డేంగ్యూ నుండి మనల్ని మనం కాపాడుకోవడం ఎలా..?

మీ పరిసరాలను పొడిగా ఉంచుకో౦డి: డేంగ్యూ వచ్చే ప్రమాదం ఉన్నపుడు, మీరు మీ పరిసరాలను వీలైనంత పొడిగా ఉంచుకోవడం అత్యవసరం. నీరు ఎక్కువగా నిల్వ ఉండడంవల్ల కూడా ఇది సంభవించ వచ్చు. సాధారణంగా డేంగ్యూ దోమలు నీరు నిలిచి ఉన్నచోట గుంపులుగా వృద్ది చెందుతాయి. అందువల్ల, ఇంట్లో ఎక్కడా నీరు నిలవ ఉండకుండా అదనపు శ్రద్ధ తీసుకోవాలి. శుభ్రంగా, ఆరోగ్యకరంగా ఉండే ఎక్కువ ఖాళీ స్థలం, ఎండ పడే పరిసరాల ప్రాంతాలని ఎంచుకోవాలి.

ఇంట్లోని అన్ని వస్తువుల పై మూతలు ఉంచాలి: మూతలేని డబ్బాలకు, నీరు ఉన్న ఆహారానికి మూట వేసి ఉంచడం ముఖ్యం. డేంగ్యూ దోమలు ఇంట్లోని ఏ వస్తువులపై నైనా వాలే అవకాశం ఉంది, మూతలేని ఆహారం పైనే తప్పనిసరిగా చేరతాయి.

మిమ్మల్ని మీరు రక్షించుకో౦డి: స్వీయ రక్షణ చేసుకుంటే ఎలా ఉంటుంది? నిద్రపోయేటపుడు మీరు ధరించే ఫుల్-స్లీవ్డ్ షర్ట్ లు, పాంట్లు, చుట్టూ చుట్టే షీట్లుతో మొదలుపెట్టండి. అంతేకాకుండా, దోమ నివారణ క్రీములు వాడడం, ఇంటి చుట్టూ వివిధ ప్రదేశాలలో లిక్విడేటర్లు ఉంచడం వల్ల ఇంట్లోకి దోమలు ప్రవేశించకుండా నివారించవచ్చు.

తలుపులకు తెర వేయడం: మీ ప్రధాన తలుపుకు వైరు జాలీలు లేదా బిగుతైన నెట్ ఉపయోగించి తెర వేయండి. మీ ఇంట్లో కిటికీలకు కూడా ఇలాగే చేయండి. డేంగ్యూ ఆపద నుండి మరింత జాగ్రత్తలు తీసుకోవడానికి, మీరు నిద్రించేటపుడు మీ మంచంపై దోమతెర వేయండి.

బైటతిరగడం మానేయండి : పార్కులు, తోటలు వంటి తేమ ప్రదేశాలు లేదా చెట్లు ఎక్కువగా ఉన్న చోట డేంగ్యూ దోమలు ఉంటాయి కాబట్టి అలాంటి ప్రదేశాలలో తిరగడం మాన౦డి. మీరుండే చోట దోమలు పెరిగే ప్రాంతాలేవో తెలుసుకుని వాటికి దూరంగా వుండండి.

శుభ్రం చేయండి: డేంగ్యూ నివారణ చర్యలన్నిటిలోకీ ఇదే అత్యంత ప్రధానమైనది, మీ వ్యక్తిగత పరిశుభ్రతలో భాగం కూడా. వాటర్ కూలర్లు, టాంకులు, వాష్ బేసిన్లు శుభ్రంగా ఉంచితే దోమల పెరుగుదలనివారించ వచ్చు. వారానికి ఒక సారి ఇలా శుభ్రం చేస్తే దోమలు నివారించవచ్చు.

రసాయనాలు వాడండి : ఇంటి చుట్టూ, డ్రైనేజీ లలోను బ్లీచింగ్ పౌడర్, డి డి టి లాంటివి చల్లితే డేంగ్యూ దోమలు పూర్తిగా నశిస్తాయి, మిమ్మల్ని సురక్షితంగానూ, ఆరోగ్యంగాను ఉంచుతాయి.

డేంగ్యూ ని నివారించడానికి ప్రయత్నించడం పెద్ద కష్టమేమీ కాదు. నిత్యం చేయాల్సిన పనులు చేస్తే ప్రమాదాలనుంచి రక్షించుకోవచ్చు. డేంగ్యూ ప్రమాదాల పట్ల అప్రమత్తంగా వుండి సరైన నివారణ చర్యలు చేపడితే మీరు, మీ కుటుంబం కూడా సురక్షితంగా ఉండడానికి మంచిది.