బయటి కంటే డబల్ టేస్ట్‌తో చాక్లెట్ మిల్క్ షేక్ ఇంట్లోనే తయారు చేసుకోవచ్చు.. ఎలా అంటే?

చాక్లెట్ మిల్క్ షేక్.. ఈ పేరు వినగానే ప్రతి ఒక్కరికీ పెదాలపై ఒక చిన్న చిరునవ్వు వస్తుంది. ఇది కేవలం ఒక పానీయం మాత్రమే కాదు. ఇది ఒక ఎమోషన్ కూడా. అద్భుతమైన రుచితో, మనసును సంతోషానికి నింపే అనుభవాన్ని ఇది అందజేస్తుంది. చల్లని పాలు, రుచికరమైన చాక్లెట్, కొంత ఐస్ క్రీమ్, ఇవన్నీ కలిపి చేసే ఈ చాక్లెట్ మిల్క్ షేక్.. ప్రతిఒక్కరికీ ఇష్టం ఉంటుంది. వేసవి కాలంలో జలుబు తగ్గించడానికి, లేదా శక్తిని పెంచుకునేందుకు చాక్లెట్ మిల్క్ షేక్ చాలా మంది ఇష్టంగా తాగుతుంటారు. చిన్న పిల్లల నుంచి పెద్ద వారి వరకు ఎంతో ఇష్టంగా తినే ఈ మిల్క్ షేక్ ఇంట్లోనే ఎలా తయారు చేసుకోవాలి? దానికి కావాల్సిన పదార్థాలు ఏంటి అనేది ఈ స్టోరీలో తెలుసుకుందాం.

చాక్లెట్ మిల్క్ షేక్ తయారీ:

ఇంట్లో సులభంగా చాక్లెట్ మిల్క్ షేక్ తయారుచేయడం చాలా సులభం. ఈ పానీయాన్ని తక్కువ సమయంలోనే సుసాధ్యం చేసుకోవచ్చు. చాక్లెట్ సిరప్ లేదా కరిగించిన చాక్లెట్ ద్వారా రుచినీ, టెక్స్చర్‌ను మెరుగుపర్చవచ్చు.

చాక్లెట్ మిల్క్ షేక్ తయారీకి కావలసిన పదార్థాలు:

చల్లని పాలు - 1 కప్పు
చాక్లెట్ సిరప్ - 2-3 టేబుల్ స్పూన్లు (మీరు కోరుకునే రుచికి సరిపడా)
ఐస్ క్యూబ్స్ - 4-5
వెనిల్లా ఐస్ క్రీమ్ - 1-2 స్కూపులు
విప్డ్ క్రీమ్, చాక్లెట్ చిప్స్, చాక్లెట్ సాస్

తయారీ విధానం:

ఒక బ్లెండర్ తీసుకోండి.

బ్లెండర్ జార్‌లో చల్లని పాలు పోయండి.

ఆపై చాక్లెట్ సిరప్ వేసి, రుచికి అనుగుణంగా పెంచుకోండి.

ఐస్ క్యూబ్స్ వేసి, అవసరమైతే వెనిల్లా ఐస్ క్రీమ్ జోడించండి.

బ్లెండర్ మూత పెట్టి, అన్ని పదార్థాలు బాగా కలసిపోయి, ఫ్లూఫీగా వచ్చేంత వరకు బ్లెండ్ చేయండి (సుమారు 30-60 సెకన్లు).

తయారైన షేక్‌ను ఒక గ్లాసులో పోయండి.

ఇప్పుడు విప్డ్ క్రీమ్, చాక్లెట్ చిప్స్ లేదా చాక్లెట్ సాస్‌తో గార్నిష్ చేసి, అంతే ఆ తరువాత చల్లగా సర్వ్ చేయండి.

ఈ కిచిడి తింటే, బిర్యానీని కూడా వద్దంటారు.. చాలా మందికి ఫేవరెట్,ఎలా చేసుకోవాలో చూడండి?

2. కరిగించిన చాక్లెట్‌ విధానంలో ఎలా చేసుకోవాలంటే

కావలసిన పదార్థాలు:

చల్లని పాలు - 1 కప్పు
డార్క్ లేదా మిల్క్ చాక్లెట్ - 50 గ్రాములు (చిన్న ముక్కలుగా కట్ చేయాలి)
కొద్దిగా వేడి నీరు లేదా పాలు - 1-2 టేబుల్ స్పూన్లు (చాక్లెట్ కరిగించడానికి)
పంచదార - మీ రుచికి తగినంత
ఐస్ క్యూబ్స్ - 4-5
వెనిల్లా ఎక్స్ట్రాక్ట్ - 1/4 టీస్పూన్ (రుచి కోసం)
వెనిల్లా ఐస్ క్రీమ్ - 1-2 స్కూపులు
విప్డ్ క్రీమ్, తురిమిన చాక్లెట్, చాక్లెట్ సాస్

తయారీ విధానం:

ముందుగా చాక్లెట్‌ను కరిగించాలి. ఒక చిన్న గిన్నెలో చిన్న ముక్కలుగా చేసుకున్న చాక్లెట్ వేయండి, కొద్దిగా వేడి నీరు లేదా పాలు కలపండి.

డబుల్ బాయిలర్ లేదా మైక్రోవేవ్‌లో చాక్లెట్‌ను కరిగించుకోండి. ఇది పూర్తిగా కరిగి నున్నగా మారాలంటే, కొద్దిగా చల్లారనివ్వండి.

ఇప్పుడు, ఒక బ్లెండర్ తీసుకుని, అందులో చల్లని పాలు పోయండి.

ఆపై, కరిగించిన చాక్లెట్ జోడించండి.

మీరు తీపి ఎక్కువగా కోరుకుంటే, పంచదార వేయండి.

ఆపై ఐస్ క్యూబ్స్ వేయండి.

మరింత క్రీమీగా కావాలంటే, వెనిల్లా ఐస్ క్రీమ్ కూడా జోడించవచ్చు.

బ్లెండర్ మూత పెట్టి, అన్ని పదార్థాలు బాగా కలసిపోయేలా బ్లెండ్ చేయండి.

తేలికైన ఫ్లూఫీ టెక్స్చర్ వచ్చాక, షేక్‌ను గ్లాసులో పోయండి.

ఇప్పుడు విప్డ్ క్రీమ్, తురిమిన చాక్లెట్, లేదా చాక్లెట్ సాస్‌తో గార్నిష్ చేసి, చల్లగా సర్వ్ చేయండి.