నులిపురుగులు ఇలా శరీరంలోకి వెళ్తాయి, మనిషిని పీల్చిపిప్పి చేస్తాయి, మీలోనూ ఉండొచ్చు

అపరిశుభ్రత

ప్రధానంగా అపరిశుభ్రత వల్ల నులి పురుగులు వ్యాపిస్తాయి. పరిసరాలను శుభ్రంగా లేకుంటే ఇవి అక్కడ ప్రబులుతాయి. అలాగే గోర్లు పెద్దవిగా పెంచుకుని వాటిని క్లీన్ గా ఉంచుకోకపోతే కూడా నులిపురుగులు వ్యాపిస్తాయి.

గోర్లు

గోర్లలో ఎట్టి పరిస్థితుల్లోనూ మలినాలు చేరకూడదు. అలాగే గ్రామాల్లో బహిరంగంగా మల విసర్జన చేస్తుంటారు. దాని వల్ల కూడా నులిపురుగులు శరీరంలోకి ప్రవేశించే అవకాశం ఉంది. తినేటప్పుడు చేతులను కడుక్కోకుండా తింటే కూడా ఈ వ్యాధి బారినపడతారు.

మూసే ఉంచాలి

తినే ఆహారాలను కూడా ఎప్పుడూ మూసే ఉంచాలి. ఎక్కువగా ఒకటి నుంచి పంతొమ్మిది ఏళ్ల పిల్లలు నులిపురుగుల సమస్య బారినపడే అవకాశం ఉంది. ఇవి పేగుల్లో ఉండే పోషకాలన్నింటినీ తినేస్తాయి. దీంతో శరీరంలో రక్తహీనత ఏర్పడుతుంది. ఎంతతిన్నా కూడా పోషకాహారం శరీరానికి అందకుండా ఉంటుంది.

ఆకలి వేయదు

ఆకలి సరిగ్గా వేయదు. ఎక్కువగా బలహీనంగా మారుతారు. తరుచుగా కడుపునొప్పి వస్తూ ఉంటుంది. బరువు పెరగరు. చాలా మంది బక్కగా ఉండే వారు నులిపురుగుల సమస్య బారినపడి ఉంటారు. కానీ వారికి ఈ విషయం తెలియక ఎలాంటి జాగ్రత్తలు తీసుకోరు. ఫలితంగా వారు ఎంత తిన్నా కూడా లావుకారు.

రక్తహీనత

ముఖ్యంగా రక్తహీనతతో ఇబ్బందులుపడుతుంటారు. మీరు తినే తిండిని మొత్తం కూడా నులిపురుగులు తినేస్తాయి. నులిపురుగుల్లోనూ చాలా రకాలుంటాయి. చాలా మందిలో ఏలిక పాములుంటాయి. ఇవి ఒక్కోసారి మీరు మల విసర్జన చేసినప్పుడు కూడా కనిపిస్తాయి. అలాగే కొంకి, నులి అనే రకం పురుగులు కూడా ఉంటాయి. ఇవి కూడా చాలా డేంజర్.

ఆల్బెండజోల్‌

ఈ పురుగులన్నింటినీ నివారించే మందు ఆల్బెండజోల్‌. ఈ మాత్రలు వేసుకుంటే చాలు ఎలాంటి పురుగులైన చచ్చి మలవిసర్జనలో బయటకి వెళ్లిపోతాయి. అయితే పిల్లలకు ఈ మాత్రలు వేసేటప్పుడు కాస్త జాగ్రత్త వహించాలి. ఎక్కువ డోస్ వాటిని పిల్లలకు వేయకూడదు. కళ్లు తిరిగిపడిపోతారు. అలా అని భయపడాల్సిన అవసరం లేదు.

శుభ్రత

అలాగే నిత్యం శుభ్రతను పాటించాలి. ఆల్బెండజోల్‌ మాత్రలు అన్ని ప్రభుత్వ ఆసుపత్రుల్లో , అంగన్ వాడీల్లో ఉచితంగా ఇస్తారు. మీరు కూడా నులిపురుగులకు సంబంధించిన లక్షణాలతో బాధపడుతుంటే వెంటనే డాక్టర్ని సంప్రదించి ఆ రోగాన్ని నయం చేసుకోండి.