గాయ‌మైతే ర‌క్తం ఆగ‌కుండా కారుతోందా? ఈ 7 గృహ‌చిట్కాలు పాటిస్తే స‌రి...

1. బొప్పాయి

బొప్పాయి పండుతో పాటు దాని ఆకులు బ్ల‌డ్ ప్లేట్‌లెట్స్ సంఖ్య‌ను పెంచ‌డంలో కీల‌క పాత్ర పోషిస్తాయ‌ని ఏషియ‌న్ ఇన్సిటిట్యూట్ ఆఫ్ సైన్స్ అండ్ టెక్నాల‌జీ, మ‌లేషియా వారు 2009లో చేసిన ఓ ప‌రిశోధ‌న‌లో తేల్చారు. బొప్పాయి పండును అలాగే తిన‌వ‌చ్చు లేదా దాని ఆకుల‌ను న‌మ‌లొచ్చు. ఇలా చేస్తే ప్లేట్‌లెట్స్ సంఖ్య క్ర‌మంగా పెరుగుతాయట‌. బొప్పాయి జ్యూస్ చేసుకొని దాంట్లో నిమ్మ‌ర‌సం క‌లుపుకున్నా ఫ‌లితం ఉంటుంద‌ట‌.

2. గుమ్మ‌డి

గుమ్మ‌డిలో ఉండే ప్రొటీన్లు ప్లేట్‌లెట్స్ సంఖ్య పెంచ‌డంలో కీల‌క‌పాత్ర పోషిస్తాయ‌ట‌. గుమ్మ‌డిలో విట‌మిన్ ఏ ఉంటుంది. ఇవి ప్లేట్‌లెట్స్ సంఖ్య పెరుగుద‌ల‌కు దోహ‌దం చేస్తాయి. అందుకే క్ర‌మంగా గుమ్మ‌డి పండు, దాని విత్త‌నాల‌ను సేవించ‌డం మేలంటారు డాక్ట‌ర్లు.

3. నిమ్మ‌

నిమ్మ‌లో పుష్క‌లంగా విట‌మిన్ సి ఉంటుంది. ఇవి ప్లేట్‌లెట్స్ సంఖ్య‌ను పెంచుతాయ‌ట‌. అంతే కాదు రోగ‌నిరోధ‌క‌శ‌క్తిని విట‌మిన్ సి పెంచుతుంది.

4. ఆమ్లా

ఆమ్లాలోనూ విట‌మిన్ సి పుష్క‌లంగా ఉంటుంది. ఆమ్లాలో యాంటీఆక్సిడెంట్లు ఉంటాయి. ఇవి ఇత‌ర ఆరోగ్య సమ‌స్య‌ల‌నూ త‌గ్గిస్తాయి.

5. బీట్‌రూట్‌

బీట్‌రూట్ రసం తాగ‌డం వ‌ల్ల కూడా ప్లేట్‌లెట్స్ కౌంట్ పెరుగుతుంద‌ని ప‌రిశోధ‌న‌లో తేలింది.

6. గోదుమ గ‌డ్డి

ఇంట‌ర్నేష‌న‌ల్ జ‌ర్నల్ ఆఫ్ యూనివ‌ర్స‌ల్ ఫార్మ‌సీ అండ్ లైఫ్ సైన్సెస్ వారు చేసిన ప‌రిశోధ‌న‌లో బ్ల‌డ్ ప్లేట్‌లెట్స్ సంఖ్య‌ను పెంచ‌డంలో గోదుమ గ‌డ్డి స‌మ‌ర్థ‌వంతంగా ప‌నిచేస్తుంద‌ని తేల్చారు. గోదుమ గ‌డ్డిలో క్లోరోఫిల్ అధికంగా ఉంటుంది. ఇది ర‌క్తంలో హిమోగ్లోబిన్ మాదిరిగా ఉంటుంది. అందుకే రోజుకు క‌నీసం అర క‌ప్పు గోదుమ గ‌డ్డి ర‌సం తాగితే మంచిద‌ని అంటారు. దీంట్లో కాస్త నిమ్మ‌ర‌సం పిండుకుంటే మ‌రీ మంచిది. విట‌మిన్ సి ఐర‌న్‌ను బాగా పీల్చుకునేలా చేస్తాయి. ఐర‌న్ త‌గుపాళ్ల‌లో ఉంటే ర‌క్తం ప్లేట్‌లెట్స్ సంఖ్య త‌గ్గ‌కుండా ఉంటుంది.

7. క‌ల‌బంద‌

ర‌క్త శుద్ధిలో క‌ల‌బంద‌ కీల‌క పాత్ర పోషిస్తుంది. ర‌క్త ఇన్ఫెక్ష‌న్లు రాకుండానూ అలోవెరా స‌మ‌ర్థ‌వంతంగా ఉప‌యోగ‌ప‌డుతుంది. ఇవ‌న్నీ బ్ల‌డ్ ప్లేట్‌లెట్స్ సంఖ్య పెరిగేందుకు దోహ‌దం చేస్తాయి.