పడకగది అలంకరణకు కాదు మానసిక ఉపశమానానికి ప్రాధాన్యత ఇవ్వండి..!!

ఒక్కమాటలో చెప్పాలంటే పని ఒత్తిడితో అలసిసొలసి ఇంటికి వచ్చిని వారు మంచం పై వాలగానే నిద్రపట్టే విధంగా పడకగదిని తీర్చిదిద్దాలి. నిద్ర సరిగా పట్టాలంటే పడకగదిలో ప్రకాశవంతమైన, ముదురు రంగులు ఉండకూడదు. గదులకు ముదురు రంగులతో పెయింట్ వేయించకూడదు. గదిలో అడుగుపెట్టగానే మానసిక ఉల్లాసాన్నిచ్చేలా ఉండే లైట్ కలర్స్ ను పడకది గోడలకు వేయించాలి.

పడకగది అలంకరణ కోసం బొమ్మలు, వాల్ హేంగింగ్ వంటి వస్తువుల కోసం ఎక్కువగా ఖర్చు పెట్టవలసిన అవసరం లేదు. ఖరీదైన వస్తువులు కొనడం మాని, పిల్లలు సొంతంగా వేసిన డ్రాయింగ్ కాని పెయింటింగ్ కాని ఫ్రేమ్ కట్టించి తగిలించండి. దీనివల్ల గది గోడలకు కొత్త అందం రావడమే కాకుండా, పిల్లలు తమ పెయింటింగ్ లను చూసుకుని ఆనందిస్తారు.