Just In
- 2 hrs ago Today Rashi Phalalu: ఈ రోజు ఈ రాశి వారు రాజకీయాల్లోకి రావాలని కోరుకుంటే మంచి అవకాశం మీ సొంతమవుతుంది;
- 8 hrs ago ఈ 4 రాశుల వారు ఇతరుల భావోద్వేగాలతో ఆడుకునే క్రూరమైన రాక్షసులు.. మీ రాశి ఏమిటి?
- 8 hrs ago Weekly Love Horoscope:ఈ వారం ఈ రాశి అబ్బాయిలు ప్రపోజ్ చేస్తే అమ్మాయిలు ఓకే అంటారు..
- 11 hrs ago 100 ఏళ్ల తర్వాత హోలీ రోజున చంద్రగ్రహణం: ఈరోజు ఈ 3 రాశుల వారు జాగ్రత్తగా ఉండాలి..
HIV/AIDS Diet Plan: ఎయిడ్స్ వ్యాధిగ్రస్తులు ఈ ఆహారాలు తింటే ఎక్కువ కాలం జీవించవచ్చని మీకు తెలుసా?
ఎయిడ్స్ వ్యాధిగ్రస్తులు ఈ ఆహారాలు తింటే ఎక్కువ కాలం జీవించవచ్చని మీకు తెలుసా?
HIV/AIDS Diet Plan: AIDS అనేది హ్యూమన్ ఇమ్యునో డెఫిషియెన్సీ వైరస్, HIV వల్ల కలిగే దీర్ఘకాలిక రోగనిరోధక వ్యవస్థ వ్యాధి. ఇది ప్రపంచంలోనే అత్యంత ప్రాణాంతకమైన కిల్లర్ వ్యాధి. హెచ్ఐవి చికిత్స చేయకపోతే, అది ఎయిడ్స్కు దారి తీస్తుంది. భారతదేశంలో లక్షలాది మంది ప్రజలు ఈ HIV/AIDS బారిన పడ్డారు. దక్షిణ భారతదేశంలో, ముఖ్యంగా ఆంధ్రప్రదేశ్లో భారతదేశంలో అత్యధికంగా హెచ్ఐవి సోకినవారు ఉన్నారు. HIV సోకిన వ్యక్తి యొక్క రక్తం, వీర్యం లేదా యోని ద్రవాల ద్వారా ఇతరులకు వ్యాపిస్తుంది. ఈ HIV/AIDSకి నిర్దిష్ట చికిత్స లేదు. కానీ మందులు సంక్రమణను నియంత్రించవచ్చు మరియు దాని పురోగతిని నిరోధించవచ్చు.
ఎయిడ్స్ బారిన పడిన వారు కూడా ఆరోగ్యకరమైన జీవనశైలి మరియు మంచి పోషకాహారం తినడం ద్వారా ఎక్కువ కాలం జీవించగలరు. కానీ ఎయిడ్స్ రోగులకు ప్రత్యేకమైన ఆహారం లేదు. అయితే, పౌష్టికాహారం తీసుకోవడం వల్ల ఎయిడ్స్ సమయంలో రోగనిరోధక శక్తిని కాపాడుకోవచ్చు.
సాధారణంగా, HIV వైరస్ రోగనిరోధక శక్తిని బలహీనపరుస్తుంది. కానీ ఎయిడ్స్ రోగులు హెచ్ఐవి మందులతో పాటు మంచి పోషకాహారాన్ని తీసుకున్నప్పుడు, రోగనిరోధక వ్యవస్థలోని కణాలకు జెర్మ్స్తో పోరాడటానికి అవసరమైన శక్తి ఉంటుంది. ఇది హెచ్ఐవి ఇన్ఫెక్షన్ కారణంగా ఆరోగ్యం క్షీణించడాన్ని పాక్షికంగా నిరోధించవచ్చు. ప్రపంచ ఎయిడ్స్ దినోత్సవాన్ని ప్రతి సంవత్సరం డిసెంబర్ 01 న జరుపుకుంటారు. ఎయిడ్స్పై ప్రజలకు అవగాహన కల్పించడమే ఈ దినోత్సవం ఉద్దేశం. కాబట్టి ప్రపంచ ఎయిడ్స్ దినోత్సవం సందర్భంగా ఎయిడ్స్ రోగులు ఎలాంటి ఆహారపదార్థాలు తీసుకోవచ్చో ఇప్పుడు చూద్దాం.
