కీటో డైట్ : కీటో డైట్ పాటించే ముందు ఈ 6 దుష్ప్రభావాల గురించిన అవగాహన ముఖ్యం

1.తీవ్రమైన అలసట

బరువుతగ్గే క్రమంలో ఎటువంటి డైట్ మీరు అనుసరించడం ప్రారంభించినా, కొన్ని రోజుల వ్యవధిలోనే మీరు నీరసానికి, అలసటకు లోనవ్వడం పరిపాటి. ఆహారాన్ని తక్కువగా తీసుకోవలసి రావడం, లేదా తీసుకునే సాధారణ ఆహారాన్ని పూర్తిగా మార్చివేయడం, లేదా త్యజించడం, ద్రవాహారాలకు మళ్లడం మొదలైన అంశాలు ప్రధాన కారణాలుగా ఉన్నాయి. ఏదేమైనా, అతి తక్కువ సమయంలోనే ఇటువంటి డైట్స్ శరీరానికి సరిపోయేలా జీవక్రియలు మారుతుంటాయి.

కీటోడైట్ విషయంలో, శరీరం కార్బోహైడ్రేట్స్ పూర్తిగా త్యజించవలసి ఉంటుంది, కార్బోహైడ్రేట్స్ శక్తికి ప్రధాన వనరుగా ఉంటుంది. కాబట్టి, ప్రజలు నిరంతర మరియు దీర్ఘకాలిక అలసటను ఎదుర్కొనవలసి వస్తుందని వైద్యులు హెచ్చరిస్తున్నారు. ఇది వారి రోజువారీ కార్యకలాపాలపై ప్రభావాన్ని చూపిస్తుంది. దీర్ఘకాలిక అలసట వంటి సమస్యల కారణంగా వారు జ్వరం కలిగిన అనుభూతికి సైతం లోనవుతుంటారు.

2. పునఃస్థితికి అధిక అవకాశాలు

కీటోడైట్ బరువుతగ్గడంలో సహాయపడుతున్నప్పటికీ, కార్బోహైడ్రేట్లను పూర్తిగా త్యజించి ఆహారాన్ని తీసుకోవడం ద్వారా శరీరానికి అవసరమైన శక్తి అందక కొన్ని అనారోగ్య పరిస్థితులను సైతం ఎదుర్కొనవలసి వస్తుంది. కొందరు ఉత్తమ ఫలితాలను పొందినప్పటికీ, కొన్నినెలల వ్యవధిలోనే బరువును కోల్పోయిన వ్యక్తులు తిరిగిపొందే అవకాశాలు అధికంగా ఉన్నాయి. క్రమంగా జీవక్రియలు, ఆహార విషయాలలో అసమతుల్యత లోపిస్తుంది.

ఈ కీటోడైట్ ముఖ్యంగా శరీరంలోని నీటిశాతం మీద ప్రభావం చూపడం కారణంగా, వ్యక్తులు అతి తక్కువ సమయంలోనే బరువు కోల్పోయారన్న అపోహకు కూడా లోనవుతుంటారు. కానీ ఇక్కడ ఈ డైట్ వారి జీవక్రియల రేటును మందగించే అవకాశాలు ఉన్నాయి. క్రమంగా ఎప్పుడైనా ఈ డైట్ ప్రణాళికను పక్కనపెట్టి తిరిగి సాధారణ ఆహారప్రణాళికకు వచ్చినప్పుడు అతి తక్కువ వ్యవధిలోనే కోల్పోయిన బరువును తిరిగిపొందే అవకాశాలు అధికంగా ఉన్నాయి.

3. అధికమైన దాహం

కీటోడైట్ ప్రణాళిక అనుసరిస్తున్న వ్యక్తి తన శరీరానికి ఎటువంటి కార్బోహైడ్రేట్లను‌ అందించరాదని సూచించబడతారు. మనకు తెలిసినంతవరకు, మరియు శాస్త్రీయ నివేదికల ప్రకారం శరీర జీవక్రియలకు పోషకాలు, కార్బోహైడ్రేట్లను సమతుల్యత లోపించకుండా అందించబడాలి.

శరీరానికి శక్తిని అందించడంలో, జీవక్రియలను ప్రోత్సహించడంలో మరియు మరింత శక్తిని ఉత్పత్తి చేయడానికి కార్బోహైడ్రేట్లు అంతర్గతంగా పనిచేస్తాయి. ఇటువంటి సందర్భంలో కార్బోహైడ్రేట్లను కోల్పోయినప్పుడు, శరీరం అదనపు కృషి చేసినప్పుడు, అది నిర్జలీకరణం లేదా అధిక దాహానికి దారితీస్తుంది. కావున మీరు కీటోడైట్ పాటిస్తున్న ఎడల సమయానుసారం నీటిని అధికంగా తీసుకొనవలసి ఉంటుంది.

4.మలబద్దకం

కీటోడైట్ ప్రణాళికను అనుసరించడం కారణంగా శరీరానికి అవసరమైన కార్బోహైడ్రేట్లు అందకుండా పోతాయి. ఇందులో ఎటువంటి ఆశ్చర్యము లేదు. క్రమంగా కార్బోహైడ్రేట్లు కలిగి ఉన్న తృణధాన్యాలు, బీన్స్, ఫైబర్ కలిగి ఉన్న పండ్లు మరియు కూరగాయలను కూడా త్యజించవలసి ఉంటుంది.

మనకు తెలిసినంతవరకు జీర్ణక్రియ సక్రమంగా కొనసాగుటకు ఆహారంలోని ఫైబర్ నిక్షేపాలు అత్యవసరం. కావున ఫైబర్ లేని ఆహారాన్ని తీసుకోకపోవడం మూలంగా అది కచ్చితంగా మలబద్దకం లేదా ఇతర జీర్ణసంబంధిత సమస్యలకు కారణమవుతుంది

5. మూత్రపిండాల సమస్యలు

కీటో డైట్లో కార్బోహైడ్రేట్లను తగ్గించడం అనేది ఒక నియమం అయితే, మరొక నియమం ప్రకారం ప్రొటీను సంబంధిత ఆహారాలను తీసుకొనవలసి ఉంటుంది. ప్రొటీన్ అనేది శరీరంలోని కండరాలను పునర్నిర్మించడంలో సహాయపడుతుంది. క్రమంగా శరీరాన్ని ఎక్కువ ప్రోటీన్తో నింపవలసిన అవసరం ఉంటుంది. అనగా మాంసం, గుడ్లు మొదలైనవి మీ ఆహారప్రణాళికలో అధికంగా జతచేయవలసి ఉంటుంది. శరీరంలో ప్రొటీన్ నిక్షేపాలు అధికమవడం వలన మూత్రపిండాలు వ్యర్ధాలను వడకట్టి బయటకు పంపడంలో అధిక శ్రమ చేయవలసి ఉంటుంది. క్రమంగా మూత్రపిండాలపై ఒత్తిడి పెరగడం, ఆరోగ్య సమస్యలు తలెత్తడం వంటివి పరిపాటి.

6.గుండె సమస్యలు

కీటోడైట్లో ప్రోటీన్ నిక్షేపాలను అధికంగా తీసుకోవలసి ఉన్న కారణాన, రక్తంలో ప్రోటీన్ అధికమవడం వలన ధమనులలో కొవ్వు నిక్షేపాలు పేరుకొని పోతాయి. క్రమంగా రక్తపోటు, గుండె సంబంధిత సమస్యలు తలెత్తే అవకాశాలు అధికంగా ఉన్నాయని వైద్యులు హెచ్చరిస్తున్నారు.