Chanakya Niti: చాణక్య నీతి ప్రకారం ఈ ఆరుగురు బంధువు మిమ్మల్ని ఒంటరిగా అస్సలే వదలిపెట్టరు

జ్ఞానం తండ్రివంటిది:

జ్ఞానం ఉన్న వ్యక్తికి ప్రతి చోటా గౌరవం లభిస్తుంది. జ్ఞానం ఉన్న వాడి కంటే గొప్పవాడు లేడంటాడు చాణక్యుడు. జ్ఞానం ఉన్న వాళ్లు సమస్యల్లో ఉన్నా సులభంగా వాటిని పరిష్కరించుకుని సంతోషంగా జీవిస్తారని, కాలం కలిసిరాకపోయినా అవకాశాలు సృష్టించుకుంటారని చెప్పాడు చాణక్యుడు. తండ్రి వంటి జ్ఞానాన్ని పెంపొందించుకోవడం కోసం నిరంతరం శ్రమించాలని చెబుతాడు. నిరంతర విద్యార్థిలా ఉన్నవారే జీవితంలో వృద్ధి చెందుతారని, సంపద సృష్టిస్తారని చెప్పాడు చాణక్యుడు.

నిజం సోదరుని వంటిది:

ధర్మం సోదరుడి వంటిదని చాణక్యుడు చెప్పాడు. జీవితంలోని అన్ని రంగాల్లో ఒక సోదరుడు మీకు అండగా ఉంటాడు. అదే విధంగా ధర్మం సోదరుడిగా భావిస్తే దానిని జీవితంలోని అన్ని చోట్ల ఆచరించాలని చాణక్యుడు సూచించాడు. నీతి ఎప్పటికీ నిలిచి ఉంటుంది. ధర్మం మనుషులను నిలబెడుతుంది. ధర్మమే ఎప్పటికీ విజయం సాధిస్తుంది. సోదరుడు తప్పు చేయకుండా కాపాడినట్లుగానే నీతి తప్పు చేయకుండా ఆపుతుంది.

దయ స్నేహితుడు వంటిది:

దయ స్నేహితుడిగా ఉండాలని చాణక్యుడు చెప్పాడు. దయ మిత్రుడు అయినప్పుడు ప్రతి ఒక్కరూ స్నేహితులు అవుతారని చెప్పాడు చాణక్యుడు. దయ ప్రతి ఒక్కరినీ ఆకర్షిస్తుంది. దయ ఉన్న వారిని ప్రతి ఒక్కరూ ఆదరిస్తారు. దయలేని వారిని ఎవరూ ఇష్టపడరు.

మనశ్శాంతి భార్య వంటిది:

ప్రతి మనిషి మనశ్శాంతిని భార్యగా అంగీకరించాలి. తప్పైనా ఒప్పైనా జీవిత భాగస్వామి మన వెంటే ఉన్నట్లుగా ఏ పని చేసినా మనశ్శాంతి వెతుక్కోవాలి. మనశ్శాంతి లేని పని చేసినా ప్రయోజనం ఉండదు.

క్షమాపణ కొడుకు వంటిది:

క్షమాపణను కొడుకుగా చూడాలని చెప్పాడు చాణక్యుడు. ప్రజలను క్షమించడం నేర్చుకోవాలి. ఇది అనుకున్నంత సులభమైనది కాదు. ఎందుకంటే మనకు చెడు చేసిన వారు, మనల్ని మోసం చేసిన వారు క్షమాపణ అడిగితే దానిని అంగీకరించే మనస్తత్వం ఉండాలని అంటాడు చాణక్యుడు. కానీ అది చెప్పుకున్నంత సులభమైనది కాదు. కానీ దాని వల్ల శత్రువులు తగ్గిపోయి మిత్రులు పెరుగుతారని చెప్పాడు చాణక్యుడు.

"సత్య మాతా పితా జ్ఞానమ్

ధర్మో భ్రాతా దయా శాఖా

శాంతిః పత్నీ క్షమా పుత్రాః

షడేతే మాం బాంధవ!"

చాణక్య నీతి ప్రకారం ఈ లక్షణాలున్న పురుషులంటే స్త్రీలకు ఎంతో ఇష్టం, అవేంటంటే..