హైబ్లడ్ ప్రెజర్ ను తక్కువగా అంచానా వేయకండి..ఇది ఎలా ప్రాణం తీస్తుందో తెలుసా?

హార్ట్ అటాక్

హై బ్లడ్ ప్రెజర్ (అధిక రక్తపోటు) ధమనులను దెబ్బతీస్తుంది మరియు అవి నిరోధించబడి గుండె కండరాలకు రక్త ప్రవాహాన్ని అడ్డుకుంటుంది, ఫలితంగా హార్ట్ అటాక్ వస్తుంది.

స్టోక్ (పక్షవాతం)

హైబ్లడ్ ప్రెజర్ (అధిక రక్తపోటు) తీవ్రమైతే, అది సులభంగా మెదడులోని రక్తనాళాలను అడ్డుకుంటుంది మరియు స్ట్రోక్‌కు కారణమవుతుంది. కొన్నిసార్లు అడ్డుపడటం వల్ల మెదడులోని రక్తనాళాలు పగిలిపోతాయి. ఇది అత్యంత ప్రమాదకరమైన పరిస్థితి.

గుండె ఆగిపోవుట

గుండెపై ఒత్తిడి పెరిగినప్పుడు అధిక రక్తపోటు మరింత తీవ్రంగా మారుతుంది. దాంతో శరీరంలో ఇతర ముఖ్యమైన భాగాలకు రక్తాన్ని సరఫరా చేయలేకపోతుంది. ఫలితంగా గుండె వైఫల్యం చెందుతుంది.

కిడ్నీ వ్యాధి లేదా మూత్రపిండ వైఫల్యం

హై బ్లడ్ ప్రెజర్ కారణంగా మూత్రపిండాల చుట్టూ ఉన్న ధమనులను దెబ్బతీస్తుంది మరియు రక్తాన్ని ఫిల్టర్ చేసే మూత్రపిండాల సామర్థ్యాన్ని దెబ్బతీస్తుంది.

దృష్టి కోల్పోవడం

అధిక రక్తపోటు కళ్లలోని రక్తనాళాలపై అధిక ఒత్తిడిని కలిగిస్తుంది మరియు వాటిని దెబ్బతీస్తుంది, కళ్ళు ఎక్కువగా ఒత్తిడికి గురైనప్పుడు దృష్టిని కోల్పోతుంది.

లైంగిక సమస్యలు

అధిక రక్తపోటును ముందుగానే గుర్తించి చికిత్స చేయకపోతే, అది తీవ్రంగా మారవచ్చు, దీని ఫలితంగా పురుషులలో అంగస్తంభన మరియు మహిళల్లో సెక్సువల్ సమస్యలు ఏర్పడుతుంది.

ఆంజినా

అధిక రక్తపోటు దీర్ఘకాలం కొనసాగితే, అది గుండె జబ్బులు లేదా మైక్రోవాస్కులర్ డిసీజ్ కి దారి తీస్తుంది. ఒక సాధారణ లక్షణం ఆంజినా లేదా ఛాతీ నొప్పి.

పరిధీయ ధమని వ్యాధి

అధిక రక్తపోటు వల్ల అథెరోస్క్లెరోసిస్ వస్తుంది. ఈ పరిస్థితి కాళ్లు, చేతులు, పొట్ట మరియు తలలోని ధమనులను కుచించుకుపోయేలా చేస్తుంది, దీని వలన నొప్పి లేదా విపరీతమైన అలసట వస్తుంది.