వేసవిలో ముక్కు నుంచి రక్తస్రావమవ్వడాన్ని నిరోధించే ఇంటి చిట్కాలు !

1) ప్రథమ చికిత్స :

ముక్కు నుంచి రక్తస్రావాన్ని ఆపడానికి మీరు చేయవలసిన మొదటి విషయం ఏమిటంటే, మీ ముక్కును చేతివేళ్ళతో పించ్ (నొక్కడం) చేయాలి. మీ తలను నెమ్మదిగా వెనక్కి తిప్పి, మీ నాసికా కుహరాలను నొక్కడం ద్వారా మీ ముక్కు నుంచి రక్తస్రావం జరగకుండా, ఒత్తిడిని కలిగిస్తుంది.

ఎలా చేయాలి:

• మీ ముక్కు యొక్క మృదువైన భాగాన్ని 5 నిమిషాల పాటు నొక్కి పట్టుకోండి.

• అలా ఒత్తిడిని తగ్గించి - కొంత సమయం వరకు నిటారుగా కూర్చోండి.

• ఇలా చేసిన వెంటనే మీ ముక్కు నుంచి రక్తస్రావం జరగడం ఆగిపోతుంది.

2) ఉల్లిపాయరసం :

ఉల్లిపాయ నుంచి వచ్చే ఘాటైన వాసన రక్తస్రావమును ఖచ్చితంగా ఆపగలదు. అలాగే, రక్తాన్ని గడ్డకట్టించడానికి ఉల్లిపాయ అనేది ఒక సమర్థవంతమైన పరిష్కారం. కాబట్టి ఈ నివారణ పద్ధతి, పైన చెప్పిన పద్ధతి కంటే చాలా వేగంగా పనిచేస్తుంది.

ఎలా ఉపయోగించాలి:

• తాజాగా సేకరించిన ఉల్లిపాయ రసాన్ని తీసుకోండి.

• ఒక శుభ్రమైన డ్రాపర్ను ఉపయోగించి, ప్రతి ముక్కులో 2-3 చుక్కల ఉల్లిపాయ రసాన్ని వేయండి.

• మీ తల కొద్దిగా వంచి 5 నిమిషాల పాటు అలానే ఉంచండి.

3) కోల్డ్ కంప్రెస్ :

"కోల్డ్ కంప్రెస్" అనేది ముక్కు నుంచి జరిగే రక్తస్రావాన్ని వెంటనే ఆపగలిగే మరొక అత్యంత ప్రభావవంతమైన పద్ధతి. ఇది రక్తనాళాలను నియంత్రిస్తూ, వాటిని నుంచి రక్తస్రావం జరగకుండా ఆపేస్తుంది. ముక్కు నుంచి రక్తస్రావాన్ని ఆపడానికి మీరు మంచు గడ్డలను ఎలా ఉపయోగించవచ్చో ఇక్కడ వివరించారు. వివరించారు

ఎలా ఉపయోగించాలి:

• ఒక శుభ్రమైన టవల్లో కొన్ని మంచు గడ్డలను వేయండి.

• మీ తలను కొద్దిగా పక్కకు వంచి, ఆ మంచు గడ్డలతో మీ ముక్కుపై ఒత్తుతూ ఒత్తిడిని కలిగించండి.

• 2-3 నిమిషాల పాటు మీరు ఇలానే చేయండి (లేదా) మీరు కంఫర్టబుల్గా ఉండే వరకు ఈ పద్ధతిని కొనసాగించండి.

4) కొత్తిమీర :

భారతీయుల అన్ని వంటశాలలో సాధారణంగా కనిపించే పదార్ధాలలో ఇది ఒకటి. దీనిని వంటశాలకు సంబంధించిన అన్ని పదార్థాలలో ఉపయోగిస్తారు. కొత్తిమీర కూడా ముక్కు నుంచి వచ్చే రక్తస్రావాన్ని అడ్డుకోగలదు. కొత్తిమీరలో ఉండే శీతలీకరణ లక్షణాలు, ముక్కు నుంచి వచ్చే రక్త స్రావాన్ని అడ్డుకోవడంలో బాగా పనిచేస్తాయి.

ఎలా ఉపయోగించాలి:

• కొన్ని కొత్తిమీర ఆకులు తీసుకోని, వాటిని మిక్సీలో వేసి చాలా తక్కువ నీటితో కలిపి బాగా మిక్స్ చేయండి.

• అలా తయారైన మిశ్రమం నుంచి సేకరించిన రసాన్ని, ప్రతి ముక్కులో 2-3 చుక్కలుగా వేయండి.

5) పెట్రోలియం జెల్లీ:

మానవునికి ఎదురయ్యే అన్ని రకాల పరిస్థితుల్లో ఎప్పటికీ తోడుగా ఉండే ఒక మంచి నేస్తం ఈ పెట్రోలియం జెల్లీ. ఈ పెట్రోలియం జెల్లీ కూడా మీ ముక్కు నుంచి వచ్చే రక్తస్రావాన్ని సమర్థవంతంగా ఆపడానికి ఉపయోగించబడుతోంది. ముక్కు పొడిబారడం అనే సమస్య కారణంగా కూడా ముక్కు నుంచి రక్తస్రావం అనేది జరుగుతుంది. పెట్రోలియం జెల్లీ, ఈ సమస్యను దాని మూలాలు నుండి తొలగిస్తుంది.

ఎలా ఉపయోగించాలి:

• మీ ముక్కు లోపల కొన్ని పెట్రోలియం జెల్లీని అప్లై చేయండి.

• దీన్ని తగినంత మోతాదులో మాత్రమే ఉపయోగించండి, అలాకాకుండా మోతాదుకు మించి దీనిని ఉపయోగించినట్లయితే మీకు మరిన్ని సమస్యలను కలిగించగలదు.