ప్రయాణంలో వికారం, వాంతులను ఎలా ఆపాలి

మిరియాలు

ఒక కప్పు నిమ్మరసంలో, చిటికెడు మిరియాల పొడిని కలిపి తాగండి. ఈ మిశ్రమం తలనొప్పి, తల తిరగటం వంటి కదలిక వల్ల వచ్చే సమస్యలను నిరోధిస్తుంది.

పుదీనా టీ

మీ ప్రయాణం మొదలుపెట్టేముందు, ఒక కప్పు పుదీనా టీ తాగండి. లేదా కొన్ని పుదీనా ఆకులను మీతో ఉంచుకుని, బస్సు లేదా కారు కదిలి మీ ప్రయాణం మొదలవగానే నమలండి. ఇది వికారం తగ్గిస్తుంది.

అల్లం టీ

అల్లం టీ ప్రయాణంలో వచ్చే వికారానికి మంచి మందు. ఇది అరుగుదలను పెంచుతుంది.

దాల్చిన చెక్క

కొంత నీటిని మరిగించి అందులో ఒక చెంచాడు దాల్చిన చెక్క పౌడర్ ను వేయండి. ఒక చెంచా తేనె వేసి కలిపి తాగండి. ఇది ప్రయాణపు అనారోగ్య లక్షణాలను తగ్గిస్తుంది.

లవంగాలు

బస్సు ఎక్కుతున్నప్పుడు ఒక లవంగాన్ని చప్పరించండి. ఈ లవంగాన్ని ఒక చెంచాడు తేనెలో కూడా ముంచి నమలచ్చు. ఇది వికారాన్ని తగ్గిస్తుంది.

యాలకులు

ఏలక్కాయ కూడా చప్పరించటం వల్ల వెనువెంటనే ప్రయాణంలో వచ్చే వికారం మటుమాయమవుతుంది.

సోంపు

సోపు/ సోంపు గింజలు నోట్లో వేసుకోవడం కూడా ఉపయోగకరం. సోంపు నోట్లో ఉండగానే ఆ లాలాజలాన్ని మింగివేయండి. వాంతి వస్తున్న భావన లేకుండా చేస్తుంది.

ఉల్లిపాయ రసం

ప్రయాణం ముందు ఒక కప్పు ఉల్లిపాయ రసం తాగండి. వికారాన్ని అది చూసుకుంటుంది.