ఎలా జీవిస్తే ఎక్కువ కాలం ఆరోగ్యంగా, ఆనందంగా బతకగలం...?

నిద్ర : మన శరీరానికి మంచి నిద్ర అవసరం. ప్రతి రోజు 8 నుండి10 గంటల వరకు నిద్ర లభిస్తే మన శరీరం చైతన్యవంతంగా ఉంటుంది. కాబట్టి నిద్రను దూరం చేసే కెఫిన్ మరియు చక్కెర ఉన్న శక్తి పానీయాలను తాగకూడదు. ఒక వేళ మీరు స్కూల్ విద్యార్ది అయితే స్కూల్ కి ఉదయం తొందరగా వెళ్ళాలంటే రాత్రులు తొందరగా పడుకోవాలి.

నవ్వు మరియు చిరునవ్వు : నవ్వు అనేది మన ముఖాన్ని కాంతివంతము మరియు యవ్వనంగా కనబడేలా చేస్తుంది. ఈవిధంగా నవ్వు ను జీవితంలో భాగంగా చేసుకోవటం ఆరోగ్యంగానికి మంచిదని శాస్త్రీయంగా నిరుపితమైనది.

ఏమీ చేయకుండా ఉండటం : చీకటి మరియు ప్రశాంతమైన గదిలో పది నిమిషాలు ఎటువంటి ఒత్తిడితో కూడిన ఆలోచనలు లేకుండా కళ్ళు మూసుకొని కూర్చుంటే మీకు మానసికంగా రిఫ్రెష్ అయిన అనుభూతి కలుగుతుంది. మీరు ఇలా విశ్రాంతి తీసుకోవడం వల్ల రోజు మొత్తం ప్రశాంతంగా ఉంటారు.ఈ విధంగా ప్రతి రోజు రెండు సార్లు చేయండి.

ఎక్కువ పండ్లు మరియు కూరగాయలు తినండి : ఆరోగ్యకరమైన ఆహారంలో పండ్లు మరియు కూరగాయలు ముఖ్యమైన భాగంగా చేసుకోండి. ప్రతి రోజు 5 నుండి 9 సార్లు తీసుకోవటానికి ప్రయత్నించండి.

నీటిని త్రాగండి : ప్రతి రోజు మీరు ఎనిమిది-ఔన్స్ గ్లాసుల నీటిని తప్పనిసరిగా త్రాగాలి. ఈ విధంగా త్రాగటం వలన మిమ్మల్ని మళ్ళీ ఉత్తేజపరిచేందుకు సహాయం చేస్తుంది. తగినంత మంచి నీరు త్రాగక పొతే మొటిమలు ,తలనొప్పి మరియు డిహైడ్రేషన్ కు దారితీస్తుంది. మీరు మంచి స్థితిలో ఉండడానికి నీరు దోహదం చేస్తుంది.

వ్యాయామం : మీరు ప్రతి రోజు ఉదయాన్నే మేల్కొని జిమ్ క్లాస్ కు వెళ్లి కండరాల వ్యాయామం చేసి వార్మ్ అప్ అయితే అది మిమ్మల్ని మరింత సౌకర్యవంతముగాను,సరళమైన చురుకైన జీవితాన్ని మనకు అందిస్తుంది. కాబట్టి ప్రతి రోజు వ్యాయామం చేయటం జీవితంలో భాగం కావాలి. ప్రతి రోజు వ్యాయామం చేయండి. మీకు మంచి అనుభూతిని,మీరు మెరుగ్గా కనపడటానికి దోహదం చేస్తుంది.

రన్నింగ్ మరియు జాగింగ్ : ప్రతి రోజు ఉదయం పది నిముషాలు సౌకర్యవంతముగా,సులభమైన వేగంతో జాగింగ్ చేస్తే తీరువైన శరీరాన్ని పొందవచ్చు. దీని వల్ల మన కండరాలు బలంగా,గట్టిగా ఉంటాయి. అయితే జాగింగ్ అనేది ఒకేసారి వేగంగా మొదలు పెట్టకుండా నెమ్మదిగా మొదలుపెట్టి సౌకర్యవంతంగా ఉండే వేగం పొంది,అలాగే జాగింగ్ ఆపే ముందు సడన్ గా ఆపకుండా నెమ్మదిగా వేగం తగ్గించి ఆపాలి.

మీకు మీరే సవాలు : మీరు గరిష్టంగా 10 పుష్ అప్ లు చేస్తూ ఉంటే, 12 చేయటానికి మాత్రమే ప్రయత్నించండి. ఇటువంటి చిన్న సవాళ్లు మీ శరీరాన్ని నైస్ గా మరియు దృఢంగా ఉంచుతాయి.

మీకు నచ్చింది చేయండి : మీరు ఒక పెంపుడు జంతువులతో ఆడుకోండి. స్విమ్మింగ్ కు వెళ్లండి లేదా ట్రామ్పోలిన్ మీద దూకండి. ఈ విధంగా మీకు నచ్చిన పనులు చేయటం వల్ల మంచి మూడ్ తో పాటు సంతోషం కలుగుతుంది. ఒక వేళ అనుకోని సంఘటన జరిగి మీకు చిరాకు కలిగి కోపం వస్తే తగ్గటానికి బైక్ రైడ్ చేయండి. ఇది సరదాకే కాకుండా,మిమల్ని మీరుగా ఉంచుకోవటానికి ఉపయోగపడుతుంది.

ప్రతిభ/ మీ గురించి మంచి ఫీల్ : మీరు పని చేస్తున్న పరిదిలో మీకన్నా బెటర్ గా పని చేసేవారు ఉంటె వాళ్లతో మిమ్మల్ని పోల్చవద్దు. ఏ విషయంలో మీకు సామర్ద్యం ఉందో దానిని గమనించి వెలికితీసి మీ ప్రతిభను ఉపయోగించాలి.

ఏదైనా సాధించడానికి : ఏదైనా కొత్త పని చేయండి. అది మీకు విజయానుభుతిని ఇస్తుంది. అది ఆట కావచ్చు, పాట కావచ్చు. మీలోని ఈ ప్రతిభ ద్వారా ఎదుటివారిని ఆశ్చర్యపరచటం మీకు గొప్ప అనుభూతిని ఇస్తుంది.

ప్రశాంతంగా ఉండండి- ఏ విషయాన్నీ తీవ్రంగా తీసుకోకండి. ఓపెన్ మైండెడ్ గా ఉండి కొత్త విషయాలు నేర్చుకోవటానికి ప్రయత్నించండి.