Click it and Unblock the Notifications
Latest Updates
-
ఇడ్లీ, దోసల్లోకి అదిరిపోయే కాంబినేషన్..పుల్లపుల్లని, కారంకారమైన జామకాయ చట్నీ..ఎలా చేసుకోవాలంటే.. -
ఎండలో ఉంటున్నా.. ట్యాబ్లెట్లు వాడుతున్నా విటమిన్-D పెరగట్లేదా? అసలు కారణం ఇదే! -
అమ్మమ్మల నాటి అమృతం.. వేసవిలో ఒంటికి చలువ చేసే తరవాని చారు -
కొంతమంది ప్రతిసారీ రాంగ్ పర్సన్ కే ఎందుకు ఎట్రాక్ట్ అవుతుంటారో తెలుసా? -
పైన మీగడ, లోపల కమ్మటి రుచి.. ఇంట్లోనే పక్కా ధాబా స్టైల్ మలై లస్సీ..ఎలా చేసుకోవాలంటే -
అచ్చం బేకరీ రుచితో కొబ్బరి బర్ఫీ.. తక్కువ సమయం, అదిరిపోయే టేస్ట్! -
కరివేపాకుతో ఈ 5 ఆహారాలు కలిపి తింటే.. మీ ఎముకలు ఉక్కులా మారుతాయి! -
వేడివేడి అన్నం, కాస్త నెయ్యి, గోంగూర కారం..ఆహా ఏమి రుచి! -
ప్రెగ్నెన్సీ ప్లాన్ చేస్తున్నారా? ముందు మహిళలు సరిదిద్దుకోవాల్సిన అతిపెద్ద సమస్య ఇదే! -
స్పైసీ మటన్ లివర్ ఫ్రై..ఈ సీక్రెట్ మసాలాతో చేస్తే ప్లేట్ ఖాళీ చేస్తారు!
కలబందతో కాలిన గాయాలను ఎలా నయం చేయవచ్చు
నిత్యజీవితంలో చిన్న చిన్న ప్రమాదాలు సహజమే. అనుకోకుండా కాలిన చర్మానికి సాధారణంగా మీరు వెంటనే ఏం చేస్తారు?
వైద్యుడు సూచించిన మందులు వాడతారా? అవి కొద్దిసేపు ఉపశమనం కలిగించినా, మంటను ఎక్కువసేపు పూర్తిగా తీసెయ్యలేవు.
కాలినగాయం మంట నుంచి వెంటనే విముక్తి కావాలంటే, కలబంద రసం వాడవచ్చు.
కలబంద ఒక మాయావృక్షం లాంటిది. ఎన్నో వేల ఏళ్ళ క్రితం నుంచి చర్మసమస్యలకు, కాలినగాయాలకు దీన్ని వాడుతూ వచ్చారు. తేమను పెంచి, నయం చేసే దీని శక్తి వలన గాయమైన చర్మప్రాంతంలో కొత్త చర్మం త్వరగా వస్తుంది.
ఈ చెట్టులో ముఖ్యభాగం కలబంద జెల్ దేశీయంగా అనేక లోషన్లు, క్రీముల్లో భాగంగా లభ్యమవుతోంది. ఎందుకంటే ఇందులో ఉండే మూలకాలు నొప్పి, వాపును తగ్గించి, చర్మం, జుట్టు పెరుగుదలను వేగవంతం చేస్తాయి.
కలబందలో గ్లైకోప్రొటీన్లు, పాలీసాకరైడ్లు అనే పదార్థాలు కూడా ఉంటాయి. గ్లైకో ప్రోటీన్లు నొప్పి,వాపు తగ్గించి గాయం త్వరగా మానేట్లు చేస్తే, పాలీసాకరైడ్లు చర్మం పెరుగుదల, మరమ్మత్తును చూస్తాయి. కానీ కలబందను నేరుగా గాయంపై ఎప్పుడూ ఉపయోగించకూడదు.
ఈ వ్యాసంలో కలబందను సురక్షితంగా ఎన్ని పద్ధతులలో వాడచ్చో తెలుసుకుని దాని అత్యుత్తమ లాభాలన్నింటినీ పొందండి.
1) కలబంద గుజ్జు వాడకం
కలబందను చిన్న చిన్న గాయాలకు తేమని ఇచ్చి, నొప్పి తగ్గించేదానిలా వాడవచ్చు.
