గర్భిణీలలో గ్యాస్ లేదా గ్యాస్టిక్ సమస్యను నివారించడానికి 7 ఎఫెక్టివ్ టిప్స్ ..!

భోజనం:

రోజులో రెండు సార్లు హెవీ మీల్స్ తీసుకునేటప్పుడు, రెండు సార్లు తీసుకునే ఆహారం నాలుగు సార్లుగా తినేవిధంగా మార్చుకోవాలి, ఒకేసారి ఎక్కువ ఆహారం తినకుండా,కొద్దికొద్దిగా అయినా ఎక్కువ సార్లు తినాలి. రోజులో ఇలా నాలుగైదు సార్లు తినడం వల్ల డైజెస్టివ్ స్టిస్టమ్ స్ట్రాంగ్ గా ఉంటుంది.

ఆహారం అలాగే మింగకుండా నమిలి తినాలి:

ఆహారం తినే విధానం కూడా ముఖ్యమే, తినే ఆహారం బాగా నమిలి మింగడం వల్ల జీర్ణ వ్యవస్థ మీద ప్రెజర్ తగ్గుతుంది. భోజనం చేసే సమయంలో మాట్లాడటం తగ్గించాలి. ఇలా చేయడం వల్ల ఆహారంతో పాటు గాలి పొట్టలోకి ఎక్కువ చేరకుండా ఉంటుంది. అలాగే భోజనం చేసే సమయంలో ఎక్కువ నీళ్ళు తాగకూడదు. భోజనానికి 10 నిముషాలు ముందు , భోజనం చేసిన 10 నిముషాల తర్వాత ఒక గ్లాసు నీళ్ళు తాగాలి.

ఫుడ్ ను మెయింటైన్ చేయాలి:

కొన్ని రకాల ఆహారాలు గ్యాస్ కు కారణమవుతాయి. రెగ్యులర్ గా తినే ఆహారాలే అయినా, గర్భిణీలో గ్యాస్ కు కారణమవుతాయి. కాబట్టి, ఇటువంటి ఆహారాలు తిన్నప్పుడు, 6 గంటలు తర్వాత గ్యాస్ సమస్య ఉన్నట్లైతే అటువంటి ఆహారాలకు దూరంగా ఉండటం మంచిది.

ప్రాబ్లమాటిక్ ఫుడ్స్ :

కొన్ని ఆహారాలు గ్యాస్ ను ఉత్పత్తి చేస్తాయి. అటువంటి ఆహారాలు మీద అవగాహన కలిగి ఉండాలి. బీన్స్, క్యాబేజ్, కాలీఫ్లవర్, పాలు, ఇతర డైరీ ప్రొడక్ట్స్ , బ్రొకోలీ, ఆపిల్స్ వంటివి గ్యాస్ట్రిక్ కు కారణమవుతాయి. వీటిని తిని గ్యాస్ సమస్య లేకుండా జీర్ణించుకునే శక్తి ఉన్నప్పుడు , నిర్భయంగా వీటిని తినొచ్చు.

నడక:

గర్బధారణ సమయంలో ఇంటికే పరిమితం కాకుండా, కూర్చొని ఉండకూడదు. ఉదయం , సాయంత్రాల్లో చిన్న పాటి, నడక, కొన్ని సింపుల్ వ్యాయామాలు చేయడం చాలా అవసరం. ఇలా చేయడం వల్ల శరీరంలో జీర్ణ శక్తి పెరుగుతుంది .గ్యాస్ ను నివారిస్తుంది.

గర్భిణీలకు యోగా సహాయపడుతుంది:

యోగ పురతాన కాలం నుండి ఉండే ఒక శారీరక వ్యాయామం. యోగాలో ఉండే వివిధ రకాల భంగిమలు, శరీరంలో జీర్ణశక్తిని పెంచుతుంది. అయితే యోగా చేయాలనుకునే వారు నిపుణుల పర్యవేక్షణలో చేయడం మంచిది.

మెడిసిన్స్, డ్రగ్స్ :

గర్భిణీలు గ్యాస్ సమస్యను తగ్గించుకోవడానికి వివిధ రకాలుగా ప్రయత్నించినా, సమస్య తగ్గకపోతే, డాక్టర్ లేదా హెల్త్ ప్రాక్టీసనర్ ను కలవాలి. వీరు మీ సమస్యను సున్నితంగా పరిష్కరించి , ఎఫెక్టివ్ రెమెడీస్ ను సూచిస్తారు .