చాయ్ పీలో ఫ్రెండ్స్ ఆంటీ.. వీడియోలు చూస్తే చూస్తూనే ఉండాలనిపిస్తుంది.. మీరూ ఒక్క లుక్ వేసుకోండి

అంతర్జాతీయ స్టార్

సోంవాటి తన వీడియో సోషల్ మీడియాలో వైరల్‌గా మారడంతో ఆమె అంతర్జాతీయ స్టార్ అయిపోయింది. ఆమెను అనుకరిస్తూ చాయ్ పీలో ఫ్రెండ్స్ అంటూ ఓ ఫారెనర్ వీడియో తీసి తన ఫేస్ బుక్ అకౌంట్ లో షేర్ చేశాడు. దీంతో ఆ వీడియో కూడా కొన్నాళ్లుగా సోషల్ మీడియాలో హల్ చల్ చేస్తోంది.యూఎస్‌లోని యేల్ యూనివర్సిటికీ చెందిన ఓ స్టూడెంట్ హలో ఫ్రెండ్స్ చాయ్ పీలో అంటూ చాయ్ తాగుతూ దానిని ఆస్వాదిస్తున్న వీడియో అది.

విగో వీడియో యాప్‌లో పోస్ట్

సోంవాటి.. హల్లో ఫ్రెండ్స్.. చాయ్ పీలో అంటూ తను రోజూ ఓ వీడియో తీసి విగో వీడియో యాప్‌లో పోస్ట్ చేస్తుంటుంది. దీంతో తను విగోలో పాపులర్ వ్లోగర్ అయింది. అయ్యో.. ఈ వ్లోగర్ ఏంది అని కన్ఫ్యూజ్ కాకండి. వ్లోగర్ అంటే వీడియో బ్లాగర్‌కు షార్ట్ ఫామ్.

ఫ్లేమ్స్ అనే పాయింట్స్

విగో వీడియో అనేది ఒక వీడియో యాప్. దాంట్లో షార్ట్ వీడియోలను క్రియేట్ చేసి అందులో షేర్ చేయొచ్చు. డబ్‌స్మాష్ కూడా చేయొచ్చు. వాటిని ఎంతమంది చూస్తే అంత పాపులారిటీ వస్తుంది, ఫాలోవర్స్ పెరుగుతారు. అంతే కాదు. ఫ్లేమ్స్ అనే పాయింట్స్ యాడ్ అవుతాయి.

500 దాకా వీడియోలు

అలా ఇప్పటి వరకు సోంవాటి మహవార్ 500 దాకా వీడియోలను విగోలో అప్‌లోడ్ చేసింది. అయితే.. వాటిలో చాయ్ పీలో అని చెబుతూ.. గరమ్ గరమ్ చాయ్‌ని మహవార్ తాగిన ఓ 15 సెకండ్ల వీడియోను ఫేస్‌బుక్‌లో అప్‌లోడ్ చేయడంతో ఆ వీడియో కాస్త వైరల్ అయ్యింది. దీంతో మహవార్ లైమ్‌లైట్‌లోకి వచ్చింది.

బ్రాండ్ అంబాసిడర్

తన మ్యానరిజం నచ్చిన నెటిజన్లు.. తననే బ్రాండ్ అంబాసిడర్ ఆఫ్ టీగా ప్రకటించారు. ఇక.. తనకు రోజురోజుకూ పాపులారిటీ పెరుగుతుండటంతో తన వీడియోలను కూడా మహవార్ పెంచుతూ పోతోంది.

మెమెలు తయారు చేసి

చాయ్‌తో పాటు పుచ్చకాయ, మామిడి పండ్లను తింటూ వాటిని తినండంటూ వీడియోలు షేర్ చేస్తోంది సోంవాటి మహవీర్. తన వీడియోలను ఉపయోగించి నెటిజన్లు తమ మెదడుకు పదును పెడుతున్నారు. ఆ వీడియోలకు తగ్గట్టుగా మెమెలు తయారు చేసి సోషల్ మీడియాలో వదులుతున్నారు.

ఓ లుక్కేసుకోండి

అలా సోషల్ మీడియాలో తనకంటూ ఓ ఐడెంటిటీని క్రియేట్ చేసుకొని ప్రస్తుతం చాయ్ అంటే మహవార్, మహవార్ అంటే చాయ్ అన్నట్లుగా సోంవాటి మహవార్ ఫేమస్ అయిపోయింది. త‌న‌ను ఫేమ‌స్ చేసిన వీడియోల‌పై మీరూ ఓ లుక్కేసుకోండి మ‌రి..