వాతావరణంలో మార్పులు: వ్యాధులను, ఇన్ఫెక్షన్స్ ను నివారించే మన వంటింటి నేస్తాలు!

సిట్రస్ ఫ్రూట్స్ :

విటమిన్ సి అధికంగా ఉన్న ఆహారాలను రెగ్యులర్ డైట్ లో చేర్చుకోవడం వల్ల కోల్డ్ మరియు ఫ్లూను ఎఫెక్టివ్ గా నివారించుకోవచ్చు. నిమ్మ, నారింజ, బత్తాయి, బొప్పాయి, జామ వంటి పండ్లలో విటమిన్ సి అధికంగా ఉంటుంది. ఇది వ్యాధినిరోధక శక్తిని పెంచి హెల్తీగా ఉంచుతుంది. విటమిన్ సి తెల్ల రక్తకణాలను పెంచుతుంది. దాంతో ఇమ్యూనిటి సిస్టమ్ ఎఫెక్టివ్ గా పనిచేస్తుంది. కాబట్టి, విటమిన్ సి అధికంగా ఉన్న ఆహారాలను రెగ్యులర్ గా తీసుకోవడం వల్ల ఆరోగ్యంగా.. ఫిట్ గా ఉండగలుగుతారు.

బ్రొకోలీ:

బ్రొకోలీలో విటమిన్ ఎ, సి మరియు ఇలు పుష్కలంగా ఉన్నాయి. ఈ న్యూట్రీషియన్స్ తో పాటు అద్భుతమైన యాంటీఆక్సిడెంట్స్ కూడా ఉన్నాయి. ఇవి వ్యాధినిరోధకశక్తిని పెంచడంతో పాటు, ఇన్ఫెక్షన్స్ ను నివారిస్తాయి. పచ్చిగా లేదా హాఫ్ బాయిల్ చేసిన బ్రొకోలీని రెగ్యులర్ డైట్ లో చేర్చుకుంటే మంచి ఫలితం ఉంటుంది.

పసుపు :

పసుపు, ఒక ఇండియన్ మసాలా దినుసు. ఒక అద్భుతమైన ఆయుర్వేదిక్ రెమెడీ. ఇది శరీరానికి వండర్ ఫుల్ బెనిఫిట్స్ ను అందిస్తుంది. పసుపును రెగ్యులర్ డైట్ లో ఉపయోగించడం వల్ల శరీరంలోని టాక్సిన్స్ తొలగిపోతాయి, డిటాక్సిఫికేషన్ జరగుతుంది. ఇన్ఫెక్షన్స్, ఇన్ఫ్లమేషన్ తగ్గించడంలో పసుపు గ్రేట్ రెమెడీ. ఒక గ్లాసు పాలలో ఒక టీస్పూన్ పసుపు మిక్స్ చేసి గోరువెచ్చగా తాగడం వల్ల వ్యాధినిరోధక శక్తి వేగంగా పెరుగుతుంది.

చికెన్ సూప్ :

చల్లని వాతావరణంలో గోరువెచ్చని చికెన్ సూప్ తాగడం, ఇది ఒక ఏజ్ ఓల్డ్ రెమెడీ. జలుబు, దగ్గు , గొంతు నొప్పిని తగ్గించడంలో చికెన్ సూప్ గ్రేట్ గా సహాయపడుతుంది. చికెన్ సూప్ తయారుచేసేప్పుడు అమినో యాసిడ్ విడుదలవుతాయి. దీన్నే సిస్టైన్ అని పిలుస్తారు . ఇది బ్రొంకైటిస్ ను నివారిస్తుంది. కాబట్టి, వాతావరణంలో మార్పులను బట్టి చికెన్ సూప్ తీసుకోవడం ఒక ఉత్తమ మార్గం.

వెల్లుల్లి :

వెల్లుల్లిని రెగ్యులర్ వంటల్లో ఉపయోగిస్తుంటారు. ఇది వంటలకు రుచి, మంచి ఆరోమా వాసన అందివ్వడం మాత్రమే కాదు, ఇది ఒక అద్భుతమైన ఇమ్యూన్ బూస్టర్. వెల్లుల్లిలో ఉండే అల్లిసిన్ అనే కంటెంట్ ఇన్ఫెక్షన్స్ తో పోరాడే గుణాలతో పాటు, వాతావరణంలో మార్పుల వల్ల వచ్చే వ్యాధుల నుండి రక్షణ కల్పించే గుణాలు కూడా అధికంగా ఉంటాయి .

అల్లం:

గొంతు నొప్పి, ఫ్లూ, కోల్డ్ లేదా ఇతర దీర్ఘకాలిక నొప్పులను నివారించడంలో అల్లం గ్రేట్ హోం రెమెడీ. వెల్లుల్లి లాగే అల్లం కూడా బాగా పాపులర్ అయినటువంటి ఆయుర్వేదిక్ హెర్బల్ రెమెడీ. దీన్ని రెగ్యులర్ గా తీసుకోవడం వల్ల జలుబు, దగ్గు నుండి ఉపశమనం కలిగిస్తుంది.

పెరుగు :

పెరుగు, ఇన్ఫెక్షన్స్ కు వ్యతిరేఖంగా పనిచేస్తుంది. పెరుగు ప్రోబయోటిక్ ఫుడ్. ఇది వ్యాధినిరోధకశక్తిని పెంచడంలో గొప్పగా సహాయపడుతుంది. ఇది శరీరంలో విటమిన్ డి ఉత్పత్తికి సహాయపడుతుంది. దాంతో వ్యాధినిరోధకశక్తి క్రమబద్దం అవుతుంది. శరీరం చురుకుగా పనిచేయడానికి సమాయపడుతుంది. అలాగే సీజనల్ గా వచ్చే అనేక మార్పులను నివారిస్తుంది.