ఇంట్లోని బంగారాన్ని అమ్మడం అశుభమని వాస్తుశాస్త్రం వివరించే ఆరు కారణాలు.

Published: Wednesday, March 7, 2018, 17:01 [IST]

భారతీయులు నగదు తరువాత బంగారాన్ని మాత్రానే విలువైనదిగా పరిగణిస్తారు. బంగారం ఒక మూలకం. ఇదో విలువైన లోహం. అలంకారాలకు, నగలకు విరివిగా వాడుతారు. ఆయుర్వేద వైద్యంలోనూ దీనికి విశేష ప్రాధాన్యత ఉంది. బంగారం ఒక రసాయనిక మూలకం. ఇది ఆవర్తన పట్టికలో 11 వ సమూహానికి చెందింది.

పూర్వ కాలంలో దీన్ని ద్రవ్యంగా వాడేవారు. ఇక బంగారం వినియోగంలో ప్రపంచంలోనే భారత్ రెండో స్థానంలో ఉంది. ఆభరణాలంటే భారతీయులకు మక్కువ. దీన్ని నగదుకు ప్రత్యామ్నాయంగా కొన్ని సందర్భాల్లో పరిగణిస్తారు. అంతేకాదు బంగారు ఆభరణాలను ధరించడం హోదాకు చిహ్నంగా భావిస్తారు.

వాస్తు ప్రకారం బంగారాన్ని సొంతం చేసుకుంటే, వ్యక్తిత్వంపై విశ్వాసం పెరుగుతుంది.మనం ఎప్పుడు పడితే అప్పుడు బంగారాన్ని అమ్మరాదని వాస్తుశాస్త్రం తెలియజేస్తుంది. దీనికి గల కారణాలు ఈ విధంగా వివరింపబడ్డాయి.

బంగారం రాచరిక చిహ్నం:

అనాదిగా బంగారానికి రాజరిక వ్యవస్థకి అవినాభావ సంబంధం ఉంది. వాస్తు శాస్త్ర ప్రకారం బంగారం మన వ్యక్తిత్వానికి ఆత్మవిశ్వాసాన్ని జోడిస్తుంది.

బంగారం స్వచ్చమైన లోహం :

ఇండ్లకు శంఖుస్థాపన చేసే సమయంలో స్వచ్చ ధాతువులైన బంగారం మరియు ఇతర లోహాలను వాడతారు. బంగారం ప్రతికూలతలను పారద్రోలుతుంది.

వాస్తుదోష నివారణకు బంగారం సహాయపడుతుంది:

బంగారం బహు శక్తిమంతమైన లోహం. స్వల్ప వాస్తుదోషం ఉన్న ప్రదేశాలలో దోష నివారణకు బంగారాన్ని ఉపయోగిస్తారు.

అతీంద్రియ దైవిక శక్తులను ఆకర్షిస్తుంది:

మనకు అత్యవసరంగా నగదు అవసరమైనప్పుడు మనం బంగారం అమ్మాలనుకుంటాం, కాని అటువంటి సమయంలో దైవిక శక్తులను ఆకర్షించడంలో బంగారం తోడ్పడుతుంది.

ఆర్ధిక నష్టాలను కలుగ చేస్తుంది:

మన అవసరాన్ని ఆసరాగా చేసుకుని, బంగారం అమ్మేటప్పుడు తరుగు, రామి , తయారి చార్జీలు మొదలైన పేర్లతో మనకు రావలసిన సొమ్మును వ్యాపారస్తులు కాజేస్తారు. కనుక బంగారం అమ్మేటప్పుడు ఇటువంటి నష్టాలకు ముందుగానే మనం సిద్దపడి ఉండాలి.