కాలానికి తగన కూరల మొక్కలు...

Gardening

oi-Saraswathi

By Sindhu

Published: Wednesday, March 14, 2012, 16:36 [IST]

సాధారణంగా చాలా మంది ఇంటి పట్టునే ఆకుకూరలు, కూరగాయలు పండించుకోవడానికి ఇప్పుడిప్పుడే సిద్ధమవుతున్నారు.. అయితే ఏఏ సీజన్ లో ఏఏ పంటలు పండించాలో తెలియదు. కొంతమందికి అవి తెలుసుకోకుండానే మొదలు పెట్టి మద్యలోనే విఫలులౌతుంటారు. కాలన్ని బట్టి, రుతువులను బట్టి కుండీల్లో లేదా మడుల్లోని ఒక్కో చదరపు అడుగు స్థలంలో ప్రణాళిక ప్రకారం విత్తనాలు వేసుకుంటే... ఇంటిల్లిపాదికీ అవసరమైన కూరగాయలు, ఆకుకూరలు ఏడాది పొడవునా అందుబాటులో ఉంటాయి. అందరూ ఇదే వరుసలో వేసుకోవాలనేం లేదు. ఆయా కూరగాయలు, ఆకుకూరలపై ఇష్టాఇష్టాల ప్రకారం ఎవరికి నచ్చిన మొక్కలను వారు పెంచుకోవచ్చు.

నిజానికి..కొన్ని జాగ్రత్తలు పాటించినట్లైతే.. ఇంటిపట్టునే ఏ కాలంలోనైనా ఏ పంటలైనా పండించుకోవచ్చు. అననుకూల వాతావరణంలో పంటలు పండించాలంటే.. ఆయా పంటల ప్రత్యేక లక్షణాలు, తగిన జాగ్రత్తలు తీసుకోవాలి. ఉదా: క్యారట్, క్యాబేజీ వంటి పంటలు సాధారణంగా చలికాలం-శీతాకాలంలో చక్కగా పెరుగుతాయి. అధికవేడిని తట్టుకోలేకపోవడం వీటి సహజలక్షణం. కాలాన్ని బట్టి మొక్కలను పండించుకోవడం వల్ల పంట బాగా పండుటయే కాకుండా అధిక దిగుబడిని ఇస్తుంది. ఆకుకూరలు నెలరోజుల్లో కోతకు వస్తాయి. అయితే రెండు నెలలపాటు దిగుబడినిస్తాయి. అలాగే బెండవిత్తనం నెలకు కాపుకొస్తుంది అయితే కాయలు మాత్రం మూడు నెలలు కాస్తాయి.

ఇలా మిరిప, టమోటో, వంగ... అన్నిరకాల కూరగాయలను పండించుకోవచ్చు. కొత్తిమీర, పుదీన కుండీలు-మడుల అంచుల్లో చల్లుకుంటే సరిపోతాయి. ఎండాకాలంలో, ముఖ్యంగా టెరస్‌ ల్రపై, కూరగాయల మొక్కలు పెంచాలనుకుంటే షేడ్‌ నెట్‌ తో ఎండ నుంచి రక్షణ కల్పించాలి. సెల్ఫ్ వాటరింగ్ పాట్స్‌ ను....మడులను ఏర్పాటుచేసుకోవచ్చు.

ఎండాకాలం: చిక్కుడు, ఆనప, కాకర, బీర, పొట్లకాయ, గుమ్మడి, దొండ, బెండ, దోస, అన్ని రకాల ఆకుకూరలు...ఇంటి పెరడులో పండించవచ్చు.
వర్షా కాలం: అన్ని రకాల ఆకుకూరలు, వంగ, బెండ, గోరుచిక్కుడు, బీర, కాకర..పం
చలికాలం: బఠాణీలు, చిక్కుడు, టమాటా, క్యాబేజి, క్యాలీఫ్లవర్, బంగాళాదుంపలు, బీన్స్, క్యారట్..
ఎండలో / ఎక్కువ కాంతిలో పెరిగేవి: వంగ, టమాటా, మిరప..
నీడలో పెరిగేవి: చాలామటుకు ఆకుకూరలు, ఆవాలు, క్యాబేజి, క్యారట్, ముల్లంగి, చిలకడ దుంప మొక్కలు..