మీ చిన్నారులకు ఒంటరిగా నిద్రపోయే అలవాటు కలిగించే 11 మార్గాలు

బెస్ట్ ప్లేస్:

కొత్తగా తల్లిదండ్రులైన వారు తమ చిన్నారి హాయిగా నిదరపోయేందుకు సరైన ప్లేస్ ను ఎన్నుకోవాలి. పిల్లల ఎదుగుదలకు తగ్గట్టు మార్పులు తీసుకువస్తే చిన్నారికి ఒంటరిగా నిదురపోయే అలవాటును తెప్పించవచ్చు.

సరైన సమయం:

చిన్నారి నిద్రకు సంబంధించి ఖచ్చితమైన షెడ్యూల్ ను అనుసరించాలి. చిన్నారి నిద్రకు సంబంధించిన అంశాలను మీరు గుర్తించగలగాలి. మీ చిన్నారికి నిద్ర వస్తున్నట్టు ఈ సంకేతాల ద్వారా తెలుసుకోవచ్చు. మీ చిన్నారి కళ్ళు నులుముకుంటున్నా, ఆవలిస్తున్నా మీ చిన్నారి నిద్రలోకి జారుకునే సమయం ఆసన్నమైందని తెలుసుకోవాలి. చిన్నారిని నిద్రపుచ్చడానికి సరైన ఏర్పాట్లు చేయాలి.

రొటీన్ ను ఏర్పాటు చేసుకోండి:

ఒక రొటీన్ ను ఏర్పాటు చేయడం ద్వారా చిన్నారికి ఒంటరిగా నిద్రపోయే అలవాటును కల్పించవచ్చు. ఆ రొటీన్ చాలా సులభతరంగా ఉండాలి. చిన్నారిని నిద్రపుచ్చడానికి ముందు చిన్నారికి స్నానం చేయించడం, నాపీని మార్చడం, ఒక చిన్న మసాజ్ ను చేయడం వంటివి ఎంతో ఉపయోగకరంగా ఉంటాయి.

సౌకర్యవంతమైన బట్టలు

చిన్నారికి రాత్రిపూట సౌకర్యవంతమైన దుస్తులనే తొడగాలి. కాటన్ వస్త్రాలను అలాగే మెత్తటి మెటీరియల్స్ ను చిన్నారి నిద్రించే సమయానికి అందుబాటులో ఉంచాలి. చికాకు కలిగించే నైట్ వేర్ లో చిన్నారికి నిద్రపట్టదు.

చిన్నారి ఆకలి తీర్చండి

ఆకలితో ఉన్న చిన్నారికి సరిగా నిద్రపట్టదు. అందుకే సరైన పోషకాహారంతో చిన్నారి ఆకలిని తీర్చాలి. చిన్నారి నిద్రించే సమయానికి కనీసం మూడుగంటల ముందు ఆహారాన్ని అందించాలి.

శ్వాస అందేలా చూసుకోవాలి

జలుబుచేత చిన్నారులు నిద్రలో శ్వాసకు సంబంధించిన ఇబ్బందులతో సతమతమవుతారు. అందుకే, వారికి సరైన చికిత్స ద్వారా శ్వాస సరిగా అందేలా చూసుకోవాలి. ముక్కులో ఇన్ఫెక్షన్స్ ఉంటే కూడా శ్వాసతీసుకోవడం కష్టమవుతుంది. వారికి శ్వాసకు సంబంధించిన ఇబ్బందులు తలెత్తకుండా జాగ్రత్తలు తీసుకోండి.

ప్రశాంతమైన వాతావరణం:

ప్రశాంతమైన, నిశ్శబ్దమైన వాతావరణాన్ని చిన్నారులు ఇష్టపడతారు. ఏవైనా రొదలు వినిపిస్తే వారి నిద్రకు భంగం కలుగుతుంది. ఈ విషయంలో తల్లిదండ్రులు తగిన జాగ్రత్తలు తీసుకుంటే చిన్నారులు ప్రశాంతంగా నిదురిస్తారు.

వార్మ్ లైట్స్:

చిన్నారుల గదిలో వార్మ్ లైట్స్ ని వాడటం ద్వారా వారికి అదనంగా ఒక గంట నిద్రను కానుకగా ఇచ్చినవారవుతారు. వార్మ్ లైట్స్ అనేవి చిన్నారుల నిద్రకు భంగం కలగకుండా కాపాడతాయి.

సంరక్షించండి

దుప్పటి వంటి కొన్ని భద్రతా వస్తువులని ఇస్తూ వారిని సంరక్షించండి. ఒంటరిగా నిద్రపోయేటప్పుడు వారికి భయం కలగకుండా తగిన జాగ్రత్తలు తీసుకోండి.

చికాకు కలిగించే వస్తువులను తొలగించండి

చిన్నారులు నిద్రకుపక్రమించే సమయంలో వారికి సమీపంలో దుమ్మూ ధూళిని కలిగించే వస్తువులు లేకుండా చూసుకోవాలి. పౌడర్ల వంటివి దూరంగా ఉంచాలి. లేదంటే వారికి శ్వాసలో ఇబ్బందులు తలెత్తుతాయి.

ఆహ్లాదకరమైన టెంపరేచర్:

చిన్నారులు నిద్రించే గదిలో స్థిరమైన టెంపరేచర్ ఉండేలా చూసుకోవాలి. గదిలో వెచ్చటి టెంపరేచర్ ఉండేలా చేయడం ద్వారా చిన్నారులు నిద్రించడానికి అనుకూలమైన వాతావరణం కల్పించినవారవుతారు.