1. పండ్లు మరియు కూరగాయలు
ఎక్కువ పండ్లు మరియు కూరగాయలు తినండి. ఎందుకంటే వీటిలో రోగనిరోధక వ్యవస్థను కాపాడే యాంటీ ఆక్సిడెంట్లు ఎక్కువగా ఉంటాయి. కాబట్టి వారు రోజూ ఆహారంలో కూరగాయలు, పండ్లను ఎక్కువగా చేర్చుకోవాలి. దీంతో శరీరానికి అవసరమైన విటమిన్లు, మినరల్స్ అందుతాయి.
2. ఎక్కువ ప్రొటీన్ ఫుడ్స్ తినండి
శరీరం కండరాలను నిర్మించడానికి మరియు బలమైన రోగనిరోధక శక్తిని నిర్మించడానికి ప్రోటీన్ను ఉపయోగిస్తుంది. కాబట్టి ఆరోగ్యకరమైన ప్రోటీన్ను ఎంచుకుని తినండి. ఈ ప్రోటీన్ లీన్ గొడ్డు మాంసం, చర్మం లేని చికెన్, చేపలు, గుడ్లు, చిక్కుళ్ళు మరియు గింజలలో కనిపిస్తుంది.
3. తృణధాన్యాలు
శరీర శక్తికి కార్బోహైడ్రేట్లు అధికంగా ఉండే ఆహారాన్ని తీసుకోవడం చాలా అవసరం. కాబట్టి బ్రౌన్ రైస్ మరియు హోల్ గ్రెయిన్ బ్రెడ్ వంటి హోల్ గ్రైన్ ఫుడ్స్ తినడం వల్ల కేవలం కార్బోహైడ్రేట్స్ మాత్రమే కాకుండా బి విటమిన్లు, ఫైబర్స్ కూడా శరీరానికి అందుతాయి. ఎక్కువ ఫైబర్-రిచ్ ఫుడ్స్ తినడం వల్ల కొవ్వు పేరుకుపోయే అవకాశాలను తగ్గిస్తుంది, ఇది లిపోడిస్ట్రోఫీ అని పిలువబడే HIV యొక్క సంభావ్య దుష్ప్రభావం.
4. ఉప్పు మరియు చక్కెరను పరిమితం చేయండి
ఆహారంలో ఉప్పు మరియు చక్కెరను పరిమితం చేయండి. ఎందుకంటే ఈ రెండూ యాంటీవైరల్ ఔషధాలకు అంతరాయం కలిగిస్తాయి మరియు గుండె జబ్బుల ప్రమాదాన్ని పెంచుతాయి. కాబట్టి ఎయిడ్స్ రోగుల రోజువారీ ఆహారంలో ఉప్పు మరియు చక్కెర తక్కువగా ఉండేలా ప్రయత్నించండి. ఇప్పటికైనా వీలైనంత వరకు దూరంగా ఉండటం మంచిది.
5. ఆరోగ్యకరమైన కొవ్వులు
కొవ్వులు చెడ్డవి అయినప్పటికీ, ఆరోగ్యకరమైన కొవ్వులు మితంగా తీసుకోవాలి. ఎందుకంటే కొవ్వులు శరీరానికి శక్తిని కూడా అందిస్తాయి. కాబట్టి నట్స్, చేపలు, అవకాడో, వెజిటబుల్ ఆయిల్ వంటి ఆరోగ్యకరమైన కొవ్వులను ఆహారంలో చేర్చుకోవడం మంచిది.
6. నీరు ఎక్కువగా త్రాగాలి
రోజూ తగినంత నీరు త్రాగాలి. చాలా మంది తగినంత నీరు త్రాగరు. కాబట్టి మీరు రోజుకు కనీసం 8-10 గ్లాసుల నీరు త్రాగాలని నిర్ధారించుకోండి. ఎందుకంటే ద్రవాలు శరీరం పోషకాలను తీసుకువెళ్లడానికి మరియు శరీరంలో ఉపయోగించే మందులను బయటకు పంపడానికి సహాయపడతాయి.
గమనిక
పైన పేర్కొన్న వాటితో పాటు, ఎయిడ్స్ రోగులు క్రమం తప్పకుండా శుభ్రతను పాటించాలి. అంటే తినడానికి ముందు చేతులు శుభ్రంగా కడుక్కోవాలి. పండ్లను కూడా తినడానికి ముందు బాగా కడగాలి. మాంసాహారం బాగా ఉడికిన తర్వాతే తినాలి. ఆహార పదార్థాలు వేడివేడిగా తినాలి. చల్లటి పదార్ధాలను బాగా వేడిచేసిన తర్వాత తినాలి. పచ్చి గుడ్లు తినడం మానుకోండి.