ట్యూబరస్ స్క్లెరోసిస్: కారణాలు, లక్షణాలు, రోగ నిర్ధారణ మరియు చికిత్స గురించిన పూర్తి వివరాలు

కొన్ని సంకేతాలు మరియు లక్షణాలు :

మూర్చ:

మెదడులో అసాధారణ కణతి పెరుగుదల ఉన్నట్లయితే, ఇది మూర్ఛలకు కారణమవుతుంది. ట్యూబరస్ స్క్లెరోసిస్ సమస్యకు మొదటి సంకేతంగా ఉంటుంది. పిల్లలలో ఎక్కువగా కనిపిస్తుంటుంది.

చర్మం అసమానతలు మరియు సమస్యలు :

ఈ ట్యూబరస్ స్క్లేరోసిస్ సమస్యతో ఉన్న వ్యక్తులలో పాలిపోయిన చర్మం పాచెస్ కనిపిస్తుంటాయి. గోర్లు చుట్టూతా వాపుతో కూడిన బంప్స్ చేరడం, ముఖం మీద అసాధారణంగా మొటిమల సమస్యలు , ఎక్కువగా యుక్తవయసులో ఈసమస్య వేధిస్తూ ఉంటుంది.

జ్ఞాపకశక్తి సామర్ధ్యం తగ్గడం :

మందబుద్ది, అభ్యాసనా వైకల్యాలతో పాటు జ్ఞాపకశక్తి లోపాలు, ఆలోచనల్లో జాప్యాలు ఉండవచ్చు. మానసిక ఆరోగ్యం తీవ్రంగా ప్రభావితమవుతుంది.

ప్రవర్తనా సమస్యలు:

ట్యూబరస్ స్క్లేరోసిస్ ప్రభావిత వ్యక్తి హైపర్యాక్టివిటీ(అధిక చురుకుదనం) సంకేతాలను కలిగి ఉంటారు. ఫలితంగా దూకుడు, అధిక భావోద్వేగాలు మరియు సాంఘిక సర్దుబాట్లలో సమస్యల కారణంగా స్వీయ శిక్షలు వేసుకునే అలవాట్లను ప్రదర్శించవచ్చు.

కిడ్నీ సమస్యలు:

మూత్రపిండాల్లో అనారోగ్యకరమైన పెరుగుదల ఉండవచ్చు. వయస్సుతో పాటు పరిస్థితి పెరుగుదల కూడా ఉంటుంది.

ఊపిరితిత్తుల సమస్యలు:

ఊపిరితిత్తులలో అసాధారణ పెరుగుదల కారణంగా శ్వాస మరియు దగ్గుతో కూడిన సమస్యలు కలిగి ఉండవచ్చు.

గుండె సమస్యలు:

శిశువుకు జన్మతహా గుండె ఎదుగుదల అధికంగా ఉండవచ్చు. వయసు పెరిగే కొలదీ, సాధారణ స్థితికి వస్తుంది.

కంటి సమస్యలు:

రెటీనా పెరుగుదలలో లోపాలు సంభవించవచ్చు. సాధారణంగా ఈ సమస్య దృష్టి విషయంలో జోక్యం చేసుకోకపోయినా కూడా, ఇది కంటిలో తెల్లటి చారల వలె కనిపిస్తుంది.

రోగ నిర్ధారణ ఎలా ?

పైన చెప్పిన లక్షణాల మీద ఆధారపడి, రుగ్మతతో సంబంధం ఉన్న ఖచ్చితమైన కారణము మరియు సంకేతాలను పరిష్కరించుటకు సంబంధిత నిపుణులను సంప్రదించవలసి ఉంటుంది. రోగ నిర్ధారణ సాధారణంగా భౌతిక పరీక్షతోనే ప్రారంభమవుతుంది. కొన్ని జన్యు సంబంధిత పరీక్షలు కూడా సూచించడం జరుగుతుంది.

మూర్చ సంబంధిత పరీక్షలు :

పిల్లలు తరచుగా మూర్చకు లోనవుతూ ఉన్న ఎడల, ఒక ఎలెక్ట్రోఎన్సెఫాలోగ్రామ్ జరుపబడుతుంది. పరీక్షలో మెదడులోని ఎలెక్ట్రికల్ ఆక్టివిటీస్ రికార్డు చేయడం జరుగుతుంది.

మెదడు, ఊపిరితిత్తులు మరియు మూత్రపిండాలు యొక్క మూల్యాంకనానికై అల్ట్రాసౌండ్, MRI లేదా CT స్కాన్ టెస్టులు చేయడం జరుగుతుంది.

హృదయ మూల్యాంకనం: డయాగ్నొస్టిక్ పరీక్షల్లో భాగంగా ఎకోకార్డియోగ్రామ్ మరియు ఎలెక్ట్రొకార్డియోగ్రామ్ ఉంటాయి.

