సైలెంట్ కిల్లర్ స్మోకింగ్ వల్ల క్యాన్సర్ ముప్పే కాదు.. మరెన్నో ??

వాజినల్ ఇన్ఫెక్షన్

స్మోకింగ్ వల్ల రిలీజ్ అయ్యే కెమికల్స్ వల్ల.. హార్మోనల్ లెవెల్స్ లో సమస్యలు రావడంతోపాటు.. వాజినాలో పీహెచ్ లెవెల్స్ పెరిగి, వాజినల్ ఇన్ఫెక్షన్స్ కి కారణమవుతుంది.

తెల్లజుట్టు

20లలోనే తెల్లజుట్టు సమస్య ఎందుకు వచ్చిందని చాలా మంది వాపోతుంటారు. మీకు స్మోకింగ్ చేసే అలవాటు ఉంటే.. అదే దీనికి కారణం అయి ఉండవచ్చు. స్మోకింగ్ వల్ల ఆక్సిడేటివ్ స్ట్రెస్ ఏర్పడి.. ఏజింగ్ ప్రాసెస్ ముందుగానే మొదలవుతుందని నిపుణులు చెబుతున్నారు. కాబట్టి స్మోకింగ్ మానేయడం మంచిది.

బ్లోటింగ్

స్మోకింగ్ వల్ల కలిగే సైడ్ ఎఫెక్ట్స్ లో బ్లోటింగ్ ఒకటని తెలుసా ? స్మోకింగ్ చేయని వాళ్ల కంటే.. స్మోకింగ్ చేసేవాళ్లు.. ఎక్కువ గాలి పీల్చుకుంటారు. దీనివల్ల కడుపులో మోతాదుకి మించి గాలి చేరి.. బ్లోటింగ్ కి కారణమవుతుంది.

లివర్ డిసీజ్

సిగరెట్ లో ఉండే హానికారక కెమికల్స్ వల్ల.. కాలేయంలో టాక్సిక్ లోడ్ ఎక్కువ అవుతుంది. దీనివల్ల లివర్ సెల్స్ డ్యామేజ్ అవుతాయి. కాలేయం హెల్తీగా ఉండాలన్నా, లివర్ డిసీజ్ లకు దూరంగా ఉండాలన్నా.. స్మోకింగ్ మానేయడం చాలా అవసరం.

కంటి చూపు

లంగ్స్, లివర్ మాత్రమే కాదు.. కంటిలోని నరాల వ్యవస్థను కూడా డ్యామేజ్ చేస్తుంది స్మోకింగ్. స్మోకింగ్ వల్ల కళ్లకు కూడా హాని కలుగుతుందని.. అనేక అధ్యయనాలు వెల్లడించాయి. స్మోకింగ్ వల్ల కళ్లు పొడిబారడం, గ్లూకోమా వంటి సమస్యలు ఎదురవుతాయి.

గాయాలు

స్మోకింగ్ చేయని వాళ్ల కంటే.. స్మోకింగ్ చేసేవాళ్లలో.. గాయాలు మానడానికి ఎక్కువ సమయం పడుతుంది. అంతేకాదు గాయాల వల్ల ఇన్ఫెక్షన్స్ కి కూడా అవకాశం ఉంది. అలాగే స్కిన్ టిష్యూ లో టెన్సైల్ శక్తి తగ్గడానికి ఎక్కువ అవకాశాలుంటాయి.

వెన్నెముక సమస్యలు

స్మోకింగ్ వల్ల బ్లడ్ సర్క్యులేషన్ తగ్గడమే కాదు.. ఎముకల డెన్సిటీ కూడా తగ్గుతుంది. కొల్లాజెన్ లెవెల్ తగ్గి.. వెన్నెముక సమస్యలు, ఆస్టియోపోరోసిస్, కీళ్ల నొప్పులు వంటి సమస్యలు కూడా ఎదురవుతాయి.