బ్రతుకున్న ఆక్టోపస్ తినడానికి దైర్యం చూపిన మహిళకు షాక్.!

ఆమె రెగ్యులర్ వ్లోగర్ :

"సీ సైడ్ గాళ్ లిటిల్ సెవెన్ " అనబడే ఈ సోషల్ మీడియా వోగర్, తరచుగా సముద్రపు ఆహారాన్ని తింటూ వాటిని సామాజిక మాధ్యమాలలో లైవ్ స్ట్రీమింగ్ ఇస్తుంటుంది. ఆ క్రమంలో భాగంగానే, ఒక బ్రతికున్న భారీ ఆక్టోపస్ను తినడం ద్వారా, తన చానెల్ను ఒక మెట్టు పైకి తీసుకెళ్లాలని ఆమె నిర్ణయించుకుంది.

బ్రతికున్న ఆక్టోపస్ను చేతితో పట్టుకుని నిలబడింది ..

వీడియోలో చూపినట్లు ఆమె, ఒక పెద్ద ఆక్టోపస్ను పట్టుకొని నిలబడింది. మరికొద్దిసేపటిలో దాన్ని తినాలని నిర్ణయించుకుంది.

ఆ గిలిగింతలు, ఏడుపుగా మారడానికి ఎంతో సమయం పట్టలేదు …

ఆమె ఆక్టోపస్ను కొరికిన వెంటనే, పరిస్థితి తారుమారైంది. ఆ ఆక్టోపస్ హింసాత్మకంగా ఆ వ్లోగర్ ముఖం మీద దాడిచేయడం ప్రారంభించింది. గట్టిగా విడువకుండా పట్టుకుని ఆమెని ప్రతిఘటించింది. ప్రారంభంలో ఆక్టోపస్ చర్యను గిలిగింతలుగా భావించినా, కొన్ని సెకన్ల వ్యవధిలోనే ఆమె నవ్వు బాధగా మారిపోయింది.

చివరికి ఆక్టోపస్ను వదిలించుకుంది …

సుదీర్ఘ పోరాటం తర్వాత, ఆమె తన ముఖం నుండి ఆక్టోపస్ను విడదీయగలిగింది. కానీ ఆ ఆక్టోపస్ ఆమె ముఖంపై చేసిన రక్తగాయాన్ని చూపుతూ , దీనిని తదుపరి వీడియోలో ఖచ్చితంగా తింటానని చెప్పుకొచ్చింది.

కావున, ఇటువంటివి చేసేముందు తగిన జాగ్రత్తలు తీసుకోవలసి ఉంటుంది. ఈమధ్య సామాజిక మాధ్యమాలలో అనేక కొత్త కొత్త చాలెంజ్లు కూడా హల్చల్ చేస్తున్నాయి. అవి, కొందరికి ప్రాణాల మీదకు కూడా తీసుకొస్తున్నాయి. ఇటువంటి వాటిని అనుసరించే వాళ్ళు, అనవసరంగా ఒక జీవితాన్ని పణంగా పెడుతున్నారని గుర్తుంచుకోవడం మంచిది.

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర విషయాలతో పాటు. ఆరోగ్య, జీవనశైలి, మాతృ, శిశు సంక్షేమ, ఆహార, లైంగిక, వ్యాయామ, ఆద్యాత్మిక, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి.