పురుషులలో డిప్రెషన్ ఉందనడానికి గల సంకేతాలు ఇవే!

1. అంగస్తంభన సమస్యలు :

అనేకమంది తరచుగా ఎదుర్కొంటున్న సమస్యలలో ఇది కూడా ఒకటి. మారుతున్న ప్రపంచీకరణ విధానాలు, కాలుష్య కోరల నడుమ సరైన ప్రణాళికలు లేని జీవనశైలి, వ్యసనాలు, ప్రమాదాలు, రోగాలు, చెడు జ్ఞాపకాలు మొదలైన ప్రభావిత అంశాల కారణంగా ఈ సమస్యను ఎదుర్కొనేవారి సంఖ్య నానాటికీ పెరుగుతూనే ఉంది. క్రమంగా కోరికలు మందగించడం, లైంగిక అసమర్థత నెలకొనడం , పర్యవసానంగా డిప్రెషన్ కలగడం జరుగుతుంది.

2. అలసట :

అలబామా విశ్వవిద్యాలయం, క్లినికల్ మనస్తత్వ శాస్త్రవేత్తల ప్రకారం, పురుషులు, మహిళలకన్నా అధికంగా అలసట మరియు ఇతర భౌతిక సమస్యలకు గురయ్యే అవకాశాలు ఎక్కువగా ఉంటాయి.

3. నిద్రలేమి :

కొన్ని అభూతకల్పనలు, మూడనమ్మకాలు, వ్యసనాలు, చేదుజ్ఞాపకాలు మొదలైన వాటి కారణంగా తలెత్తే ఇన్సోమ్నియా(నిద్రలేమి) కూడా డిప్రెషన్ కారకాల్లో ఒకటిగా ఉంది.

4. కడుపునొప్పి లేదా వెన్నునొప్పి :

వినడానికి వింతగా ఉన్నా, ఇది కూడా ఒక కారకం. అనేక సందర్భాలలో మనం తరచుగా వార్తల్లో కూడా చూస్తుంటాము. కడుపునొప్పి తాళలేక, వ్యక్తి ఆత్మహత్య అంటూ. నేషనల్ ఇన్స్టిట్యూట్ ఆఫ్ మెంటల్ హెల్త్, నిర్వహించిన అద్యయనం ప్రకారం, పురుషులు, దీర్ఘకాలిక నొప్పులు, జీర్ణసంబంధిత లోపాలు డిప్రెషన్ కారకాలుగా ఉంటాయని గుర్తించలేరు.

5. చిరాకు :

దుఃఖాన్ని కనబరచడానికి బదులుగా, పురుషులు చికాకుపరమైన సంకేతాలను చూపిస్తుంటారు. దీనికి కారణం వీరు నిరంతరం నెగెటివ్ ఆలోచనలు కలిగి ఉంటారు. నెగెటివ్ ఆలోచనల్లో కూడా 2రకాలు ఉంటాయి., ఎక్కువగా వాస్తవాన్ని ఆలోచించడం, రెండవది, వాస్తవాన్ని కూడా తమకు వ్యతిరేకంగా ఆలోచించడం.

6. ఏకాగ్రతను కోల్పోవడం :

సైకోమోటార్ రిటార్డేషన్ ఒక వ్యక్తికి సమాచారాన్ని ప్రాసెస్ చేయగల సామర్ధ్యాన్ని తగ్గిస్తుంది, ఈబలహీనత క్రమంగా దృష్టి మరియు ఏకాగ్రత మీద ప్రభావాన్ని చూపిస్తుంది

7. కోపం :

కొందరు పురుషులు కోపం లేదా ఉద్రేకంగా ఉండటం ద్వారా, డిప్రెషన్ సూచిస్తుంటారు.

8. ఆందోళన :

మహిళలతో పోల్చినప్పుడు పురుషులలో అధికంగా స్ట్రెస్(ఆందోళన) బారినపడే అవకాశాలు అధికంగా ఉన్నాయి.

ఆత్మహత్య ప్రేరేపిత ఆలోచనలు, పరిస్థితుల నుండి తప్పించుకునే ప్రవర్తన, వ్యసనాలు, హింసాత్మక లేదా హానికర ప్రవర్తన మొదలైనవి కూడా డిప్రెషన్ తాలూకు సంకేతాలుగా ఉంటాయని చెప్పబడింది.

