30 ఏళ్ళ వయస్సు పైబడిన మహిళలకు సూచించే ఆరోగ్యపరమైన హెచ్చరికలు !

• రొమ్ములలో గడ్డలు ఏర్పడటం (లేదా) రొమ్ము ప్రాంతం వదులుగా అవ్వడం :-

మధ్య వయస్కులైన స్త్రీలలో రొమ్ముక్యాన్సర్ సంభవించడమనేది చాలా సాధారణం. మీరు వయస్సు పెరిగే కొద్దీ ఈ రొమ్ము క్యాన్సర్ ప్రమాదం కూడా పెరుగుతుంది. రొమ్ములలో ఏవైనా తేడాలు గానీ ఏర్పడితే వాటిని వెంటనే గమనించండి. మీ చనుమొనలలో వచ్చే మార్పులతో పాటు రొమ్ములలో గడ్డలు ఏర్పడటం (లేదా) రొమ్ము ప్రాంతం వదులుగా అవ్వడం వంటివి "రొమ్ము క్యాన్సర్ను" సూచించే లక్షణాలని గుర్తించండి. మీరు ఈ క్యాన్సర్ను ప్రారంభ దశలోనే గుర్తించడం వల్ల మీకు అందించే చికిత్స పద్ధతులు మీకు సరైన ఫలితాలను అందించగలదు.

• గర్భధారణ అవకాశాలు తగ్గుముఖం :-

30 ఏళ్ల వయస్సు కలిగిన మహిళలలో గర్భధారణ అవకాశాలు తగ్గుముఖం పడుతున్నాయని రీసెర్చ్ తెలిపింది. సంతానోత్పత్తి సామర్థ్యం తగ్గిపోవడం అనగా అండోత్సర్గం నాణ్యత తగ్గడం, గర్భాశయంలో ఉండే ఉమ్మ నీరు నాణ్యత క్షీణించడం, అండాల నాణ్యత క్షీణించడం & దీర్ఘకాలిక అనారోగ్య సమస్యలతో సంబంధమును కలిగి ఉండటం వంటివి కారణం కావచ్చు. అయితే, కొన్నిసార్లు మీరు ఈ పై సమస్యల కారణంగానే కాకుండా 30 ఏళ్ల వయస్సు దాటిన కారణంగా మీరు వంధ్యత్వానికి గురికావచ్చు. హార్మోన్లలో ఏర్పడే అసమతుల్యత, కణితులు ఏర్పడటం వంటి కారణాల వల్ల మీరు గర్భధారణ పొందడంలో కష్టాలను ఎదుర్కొనే అవకాశం ఉండవచ్చు.

• జుట్టు ఊడిపోవడం :-

30 ఏళ్ళు దాటిన మహిళల్లో అకస్మాత్తుగా జుట్టు ఊడిపోవటమనేది సర్వసాధారణం. రోజూవారీగా మీరు 50-100 వరకూ వెంట్రుకలను కోల్పోవడమనేది సాధారణం చర్యగా భావించాలి. అంతకుమించి అధిక మొత్తంలో మీరు జుట్టును కోల్పోతే గనుక అది తీవ్రమైన అనారోగ్య సమస్యను సూచించేదిగా మీరు గుర్తించాలి. ఒత్తిడి & శిశుజననం వల్ల మీరు అధికంగా జుట్టును కోల్పోయేందుకు ప్రధాన కారణాలుగా ఉన్నాయి. ప్రతి 4 మహిళలలో ఒకరి జుట్టు పలుచబడటంతో పాటు జుట్టును కూడా నష్టపోతారు, అలాంటి వారిలో 95 శాతం మంది ఆండ్రోజెనిటిక్ అరోపికా అనే కేసులోకి వస్తారు.

మీరు 30 ఏళ్ళ వయస్సులోకి అడుగుపెట్టిన తర్వాత మీ శరీరానికి సరైన పోషకాలు గానీ అందకపోతే మీకు హైయిర్ లాస్ అధికంగా ఉంటుంది. మీలో ఐరన్ లోపం కారణంగా హైయిర్ లాస్కి గురవచ్చు. మీరు 30 లోకి అడుగుపెట్టిన తర్వాత మీ శరీరంలో హిమోగ్లోబిన్ స్థాయిలను గుర్తించడానికి, రక్తహీనతను తెలియజేసే పరీక్షలను డాక్టర్ వద్ద చేయించుకోవడం మంచిది. జుట్టు అధికంగా కోల్పోవడానికి విటమిన్-డి లోపము & శరీరంలోని హార్మోన్ల అసమతుల్యత కూడా కారణం కావచ్చు.

