ఈ 13 చర్యలను తీసుకుంటే మీ పిల్లలు రాత్రంతా హాయిగా నిద్రపోతారు

ఒక రొటీన్ ను ఏర్పరచండి:

ప్రతి రోజూ ఒకే సమయానికి నిద్రించేలా మీ చిన్నారులను సిద్ధం చేయాలి. అలా చేయడం ద్వారా చిన్నారుల బయలాజికల్ క్లాక్ లో అనుకూల మార్పులు కలగడం వలన చిన్నారులకి నిద్రించే సమయం ఆసన్నమైందని తెలుస్తుంది.

నిద్రించే వాతావరణంపై శ్రద్ధ వహించండి:

మీ చిన్నారి నిద్రించే సమయంలో పెద్ద సౌండ్ తో టెలివిజన్ ను వీక్షించడం అలాగే గదిలో వెలుతురూ ఎక్కువగా ఉంచటం వారి నిద్రకు ఆటంకాన్ని కలిగిస్తుంది. అందుచేత, చిన్నారి నిద్రకు ఎటువంటి అటంకంగా కలగని వాతావరణాన్ని ఏర్పాటు చేయాలి. టీవీని ఆఫ్ చేసి గదిలోని లైట్లను డిమ్ చేయాలి. ఈ జాగ్రత్తలు తీసుకుంటే చిన్నారి హాయిగా రాత్రంతా నిద్రిస్తుంది.

చిన్నారులకు తమంతట తామే నిదురించే అలవాటును కలిగించాలి:

తల్లిదండ్రులు తమ చిన్నారులను నిద్రపుచ్చడంలో భాగంగా వారిని ఎత్తుకుని తిప్పడం వంటివి చేస్తూ ఉంటారు. వీటివలన, తలిదండ్రులు ఎత్తుకున్నంత సేపూ చిన్నారులకి నిద్రవస్తున్నట్టు అనిపిస్తుంది, మీరు వారిని బెడ్ పైన పడుకోబెట్టగానే వారు వెంటనే మేల్కొంటారు. అందుచేత, చిన్నారులకు తమంతట తామే నిద్రించే అలవాటును చేయడం వలన వారి నిద్రకు ఎటువంటి ఆటంకం కలగదు.

బొమ్మలను లేదా మెత్తటి తలగడను వాడండి:

మీ చిన్నారి ఈ ప్రపంచానికి ఇప్పుడిప్పుడే అలవాటుపడుతోందన్న విషయం మరచిపోకండి. అందుకే, నిద్రించే సమయంలో తను భయపడకుండా మీరు జాగ్రత్తలు తీసుకోవాలి. తన వద్ద మెత్తటి తలగడని లేదా ఒక సాఫ్ట్ టాయ్ ని ఉంచండి. మీ చిన్నారి సాఫ్ట్ టాయ్ ని హత్తుకుని హాయిగా నిద్రిస్తుంది.

నైట్ ఫీడింగ్ ఉపయోగపడుతుంది

మీ చిన్నారింకా తల్లిపాలు త్రాగుతున్నట్లైతే నిద్రించే సమయంలో కూడా పక్కమీదనే వారికి ఫీడింగ్ ఇవ్వడం ద్వారా చిన్నారికి నిద్రాభంగం కలగకుండా చూసుకోవచ్చు. ఒకవేళ చిన్నారి నిద్రించిన కొంతసేపటికే తిరిగి మేల్కొంటే ఫీడింగ్ ఇవ్వడం ద్వారా చిన్నారిని మళ్ళీ నిద్రపుచ్చవచ్చు. అందుకే, రాత్రిళ్ళు కూడా వీలైనంతగా చిన్నారులకు ఫీడింగ్ ఇవ్వమని డాక్టర్లు సూచిస్తున్నారు.

పగటిపూట చిన్నారిని ప్రశాంతంగా ఉంచండి

తమ పిల్లలు పగటిపూట ఎంత ఎక్కువసేపు ఆడుకుంటే రాత్రి పూట అంత హాయిగా నిద్రపోతారని చాలా మంది తల్లిదండ్రులు భావిస్తారు. అయితే, ఇది కేవలం అపోహ మాత్రమే. నిజానికి, పగటిపూట మీ చిన్నారి హైపర్ యాక్టివ్ గా ఉన్నట్టయితే రాత్రి కూడా అదే స్థాయిలో యాక్టివ్ గా ఉండడానికి ప్రయత్నించి నిద్రలేమితో ఇబ్బందిపడుతుంది.

