మునగకాయ, వంకాయ స్సైసీ సాంబార్ రిసిపి ..!

కూరల్లో కొన్ని రకాల కూరగాయల కాంబినేషన్లు చాలా రుచిగా ఉంటాయి. ఇలా రెండు మూడు రకాల కూరగాయలతో సాంబార్ తయారుచేయడం కర్ణాటకాలో ఎక్కువ. అలా కర్ణాటకా స్టైల్లో ఈ రోజు ఒక సాంబార్ ను పరిచయం చేస్తున్నాం.

మునగకాయ మరియు వంకాయ కాంబినేషలన్లో సాంబార్ చేసుకుంటే రుచికరంగా ఉంటుంది. ఈ సాంబార్ అన్నంతో తింటే చాలా రుచిగా ఉంటుంది. ఇది పిల్లల నుండి పెద్దల వరకూ ప్రతి ఒక్కరూ ఇష్టపడతారు. ఈ స్టైల్లో మంచి ఘుమఘుమలాడే సాంబార్ రుచిగా ఎలా తయారుచేయాలో తెలుసుకోండి.

మునగకాయ వంకాయ గ్రేవీ ఎలా చేయాలో తెలుసుకోవాలనుకుంటున్నారా? మునగ వంకాయ కూర కోసం ఒక సాధారణ వంటకం క్రింద ఉంది. చదివి రుచి చూసి మీ అభిప్రాయాన్ని మాతో పంచుకోండి.

కావాల్సిన పదార్థాలు:
* చింతపండు - 1 నిమ్మకాయ పరిమాణం
* నూనె - 2 టేబుల్ స్పూన్లు
* ఆవాలు - 1 టేబుల్ స్పూన్
* మెంతులు - 1/4 tsp
* కందిపప్పు పప్పు - 1 టేబుల్ స్పూన్
* ఉల్లిపాయలు - 1 లేదా 2
* వెల్లుల్లి - 10 రెబ్బలు
* కరివేపాకు - రెండు రెబ్బలు
* మునగకాయ - 2 (మీకు కావాల్సిన సైజ్ లో కట్ చేసుకోవాలి)
* వంకాయ - 6 (మీకు కావాల్సిన సైజ్ లో కట్ చేసుకోాలి
* టొమాటోలు - 2 (తరిగినవి)
* పులుసు కొద్దిగా
* కారం పొడి - 3 టేబుల్ స్పూన్లు
* ధనియాలపొడి 2టేబుల్ స్పూన్లు

రుబ్బుకోవడానికి...
* కొబ్బరి - 2 చిప్స్
* జీలకర్ర - 1/2 tsp
* మిరియాలు - 1/2 tsp

తయారుచేయు విధానం:
* ముందుగా చింతపండును నీళ్లలో 15 నిమిషాలు నానబెట్టి గ్రేవీకి కావాల్సిన ఉప్పు వేయాలి. తర్వాత బాగా మెత్తగా చేసి రసం తీసి పక్కన పెట్టుకోవాలి.
* తర్వాత స్టౌ మీద కడాయి పెట్టి అందులో నూనె పోసి వేడయ్యాక ఆవాలు, జీలకర్ర, శెనగపప్పు వేయాలి. తర్వాత పప్పు వేసి బంగారు రంగు వచ్చేవరకు వేయించాలి.
* తర్వాత అందులో ఉల్లిపాయ, వెల్లుల్లి, కరివేపాకు వేసి 3 నిమిషాలు బాగా వేగించాలి.
* తర్వాత తరిగిన మునగకాయ, వంకాయ వేసి వంకాయ రంగు మారే వరకు వేయించాలి.
* తర్వాత పులుసులో కారం వేసి 1 నిమిషం పాటు చింతపండు రసం పోసి కదిలించి 10 నిమిషాలు బాగా మరిగించాలి.
* గ్రేవీ ఉడకకముందే మిక్సీ జార్ లో కొబ్బరి, జీలకర్ర, మిరియాలపొడి వేసి కొద్దిగా నీళ్లు పోసి బాగా గ్రైండ్ చేయాలి.
* గ్రేవీ బాగా ఉడకడం మొదలవుతుంది, కొద్దిగా వేగిన తర్వాత కొబ్బరి తురుము వేసి 5 నిమిషాలు ఉడకనివ్వండి, రుచికరమైన మునగ వంకాయ కర్రీ రెడీ. వేడి అన్నంలోకి తింటే చాలా బాగుంటుంది

Image Courtesy: Apoorvaa's Nalabagam