మీరు డిప్రెషన్ బారినపడి ఉన్నారని తెలుసుకోవడం ఎలా?

1. నిరాశ మరియు నిస్సహాయతతో కూడిన అనుభూతి.

2. కార్యకలాపాలలో ఆసక్తిని కోల్పోవటం, స్నేహితులను దూరం ఉంచడం.

3. సాధారణ జీవితంతో పోల్చినప్పుడు, మరింత ఎక్కువ చికాకు మరియు అల్పస్వభావం.

4. వ్యసనాలపట్ల అధికంగా ప్రేరేపించబడడం.

5. ప్రతికూల ఆలోచనలను నియంత్రించలేకపోవడం, మరియు అలసట.

6. ఆకలి మార్పులు, నిద్రలేమి.

పురుషుల్లో డిప్రెషన్ సమస్యకు చికిత్స ఎలా?

1. జీవనశైలిలో మార్పులు :

వ్యాయామాలు, ఆహార ప్రణాళికలలో అసాధారణ మార్పులు చోటుచేసుకోవడం. స్తబ్ధత నెలకొనడం వంటి సమస్యలు డిప్రెషన్ కారకాలుగా ఉంటాయి. కావున, ఆరోగ్యకర మార్పుల ప్రకారం దృష్టిసారించండి. మరియు నిద్రకు సరైన సమయం కేటాయిస్తున్నారని నిర్ధారించుకోండి.

2. మందులు :

మానసిక వైద్యుని సంప్రదించి, సూచించిన మందులను, సూచనలను క్రమంతప్పకుండా అనుసరించడం కూడా సమస్య నివారణలో సహాయపడుతుంది. సాధారణంగా, సెరటోనిన్ నోరేపినెఫ్రైన్ రిప్టేక్ ఇన్హిబిటర్ (ఎస్ఎన్ఆర్ఐ) మరియు సెరోటోనిన్ రీఅప్టేక్ ఇన్హిబిటర్ (ఎస్ఎస్ఆర్ఐ) మందులు డిప్రెషన్ చికిత్సలో ప్రభావవంతంగా ఉంటాయి. ఈ మందులను తీసుకునే ముందు మీ వైద్యుడిని సంప్రదించండి.

3. మానసిక చికిత్స :

దీనిని టాక్ థెరపీ అని కూడా పిలుస్తారు మరియు మానసిక ఆరోగ్య నిపుణుల మీ స్పందనలు మరియు కొన్ని ట్రిగ్గర్స్(ప్రభావిత కారకాల) ఆధారితంగా మీకు సూచనలను అందివ్వడం ద్వారా, డిప్రెషన్ సమస్యకు చికిత్సను అందివ్వడం జరుగుతుంది. డిప్రెషన్ సమస్యకు చికిత్స చేయడంలో వివిధరకాల మానసిక చికిత్సలు అందుబాటులో ఉన్నాయి. కాగ్నిటివ్ బిహేవియరల్ థెరపీ, ఇంటర్పర్సనల్ టాక్ థెరపీ, మరియు ప్రాబ్లెం-సాల్వింగ్ థెరపీ మొదలైనవి.

డిప్రెషన్తో ఉన్న మనిషికి సహాయం చేయడం ఎలా?

నేషనల్ ఇన్స్టిట్యూట్ ఆఫ్ మెంటల్ హెల్త్ ప్రకారం, ఇక్కడ మీరు అనుసరించదగిన విధానాలను ఇవ్వడం జరిగింది.

1. వారితో తరచుగా సంభాషణలలో పాల్గొనండి, అతను చెప్పేది జాగ్రత్తగా వినండి.

2. ఆత్మహత్య మరియు జీవితం మీద ఆశను కోల్పోవడం గురించి చేస్తున్న సూచనలను విస్మరించవద్దు.

3. అతన్ని తరచుగా ఎక్కడికైనా తీసుకుని వెళ్తూ, ఏదేని ఇతరత్రా కార్యకలాపాలలో నిమగ్నుడిని చేయండి.

4. అతను ఉపయోగించే మందులు మరియు వ్యసనాలను ఒక కంట కనిపెట్టుకుని ఉండండి.