కంటి పరీక్ష : రెటినాను పరీక్షించడానికి మాగ్నిఫైయింగ్ లెన్స్ మరియు లైట్ ఉపయోగించబడతాయి.

మానసిక ఆరోగ్యం, ప్రవర్తనా లేదా భావోద్వేగ రుగ్మతలు: అవసరమైతే, రోగి యొక్క మానసిక ఆరోగ్యాన్ని విశ్లేషించడానికి మానసిక వైద్యుని సంప్రదించవలసి రావొచ్చు.

ట్యూబరస్ స్క్లెరోసిస్ చికిత్స ఎలా ?

నయం కాని రుగ్మత అయినప్పటికీ, లక్షణాలను తగ్గించుటకు చికిత్స చేయవచ్చు.

మందులు :

మూర్చతో బాధపడుతున్న రోగికి, మూర్చను తగ్గించడానికి మందులను సూచించడం జరుగుతుంది. మూత్రపిండాలు మరియు మెదడు కణితి పెరుగుదలలో నిర్దిష్ట రూపాలు ఉండి, అవి శస్త్రచికిత్స ద్వారా తొలగించబడని పక్షంలో, ఎవరోలిమస్ అని పిలువబడే ఒక ఔషధాన్ని సూచించడం జరుగుతుంది. మొటిమల వంటి చర్మ సంబంధిత పరిస్థితికి సిరొలిమస్ లేపనాన్ని ఉపయోగించి చికిత్స చేయవచ్చు.

సర్జరీ :

అసాధారణ కణితి పెరుగుదల శస్త్రచికిత్స ద్వారా తొలగించబడుతుంది. మెదడు వంటి ప్రాంతాలలో అసాధారణ కణితి పెరుగుదల మందులకు ప్రతిస్పందించదు. క్రమంగా, వాటిని శస్త్రచికిత్స ద్వారా తొలగించవలసి ఉంటుంది. చర్మ సమస్యలకు డెర్మాబ్రేషన్ లేదా లేజర్ చికిత్సలను అవసరాన్ని అనుసరించి సూచించడం జరుగుతుంది.

థెరపీ :

స్పీచ్ థెరపీ, భౌతిక మరియు పనిసంబంధిత చికిత్సలును ప్రత్యేక అవసరాలతో (స్పెషల్ నీడ్స్) కూడిన పిల్లలకు సహాయం చేయగలవు. రోజువారీ పనులను క్రమ పద్ధతిలో నిర్వహించడంలో వారికి సహాయపడుతుంది.

విద్య మరియు వృత్తిపరమైన సేవలు :

ఇది ప్రవర్తనా సమస్యలతో, మరియు జ్ఞాపకశక్తి సమస్యలతో భాదపడుతున్న పిల్లలకు ఉద్దేశించబడింది. ఇటువంటి సామాజిక మరియు జ్ఞాపకశక్తి పునర్నిర్మించే సేవలను జీవితకాలం కొనసాగించాల్సి ఉంటుంది.

ప్రవర్తన నిర్వహణ :

నిరాశకు గురికాకుండా సర్దుబాటుతో, మరియు రుగ్మతతో జీవించడం అనేది కఠినమైన విషయమే. దీనికి మానసిక నిపుణులు సహాయం చేయవచ్చు. కేవలం శిక్షణ పొందిన నిపుణులు మాత్రమే, అటువంటి సమస్యలతో భాదపడుతున్న వ్యక్తుల భావోద్వేగ, ప్రవర్తనా మరియు సామాజిక సమస్యలను పరిష్కరించగలరు. వారి పరిస్థితులకు అనుగుణంగా చికిత్స ఎంపికలను సిఫార్సు చేయవచ్చు.

ట్యూబరస్ స్క్లెరోసిస్ ప్రాణాంతకమా ?

మెదడులో కణితి ఫలితంగా సంభవించే స్థితి ఎపిలెప్టికస్, ట్యూబరస్ స్క్లేరోసిస్ రోగులకు ప్రాణాంతకంగా మారే అవకాశాలు ఉన్నాయి. ఇది మూత్రపిండ వైఫల్యం మరియు బ్రోన్చోన్యుమోనియాతో ముడిపడి ఉంది. అంతేకాకుండా, ఊపిరితిత్తులలో అసాధారణ పెరుగుదల ఉన్న వ్యక్తులు లింఫాన్జియోలైయోమాటోటిస్ అనే సమస్యతో ముడిపడి ఉన్న కారణాన, తక్కువ జీవిత కాలాన్ని కలిగి ఉండవచ్చు.

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర, ఆరోగ్య, జీవన శైలి, ఆహార, ఆద్యాత్మిక, జ్యోతిష్య, వ్యాయామ, లైంగిక తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ వ్యాసంపై మీ అభిప్రాయాలను, వ్యాఖ్యలను క్రింద వ్యాఖ్యల విభాగంలో తెలియజేయండి.