కశ్మీర్ స్పెషల్ రెసిపి..తినాలంటే అదృష్టం ఉండాలి..ఎలా చేసుకోవాలో చూడండి

పులావ్ లలో అనేక రకాలు ఉంటాయి. అందులో ఒకటి కశ్మీరీ పులావ్. కశ్మీర్ లో ఏ దిక్కుకు వెళ్లినా దొరికుతుంది ఈ పులావ్. కశ్మీరీ పులావ్ రుచికరమైన, పోషకమైన ఆహారం కూడా. కశ్మీరీ పులావ్ లో ప్రోటీన్, ఫైబర్, విటమిన్లు,మినరల్స్ కలిగి ఉండి ఆరోగ్యానికి మంచి ప్రయోజనాను అందిస్తుంది. మన దగ్గర కూడా కొన్ని ప్రత్యేకంగా రెస్టారెంట్లలో లభిస్తుంటది. ప్రత్యేక సందర్భాలలో, వేడుకలలో వడ్డించడానికి ఇది ఫర్ఫెక్ట్ గా ఉంటుంది. మీ ఇంట్లోనే చాలా ఈజీగా ఈ టేస్టీ కశ్మీరీ వెజ్ పులావ్ ని ఎలా తయారు చేసుకోవాలో ఇక్కడ చూడండి.

కశ్మీరీ పులావ్ తయారీకి కావలసిన పదార్థాలు

-1 కప్పు బాస్మతి బియ్యం
-1/2 కప్పు డ్రై ఫ్రూట్స్ (కిస్మిస్, బాదం, జీడిపప్పు)
-1/4 కప్పు నట్స్ (పిస్తా, వాల్ నట్స్)
-1/4 కప్పు నెయ్యి
-1 ఉల్లిపాయ
-2 యాలకులు
-2 లవంగాలు
-1 దాల్చిన చెక్క ముక్క
-1/2 టీస్పూన్ కుంకుమ పువ్వు
-ఉప్పు

కశ్మీరీ పులావ్ తయారీ విధానం

-ముందుగా బాస్మతి బియ్యాన్ని 30 నిమిషాలు నానబెట్టండి.

-తర్వాత ఒక గిన్నెలో డ్రై ఫ్రూట్స్, నట్స్ వేసి నీళ్లలో నానబెట్టండి.

-ఇప్పుడు స్టవ్ మీద పాన్ పెట్టి నెయ్యి పోసి వేడి చెయ్యండి. వేడయ్యాక ఉల్లిపాయ చీలికలు వేసి బంగారు రంగు వచ్చే వరకు వేయించండి.

-తర్వాత అందులో యాలకులు, లవంగాలు, దాల్చిన చెక్క ముక్క వేసి వేయించండి.

-తర్వాత ఇందులోనే నానబెట్టిన బియ్యం వేసి కొన్ని నిమిషాలు వేయించండి. నీరు, ఉప్పు వేసి బాగా కలపండి.

-పాన్ మూత పెట్టి మీడియం మంట మీద బియ్యం ఉడికే వరకు ఉడికించండి.

-నీరు ఇంకిపోయిన తర్వాత నానబెట్టిన డ్రై ఫ్రూట్స్, నట్స్ వేసి కలపండి.

-తర్వాత కుంకుమ పువ్వు వేసి కలపండి. అంతే కశ్మీరీ పులావ్ రెడీ. కశ్మీరీ పులావ్‌ను పెరుగు లేదా రైతాతో తింటే అద్భుతంగా ఉంటుంది

-కశ్మీరీ పులావ్‌ ను మరింత రుచికరంగా చేయడానికి మీరు పన్నీర్ లేదా కూరగాయలు కూడా వేయవచ్చు.