రాత్రి సమయంలో స్నానం:

రాత్రి సమయంలో స్నానం చేయించడం ద్వారా హైపర్ యాక్టివ్ గా ఉండే మీ చిన్నారికి ప్రశాంతత లభిస్తుంది.అలాగే, నిద్రపోయే ముందు చిన్నారి దుస్తులను తప్పనిసరిగా మార్చండి. వీటిని పాటిస్తే చిన్నారి హాయిగా రాత్రంతా నిదురిస్తుంది.

ఆహ్లాదకరమైన సంగీతాన్ని వినిపించండి:

తల్లి గర్భంలోంచే చిన్నారులు సంగీతాన్ని ఆస్వాదించడం మొదలుపెడతారు. అందుకే, పిల్లల బెడ్ టైం రొటీన్ లో భాగంగా వారికి చక్కటి సంగీతాన్ని వినిపించండి. సంగీతాన్ని వింటూ వారు నిద్రలోకి జారుకుంటారు. రాత్రంతా హాయిగా నిదురిస్తారు.

చిన్నారుల పక్కనే నిదురించండి

చిన్నారుల పక్కనే మీరు నిద్రించడం వలన వారు హాయిగా నిద్రిస్తారు. మీ నుంచి వచ్చే వెచ్చదనంతో చిన్నారులు నిద్రలోకి జారుకుంటారు. చిన్నారికి తనంతట తనుగా నిద్రించే అలవాటును కల్పించడంతో పాటు అప్పుడప్పుడూ మీరు కూడా మీ చిన్నారితో నిద్రిస్తే వారు హాయిగా నిద్రిస్తారు.

ఒక గూడును నిర్మించండి

తల్లి గర్భంలో ఉన్నప్పుడు శిశువులు ఒక గూటిలో ఉన్నట్టుగా భావన కలిగి ఉంటారు. అదే భావన వారికి నిద్రించే సమయంలో కలగాలంటే తలగడాలతో దుప్పట్లతో వెచ్చటి గూటిని నిర్మించండి. చిన్నారులు ఈ గూటిని ప్రత్యేకంగా భావించి హాయిగా నిద్రిస్తారు.

నిద్రించే సమయమని చిన్నారులకు సహజంగా తెలియాలి

ప్రతిరోజూ నిద్రించే సమయంలో ఎదో ఒక యాక్టివిటీని ఒక భాగంగా తప్పనిసరిగా చేయాలి. తద్వారా, చిన్నారులకు నిద్రించే సమయం ఆసన్నమైందని తెలుస్తుంది. చక్కటి సంగీతంగాని, కథలు చెప్పడం గాని ఏదైనా యాక్టివిటీని ఏర్పాటు చేసుకోండి.

చిన్నారుల ఆకలిని తీర్చండి

ఆకలితో ఉన్న చిన్నారి సరిగ్గా నిద్రించలేదు. నిద్రలో కదులుతూ కలత నిద్రతో ఇబ్బంది పడుతుంది. అందువలన, నిద్రపోయే సమయానికి కొన్ని గంటల ముందు చిన్నారికి కడుపునిండా భోజనం పెట్టండి.

చిన్నారులలో మలబద్దకం సమస్యను నిర్మూలించాలి

మలబద్దకం సమస్యతో చిన్నారులు నిద్రలో ఇబ్బందులు పడతారు. ఒక్కోసారి రాత్రిపూట మలవిసర్జనకై ప్రయత్నించి నిద్రకు భంగం ఏర్పరచుకుంటారు. అందుచేత, పగటిపూటే వారు మలవిసర్జనకు వెళ్లేలా తగుచర్యలు తీసుకోవాలి. కనీసం, నిద్రించడానికి ముందైనా వారు మలవిసర్జనని చేసుకునేలా జాగ్రత్తపడడం మంచిది.