కావాల్సిన వస్తువులు ;
-తాజా కలబంద ఆకు ఒకటి
పద్ధతి ;
1)కలబంద ఆకును శుభ్రమైన చాకుతో అడ్డంగా కోసి, అందులో గుజ్జును తీయండి.
2) ఈ గుజ్జుని నేరుగా గాయమైన చోట పూయండి. వెంటనే ఉపశమనం కలుగుతుంది.
3) ఒక 5-6 నిమిషాలపాటు ఆ గుజ్జు పూర్తిగా పట్టేట్లా మర్దన చేయండి.
4) తడిగుడ్డతో దాన్ని అంతా తుడిచేయండి.
2) కలబంద లోషన్ ;
ఈ ఆలోవెరా లోషన్ లో అవకాడో కూడా ఉంటుంది. ఇది కాలిన గాయాలపై చాలా మంచి ప్రభావం చూపిస్తుంది
కావాల్సిన వస్తువులు ;
ఒక కలబంద ఆకు
ఒక అవకాడో
ఒక చెంచాడు ఆలివ్ నూనె
పద్ధతి ;
1) అవకాడోను కోసి అందులో గుజ్జును బయటకి తీయండి.
2) కలబంద ఆకులో కూడా గుజ్జు బయటకి తీయండి.
3) రెండింటిని ఒక గిన్నెలో కలిపి, ఆలివ్ నూనెను జతచేయండి.
4) కావాల్సినంత గాయానికి రాస్తూ మిగిలినది ఒక పొడి డబ్బాలో పోసి, ఫ్రిజ్ లో పెట్టుకుని తర్వాత వాడుకోండి.
3) ఇంట్లో తయారు చేసుకునే కలబంద జెల్
ఈ ఆలోవెరా జెల్ పద్ధతి చాలా ప్రసిద్ధమైనది మరియు అందం కోసం కూడా దీన్ని వాడతారు. దీని డబ్బాను ఒకటి ఇంట్లో ఉంచుకోండి, ఇక మీ చర్మ సమస్యలన్నీ పోయినట్టే.
కావాల్సిన వస్తువులు
ఒక కలబంద ఆకు
ఒక చెంచాడు నిమ్మరసం
ఒక చెంచాడు వీట్ జెర్మ్ ఆయిల్
పద్ధతి ;
1) కలబంద ఆకును కోసి గుజ్జును తీయండి.
2) ఈ గుజ్జును ఒక గిన్నెలో వేసి, నిమ్మరసం, వీట్ జెర్మ్ ఆయిల్ ను కలపండి.
3) మిక్సర్ లో ఈ మిశ్రమాన్ని జెల్ గా మారే వరకూ తిప్పండి.
4) గాయమైన చోట ఇది రాయండి.
5) మిగతా జెల్ ను ఒక పొడి డబ్బాలో పోసి, ఫ్రిజ్ లో దాచుకోండి.
4) కలబంద ఐస్ క్యూబ్స్
కలబంద, మంచుల కలయిక కాలిన గాయాలనుంచి వెంటనే ఉపశమనం ఇస్తుంది.
కావాల్సిన వస్తువులు
కలబంద ఆకు ఒకటి
కొంచెం నీరు
ఐస్ ట్రే
పద్ధతి ;
1) కలబంద ఆకుని కోసి గుజ్జును తీయండి.
2) గుజ్జు, నీరును మిక్సర్ లో వేసి బాగా కలపండి.
3) ఈ మిశ్రమాన్ని ఐస్ క్యూబ్ ట్రేలో పోసి, ఫ్రిజ్ లో గడ్డకట్టేట్లు చేసి గాయంపై వాడుకోండి.
ఈ ఐస్ క్యూబ్ లను గుడ్డలో చుట్టి గాయంపై రాయాలని మర్చిపోకండి. ఇలా అయితే నేరుగా తగలకుండా ఉంటుంది.
ఈ చిట్కాల వల్ల కాలిన గాయాలకు వెంటనే ఉపశమనం లభిస్తుంది. అంతేకాక కలబంద కాలిన మచ్చలు కూడా తగ్గిస్తుంది. కానీ ప్రథమచికిత్సగా, చిన్న చిన్న గాయాలకు వాడటమే మంచిది. పెద్ద గాయాలకు వైద్యుని సంప్రదించటం మంచిది.
Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.
Continue with Google