• బరువు పెరుగుట :-

హఠాత్తుగా అసాధారణ బరువు పెరగటం అనేది అనేక ఆరోగ్య సమస్యలను సూచిస్తుంది. మీరు సరైన డైట్ ను పాటిస్తూ, శారీరక వ్యాయామాలను చేస్తున్నప్పటికీ కూడా మీ బరువు తగ్గకపోతే అందుకు థైరాయిడ్, కొలెస్ట్రాల్, డయాబెటిస్ లేదా పిసిఒఎస్ వంటి రోగాలు కారణం కావచ్చు. మీరు 30 ఏళ్ళ వయస్సులోకి అడుగుపెట్టిన తర్వాత, కొలెస్ట్రాల్ & మధుమేహ పరీక్షలతో పాటు సాధారణ థైరాయిడ్ స్క్రీనింగ్ చేయించుకోవాలి.

పిసిఒఎస్ (పాలిసిస్టిక్ ఓవరీ సిండ్రోమ్) తో బాధపడుతున్న మహిళలు బరువు కోల్పోవడం చాలా కష్టం. ఇది హార్మోన్ డిజార్డర్గా ఉంటూ, పిసిఒఎస్ ఉన్న మహిళల్లో ఇది అధిక స్థాయిలో వుంటాయి & ఇన్సులిన్ నిరోధకతను కలిగి ఉంటాయి. ఇలాంటి మహిళలు మధుమేహం & ఇతర గుండె సంబంధిత సమస్యలతో బాధపడుతుంటారు.

• అధిక రక్తపోటు :-

అధిక బరువును కలిగి ఉండటం, గర్భ నిరోధక మాత్రలను ఉపయోగించడం (లేదా) హార్మోన్ థెరపీ తీసుకొనే మహిళలు అధిక రక్తపోటును కలిగి ఉంటారు. డైట్ కోసం ఉపయోగించే కొన్ని మాత్రలు & యాంటిడిప్రెసెంట్స్ కూడా అధిక రక్తపోటు సమస్యలకు దారితీయవచ్చు. అధిక రక్తపోటును కలిగిన మహిళలు గర్భధారణ సమయంలో కూడా సమస్యలను ఎదుర్కోవలసి ఉంటుంది కాబట్టి వాళ్ళను చాలా జాగ్రత్తగా కనిపెట్టుకోవడం చాలా ముఖ్యం. 30 సంవత్సరాలు పైబడిన మహిళలు ఎక్కువ ఉప్పును వినియోగించడం వల్ల కూడా రక్తపోటును కలిగి ఉంటారు.

శారీరక కార్యకలాపాలు లేకపోవటంతో కలిగే ఒత్తిడి కూడా అధిక రక్తపోటుకు దారి తీస్తుంది. అధిక రక్తపోటు మూత్రపిండ వ్యాధులకు / మూత్రపిండ వైఫల్యమునకు దారితీస్తుంది. ఈ రక్తపోటుకు సరైన చికిత్స చేయని సమయంలో, కిడ్నీలో ఉండే రక్త నాళాలను ఫిల్టర్లను నాశనం చేస్తాయి. ఇది శరీరం నుండి వ్యర్థాలను గ్రహించి, బయటకు నెట్టవేసే చర్యను చాలా కష్టతరం చేస్తుంది.

• అలసట :-

30 సంవత్సరాలు పైబడిన మహిళలు త్వరగా అలసిపోయే స్థితిని కలిగి ఉంటారు. దాని పర్యసానంగా అలసటతో కూడిన ఇతర ఆరోగ్య సమస్యలకు గురికావచ్చు. ఈ వయస్సులోనే మహిళలు ఎక్కువగా థైరాయిడ్ సమస్యలు వెంటాడవచ్చు. ఈ కారణం వల్ల కూడా మహిళలు ఎక్కువ అలసటను పొందవచ్చు. కాబట్టి మీరు సరైన థైరాయిడ్ మందులను ఉపయోగించి మీరు ఈ రుగ్మతకు చికిత్స చేయవచ్చు. కోర్నిక్ ఫెటీగ్ సిండ్రోమ్ అనేది తీవ్రమైన అలసట లక్షణాలతో ఏర్పడిన క్లిష్టమైన పరిస్థితి.

మహిళల వయస్సు 30 సంవత్సరాలు దాటిన తర్వాత సాధారణంగా సంభవించే ఆరోగ్య సమస్యల గురించి ఇప్పటివరకు మనము చర్చించుకున్నాము. కాబట్టి మీ శరీరం సూచించే సంకేతాలను మీరు దృష్టిలో పెట్టుకుని డాక్టర్ని సంప్రదించి సరైన వైద్య చికిత్సలను చేయించుకోవడం ద్వారా మీ ఆరోగ్యాన్ని మరింతగా మెరుగుపరచుకోగలరు.