హెసరు కాలు ఉస్లి రెసిపిః పెసరపప్పు పొడికూర ఎలా తయారుచేయాలి

దక్షిణాది భోజన పద్ధతిలో సాధారణంగా అల్పాహార సమయంలో లేదా చిరుతిళ్ళగానో చేసుకునే వంటకం హెసరు కాలు ఉస్లి. నవరాత్రి వంటి పండగల సమయాల్లో, ఈ ఉస్లిని దేవునికి నైవేద్యంగా పెట్టి, ఉపవాసాలు ముగించాక తింటారు. నానబెట్టిన పెసరపప్పును ఉడికించి,అందులో వేయించి వేసిన దినుసులతో కలిపి వండుతారు.

ఇందులో ఉండే అధిక ప్రొటీన్, ఫైబర్ వల్ల అల్పాహారానికి సరిగ్గా సరిపోతుంది. బరువు తగ్గాలనుకునే వారు తప్పక తింటారు. తల్లులు పిల్లలకు స్కూలు తర్వాత చిరుతిండిగా దీన్ని చేసి పెడతారు. పెసరపప్పు నానబెట్టగానే, ఇక దీన్ని తయారుచేయటం తేలిక.

ఇది ఇంట్లోనే పెద్దనైపుణ్యం లేకుండానే చేసుకోవచ్చు. అందుకని దీన్ని మీరు ఇంట్లోనే తయారుచేసుకోవాలనుకుంటే, చిత్రాలు, వీడియోతో కూడిన ఇదిగో మా వ్యాసం, చదవండి.

స్టెప్ బై స్టెప్ - హెసరు కాలు ఉస్లి తయారీ ఎలా

1. అరచెంచా జీలకర్ర, పచ్చిమిర్చి, అల్లంను రోటిలో తీసుకోండి.

2. మెత్తగా రుబ్బండి.

3. వేడి కడాయిలో నూనె వేయండి.

4. ఆవాలు, పావు చెంచా జీలకర్ర వేసి వేయించండి.

5. ఇంగువ, కరివేపాకు కూడా జతచేయండి.

6. ఇందాక రుబ్బిన పేస్ట్ ను వేసి బాగా కలపండీ.

7. మొత్తం వేగాక, నానబెట్టి ఉడికించిన పెసరపప్పును వేసి బాగా కలపండి.

8. ఉప్పు,కొత్తిమీర వేసి బాగా కలపండి.

9. స్టవ్ ఆపేసి, నిమ్మరసం, కొబ్బరికోరును వేయండి.

10. అంతా కలిపి ఇక వడ్డించండి.