వైరల్ వీడియో : మందు బాబులం.. మేమే మహారాజులం.. అంటున్న చిన్నారులు..

మందు బాబులు..

‘మందు బాబులం మేము మందు బాబులం.. మందు కొడితే మాకు మేమే మహారాజులం.. అరే కల్లు తాగి గెంతేస్తాం.. సారా తాగి చిందేస్తాం..మందంతా దిగే దాకా లోకాలే పాలిస్తాం‘‘ అని గబ్బర్ సింగ్ లో కోట శ్రీనివాసరావు గారు పాట పాడితే అందరూ ఎంజాయ్ చేస్తారు. అయితే అలాంటి సీనే రియల్ లైఫ్ లోనూ జరిగింది. కాకపోతే ఇక్కడ తాగింది.. వాగింది.. చిందేసింది మాత్రం చిన్న మందుబాబులు.

ట్విట్టర్లో వైరల్..

ఈ చిన్నారులకు మద్యం సరఫరా చేస్తున్న మరియు పిల్లలు మద్యం తాగుతున్న ఎవరో ఒకరు వీడియో తీసి ట్విట్టర్లో పోస్ట్ చేశారు. అంతే కాస్త కొన్ని గంటల్లోనే షేర్ అయిపోయింది. ఈ షాకింగ్ సంఘటన ఎక్కడ అనేది ఇంకా స్పష్టంగా తెలియలేదు. అయితే అక్కడి పరిస్థితిని చూస్తే అది కర్నాటక-తమిళనాడు సరిహద్దు ప్రాంతం అని కొంతమంది నెటిజన్లు చెబుతున్నారు.

పిల్లలకు విషమిచ్చినట్టే..

చిన్న పిల్లలకు మద్యం అలవాటును నేర్పితే మన చేతులారా మనమే విషమిచ్చేనట్టేనని మరికొందరు నెటిజన్లు ఆగ్రహం వ్యక్తం చేస్తున్నారు. వెంటనే ఈ వీడియో ఆధారంగా పోలీసులకు ఫిర్యాదు చేసి వారిపై కఠిన చర్యలు తీసుకోవాలని ముక్త కంఠంతో డిమాండ్ చేస్తున్నారు. అమాయక పిల్లలకు మద్యం ఇచ్చి వారి జీవితాన్ని నాశనం చేసినట్టే అని మరికొందరు నెటిజన్లు బాధపడుతున్నారు.

పిల్లలు మద్యం తాగితే...

చిన్న పిల్లలు ఆల్కహాల్ ను తెలిసి తాగినా.. తెలియక తాగినా వారిలో కేంద్ర నాడీ వ్యవస్థ క్షీణించిపోతుంది. అలాగే నిరంతరం మద్యం సేవించే పిల్లలకు ఫిట్స్, మూర్ఛ, కోమా వంటి ప్రమాదకరమైన వ్యాధులు వచ్చేస్తుంది. అంతేకాదు పిల్లలు మద్యం తాగడం వల్ల అది వారి నేరాలకు పాల్పడేలా చేసే అవకాశం ఎక్కువగా ఉంటుంది. మద్యం అనేది ప్రత్యక్షంగా లేదా పరోక్షంగా అనేక నేరాలకు సంబంధించింది. మద్యం, బాల్యం కలసిపోతే వారికి తెలియకుండా సామాజిక వ్యతిరేక కార్యకలాపాలకు మరియు రాబోయే కాలంలో హింసాత్మక చర్యలకు పాల్పడే అవకాశం ఎక్కువగా ఉంటుంది.