పురుషులలో వచ్చే మెనోపాజ్ (రజో నివృత్తి)!

మెనోపాజ్ లక్షణాలు ఎలా వుంటాయి?
శారీరక మార్పులు - పురుషుడు బరువు పెరుగుతాడు. కండలు బలహీనపడి పటుత్వం తగ్గుతాయి. వెంట్రుకలు పలచబడతాయి, అంగస్తంభన సమస్య, మనోవేదన వంటివి ఈ మెనోపాజ్ లో వుంటాయి. కీల్ళ నొప్పులు ప్రత్యేకించి మోకాలు, మోచేతులు సాధారణంగా వచ్చేస్తాయి. ఊబకాయం కూడా మెనోపాజ్ లక్షణమే. కనుక వీరు తప్పక ప్రతిరోజూ జాగ్ లేదా నడక వంటి వ్యాయామాలు చేస్తూ శారీరక పటుత్వం పొందాలి.

మనో భావనల మార్పు - హార్మోన్ల మార్పులో మూడ్ స్వింగ్స్ సాధారణం. స్త్రీ అయిన పురుషుడైనా ఇవి వుంటాయి. ఒక నిమిషంలో నవ్వటం మరో నిమిషంలో కోపంగా వుంటాయి. కోపం మెనోపాజ్ ప్రధాన లక్షణం. కొంతమంది పురుషులు ఆందోళన, మరికొందరు సోమరితనం పొందుతారు. వ్యక్తికి వ్యక్తికి లక్షణాలు మారతాయి.

రాత్రి చెమటలు - అర్ధరాత్రి లేచి కూర్చుంటారు. చెమట పట్టేస్తుంది. శరీరం చల్లబడుతుంది. లేదా నిద్ర లేని రాత్రులు గడుపుతారు. ఇవన్ని మెనోపాజ్ లక్షణాలే.

లైంగిక నిస్సత్తువ - టెస్టోస్టిరోన్ ఉత్పత్తి తగ్గుతుంది. అంగస్తంభన తగ్గుతుంది. అయితే, అందరు పురుషులకు ఇది వుండదు. వీరు లైంగికంగా పూర్తి నిస్సత్తువ పొందరు గాని, ఉత్సాహం తగ్గుతుంది.

పురుషుల మెనోపాజ్ కు ఇవి కొన్ని లక్షణాలు. అయితే, ఇదేమీ తీవ్రమైనది లేదా ప్రమాదకరమైన దశ కాదు. ఆరోగ్యకర ఆహారం తింటూ కొద్దిపాటి వర్కవుట్లు చేస్తూ శరీరాన్ని పటిష్టంగా వుంచుకుంటే పురుషుడు ఎప్పటికి బలవంతుడే.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.