచుకోవాలి. దీనివల్ల మీరు తీసుకునే.. పరిమాణం తక్కువగా ఉంటుంది.

బ్రేక్ ఫాస్ట్ లో ప్రొటీన్ ఫుడ్

సరైన బ్రేక్ ఫాస్ట్ తీసుకోవడం వల్ల బరువు తగ్గడం తేలికవుతుంది. అయితే ప్రొటీన్ రిచ్ బ్రేక్ ఫాస్ట్ తీసుకోవడం వల్ల ఆకలి తగ్గి.. తీసుకునే ఆహారం పరిమాణం తగ్గుతుంది. కాబట్టి ఎప్పుడూ ప్రొటీన్ ఫుడ్ నే అల్పాహారంలో చేర్చుకోండి.