పనీర్ ఆరోగ్యానికి మంచిదా?

By Deepti

Published: Friday, July 7, 2017, 13:35 [IST]

పనీర్ దేశంలో ప్రముఖమైన ఆహార పదార్థం. శాకాహారులు, మాంసాహారులు సమానంగా ఇష్టపడే ఆహారం. పాలనుంచి తయారయ్యే పనీర్ లో అనేక పోషకాలుండి ఆరోగ్యానికి చాలా మంచిది. కొంతమందైతే పనీర్ ను పచ్చిగానే ఇష్టపడతారు.

పచ్చిగా లేదా వండిన రూపంలో తీసుకున్నా పనీర్ ను ఏరకంగా అయినా తీసుకోకుండా ఉండలేం. దానికి చాలా మంచి కారణాలున్నాయి. ఎన్నో పోషక విలువలున్న పనీర్ భారతీయ వంటకాలలో భాగమైపోయింది. ఎందుకు కాకూడదు?

పనీర్ యొక్క ఒక 15 లాభాలను తెలుసుకోండి ;

గుండె జబ్బులకి రక్షణ కల్పిస్తుంది

పన్నీర్ నిత్యం తీసుకుంటుంటే హృద్రోగాలు వచ్చే అవకాశాలు తగ్గి, రక్తపోటు, లిపిడ్ శాతాలు కూడా అదుపులో ఉంటాయి. పనీర్ లోని పొటాషియం రక్తపోటును తగ్గిస్తుంది.

జీవక్రియను పెంచుతుంది

పనీర్ లోని పీచుపదార్థం జీవక్రియను పెంచి బరువు తగ్గటంలో సాయపడుతుంది

ఎముకలు మరియు పళ్ళను గట్టిపరుస్తుంది

పన్నీర్ లో ఉండే కాల్షియం, ఫాస్పరస్ ఎముకల రోగాలను, పళ్ళ సమస్యలను పోగొట్టి వాటిని గట్టిపరుస్తుంది. పనీర్ లో ఉండే విటమిన్ డి దంతాల కావిటీలు రాకుండా చేస్తుంది.

పిల్లలకు ఆరోగ్యకరం

పనీర్లో ఎక్కువగా ఉండే ప్రొటీన్, మంచి కొవ్వులు ఎదిగే పిల్లలకు పోషకాలందించి వారి రోగనిరోధకశక్తిని పెంచుతుంది. పిల్లలలో కణజాల ఉత్పత్తి, అవి బలంగా మారటానికి పనీర్ ఉపయోగపడుతుంది.

ధృఢమైన జుట్టు, చర్మానికి సాయం

విటమిన్ బి, ఒమెగా-3 మరియు 6 ఫ్యాటీ యాసిడ్లు, యాంటి ఆక్సిడెంట్లు ఉండటం వల్ల జుట్టుకి, చర్మానికి మంచిది. చర్మం ముడతలు పడకుండా, వాపు కలిగించే డెర్మటైటిస్ ను ఆపటానికి పనీర్ సాయపడుతుంది.

భారీ వ్యాయామాలు చేసిన వెంటనే పనీర్ తింటే వెనువెంటనే శక్తి,ఓపిక వస్తుంది.

కీళ్ళనొప్పులకు ఉపశమనం

పనీర్లోని ఒమేగా-3 మరియు ఒమెగా-6 ఫ్యాటీ యాసిడ్లు రుమటాయిడ్ ఆర్థరైటిస్ తో పోరాడతాయి.

కాన్సర్ నివారిణి

పనీర్లోని మంచి ప్రొటీన్ కడుపు, బ్రెస్ట్, ప్రొస్టేట్ క్యాన్సర్ల వంటి వివిధ రకాల క్యాన్సర్లను నివారిస్తుంది.

డయాబెటిస్ రోగుల కోసం

పనీర్ లోని ఒమెగా-3 ఫ్యాటీ యాసిడ్లు డయాబెటిక్ రోగులలో హోమోసిస్టీన్ స్థాయిలను తగ్గిస్తాయి. ఇన్సులిన్ రెసిస్టెన్స్ సిండ్రోం, గ్లూకోజ్ ఇన్ టోలరెన్స్ వంటి స్థితులు రాకుండా చేస్తుంది.

గర్భవతులకు మంచిది

గర్భవతులు పనీర్ తీసుకోవడం వలన వారికి కలిగే పొద్దున వికారం, రక్తహీనత వంటి వాటిని పోరాడటానికి అవసరమైన శక్తి లభిస్తుంది. కొత్తగా పుట్టిన పసిబిడ్డలలో ఏ జన్యులోపాల ప్రభావం తగ్గించటానికి కూడా సాయపడుతుంది.